Тамтыгы чыккан унаалар. Көлдө беш адамдын өмүрүн алган кырсыктын видеосу

Жазылуу
BMW-X5 менен BMW-530 үлгүсүндөгү автоунаалар жума күнү кан жолдо, Кызыл-Өрүк жана Сары-Камыш айылдарынын ортосунда кагышкан.

Ысык-Көлдөгү үрөй учурган автокырсыктан каза болгондордун арасында бир жашар кыз бар деген маалыматты Жол кыймылынын коопсуздугун камсыздоо боюнча башкы башкармалыктан кабарлашты.

ДТП на пересечении улиц Токомбаева и Шералиева - Sputnik Кыргызстан
Кыргызстанда жыл сайын канча жол кырсыгы болот? Жүрөк ооруткан график
Буга чейин 30-августта BMW үлгүсүндөгү эки автоунаанын кагышканы маалымдалган. Ысык-Көл облусунун Кызыл-Өрүк жана Сары-Камыш айылдарынын ортосунда BMW Х-5 жана BMW-530 үлгүсүндөгү эки автоунаа кагышып, беш адам каза болду.

Автокырсыкка күбө болгондор окуя учурунда медицина кызматкерлери, куткаруучулар жана автоинспекторлор кантип иштегендигин видеого тартып алган. BMW-530 автоунаасы майышып, талкаланып темирге айланып калган.

Жол кыймылынын коопсуздугун камсыздоо боюнча башкы башкармалыктан мерт болгондордун баары BMW-530 автоунаасынын ичиндегилер экендигин билдиришти.

"Кичинекей кызды дароо ооруканага алып барышып, бирок алган жаракаттарынан улам чарчап калды. Ал былтыр июнь айында жарыкка келиптир", — деп жазылган маалыматта.

Мындан сырткары, жолтандабастын айдоочусу жана анын жанындагы аялды Балыкчы шаарындагы ооруканага алып барышканы айтылды.

Жаңылыктар түрмөгү
0