Нурмагомедовдон утулган Порье ыйлап жиберди. Беттештен кийинки видео

4986
(жаңыланган 11:43 09.09.2019)
Ринг-анонсер россиялык Хабиб Нурмагомедов америкалык Дастин Порьени утканын жарыялап, андан соң мушкерлерге сөз берди.

Спортчулардын кармашы 8-августка караган түнү Абу-Даби шаарындагы UFC 242 турниринин алкагында өттү. Видео YouTube каналына жарыяланды.

Мелдештин үчүнчү раундунда Нурмагомедов Порьени муунтуу ыкмасы менен жеңип, чемпиондук наамын сактап калды.

"Жашоодо мага ушундай жакшы нерселер берилип жатканы үчүн Кудайга ыраазымын. Атаандашым менен беттешке чейин сый мамиледе болдум. Буга чейинки мелдешимде жагымсыз нерселер (кеп Конор Макгрегор тууралуу болууда) көп болду. Мен ал нерсенин бардыгын унуткум келди. Биз аралаш мушташта сый болуу керек дегенди көрсөттүк. ММА — бири-бириңе басынткан сөздөрдү айтуу эмес. Дастин Порье менен ушуну тастыктай алдык", — деген Нурмагомедов.

Порье сүйлөп жатып жашын тыя алган эмес.

"Ишеничимди актай алган жокмун. Бул беттеш үчүн көп нерсе кылдым деп ойлойм. Даярдыгым күч эле. Жашоодогу кыйынчылыктар мени сабырдуу болууга жана шүгүр кылууга үйрөткөн. Алдыда көп мүмкүнчүлүктөрүм бар", — деген Порье.

Нурмагомедов алгачкы жолу чемпиондук курга 2018-жылы америкалык Эл Яквинтаны уткандан кийин ээ болгон. Ошол эле жылдын 6-октябрында ирландиялык мушкер Конор Макгрегорду муунтуу ыкмасы менен жеңип, наамын коргоп калган. Беттештен кийинки чыр-чатактан соң тогуз айга дисквалификацияланган. Нурмагомедов карьерасында 28 беттешти утуп, бир да ирет жеңилген эмес.

Ал эми атаандашы Дастин Порье UFC уюмунун 70 килограмм салмактагы спортчулары арасында утурумдук чемпион болчу. Наамды быйыл Макс Холлоуэйди уткандан кийин алган. ММА боюнча 25 беттешти утуп, алты ирет жеңилген.

4986
Тема боюнча
Хабиб Нурмагомедов бөтөлкө челленджине элден башкача катышты. Видео
Хабиб атаандашын муунтуп, чемпион бойдон калды. Видео
UFC чемпиону Вейли Жанг Шевченкого чакырык таштады. Мушкердин жообу

Жарылуу болгон Бейруттан көрсөтүлгөн түз эфир

721
(жаңыланган 19:29 05.08.2020)
Ливандын борбору Бейрутта кечээки жарылуудан бери адамдарды издөө жана куткаруу иштери уланууда. Соңку маалыматтарга ылайык, жарылуудан каза болгондордун саны 70тен ашты.

Катуу жарылуу шейшемби күнү кечинде Бейруттагы порттун аймагында катталган.

Шаардагы имараттар жабыркаган, жаракат алгандардын көптүгүнөн улам ооруканалар толуп кеткен. Төрт миңден ашуун киши жарадар болду.

Үрөй учурган жарылуу болгон жерден алынган 14 сүрөт. Бейруттагы трагедия

Ливандын Саламаттык сактоо министрлигинин маалыматы боюнча, төрт миңден ашык адам түрдүү жаракаттарды алышкан. Жарылуунун эпкини окуя болгон жерден бир канча чакырым радиус аралыктагы үйлөрдүн терезелерин да талкалаган. Иорданиянын сейсмологиялык обсерваториясы Бейруттагы жарылуу 4,5 баллдык жер силкинүүгө барабар болгонун аныктаган.

721
Белгилер:
өлүм, кырсык, жарадар, куткаруу, жарылуу, Бейрут, Ливан
Тема:
Бейруттагы жарылуу
Тема боюнча
Күнөөлүүнү таап чыгам! Ливандын премьери Бейруттагы жарылуу боюнча үн катты
Бейруттагы жарылуу: Жээнбеков Ливан президентине көңүл айтты

Жүрөктү титиретет! Бейруттагы  катуу жарылуунун видеосу 

15683
(жаңыланган 23:07 04.08.2020)
Кызыл крест коомунан билдиргендей, сынган айнектерден жараат алгандар көп. Үйлөр талкалангандыктан, адамдар уранды алдында калышы мүмкүн.

