Кудум жомоктогу ажыдаардай. Суу түбүн байырлаган жети кучак жыландын видеосу

29618
(жаңыланган 10:04 16.09.2019)
Бразилияда аквалангисттер Формоза дарыясын изилдеп жатып, капыстан эң чоң анакондага кабылгандыгы маалымдалды.

Адистер суу түбүнөн тартып алган видеосун YouТube каналына жарыялаган.

Кооптуулук күч болгондугуна карабай, аквалангисттер жыланга жакын барып тартышкан.

Кадрдан суу түбүн байырлаган бул ири жылан эч кимге тийбей, кол салбай өзүнчө сүзүп жүргөнүн көрүүгө болот. Ал тургай камерага жакын келип, эки ача тилин соймоңдотуп, аны татып көрүүгө аракет кылгандай.

"Анакондага жакын жүргөнүм баары бир сыяктуу сезилди. Мага караганда менин камерама көбүрөөк кызыкты окшойт", — деген дайверлердин бири.

Алардын айтымына караганда, жыландын узундугу жети метрден кем эмес.

29618
Белгилер:
дайвер, Бразилия
Тема боюнча
Жылан менен эчкемердин айыгышкан кармашы видеого түшүп калды
Жыландын уйкудагы кемпирге кол салган учуру. Таиланддагы окуянын видеосу