Ливандын борбору аталган Бейрут шаарындагы порттун жанында катуу жарылуу болду. Бул тууралуу РИА Новости кабарлады.

RT каналы ал жактан орус тилинде түз алып берүүдө.

Видеодон көрүнүп тургандай, алгач кичирээк жарылуу болгон. Андан кийин беш мүнөткө жетпей кара, ак түтүн асманды каптап, кийин кызыл түтүн чыккан.

Маалым болгондой, жарылуу бир топ үйдү талкалаган. РИА Новостиге Кызыл крест коомунун кызматкери билдиргендей, адамдар уранды алдында калышы мүмкүн.

15683
Белгилер:
түтүн, үй, видео, жарылуу, Ливан
Тема:
Бейруттагы жарылуу
Тема боюнча
Жалын чачырап! Ош шаарындагы кафенин өрттөнүп жаткан видеосу
Кыргыз Республикасынын желеги. Архивное фото

Кыргызстандын туусу тартылган ажаткана каражаттары онлайн-сатыкка чыкты

0
(жаңыланган 19:00 06.08.2020)
Жарнамада сатуучулар Кыргызстандын мамлекеттик туусунун сүрөтү тартылган ажаткана, ванна каражаттарынын үч аксессуар топтомун сунуш кылышууда.

БИШКЕК, 6-авг. — Sputnik. Бир катар электрондук коммерциялык аянтчаларда Кыргызстандын мамлекеттик желеги тартылган килемче, ванна жана ажаткана каражаты сатыкка чыгарылды.

Орунсуз жерге КРдин мамлекеттик символикасы камтылган жарнаманы Sputnik Кыргызстан редакциясына окурмандар жиберди. Алар популярдуу америкалык интернет дүкөндөрдүн жана соода тармактардын сайттарына жайгаштырылган. Жарнамада сатуучулар Кыргызстандын мамлекеттик туусунун сүрөтү тартылган ажаткана, ванна каражаттарынын үч аксессуар топтомун сунуш кылышууда.

Коврик и крышка унитаза с государственной символикой КР продаваемая на платформе электронной коммерции
скриншот с сайта walmart.ca
Бир катар электрондук коммерциялык аянтчаларда Кыргызстандын мамлекеттик желеги тартылган килемче, ванна жана ажаткана каражаты сатыкка чыгарылды

Кыргызстандын Маданият, маалымат жана туризм министрлиги окуя боюнча үн катып, жосунсуз жорук экенин белгиледи.

"Бизде желектер тартылган футболкаларды, баш кийимдерди кийишет, айрымдар кийимдин ар кайсы бөлүктөрүнө символ коюшат. Бирок бул сатуучулар сунуштаган нерсе моралдык жактан туура эмес деп ойлойм", — дейт министр Азамат Жаманкулов.

Кыргыз Республикасынын Жоруктар жөнүндө кодексинин 175-беренесине ("Мамлекеттик символдорду мазактоо") ылайык, Кыргыз Республикасынын мамлекеттик гербин, мамлекеттик туусун же мамлекеттик гимнин мазактоо, I категориядагы айып пул (20-30 миң сом) же болбосо II категориядагы коомдук жумуштарга (40-60 саат) тартуу түрүндөгү жазага алып келери айтылат.

Электрондук коммерциялык аянтчаларда башка мамлекеттердин да желек, туусу сатыкта турат.

Катуу шамалдан улам "Ала-Тоо" аянтындагы желек тытылып кетти. Сүрөт

Эске салсак, 2019-жылы Бишкекте пенсиядагы айым компаниялардын биринин жанындагы аймакты тазалап жатканда желектин сүрөтүн ленталарга салып, аларды автоунаа токтоочу жайдын тосмосу катары кызмат кылган кабель менен байлап койгону үчүн айыптаган.

0
Белгилер:
дүкөн, интернет, Америка, жорук-жосун, Символ, желек, Кыргызстан
Тема боюнча
Оренбургдан 20 автобус кыргызстандык келди