Күнөскана иштетип окуучуларга тамак жасап берген Таластагы өзгөчө мектеп. Видео

335
(жаңыланган 12:39 20.09.2019)
Окуучуларга ысык тамак даярдоочу заманбап жабдууларды Россия өкмөтү сатып берген. Анын ичинде суу кайнаткычтар, духовкалар, электр плитасы сыяктуу ашканага керектүү буюмдар бар.

Анарбек Мадымаров атындагы мектеп - Таластагы өзгөчө мектептердин бири. Ал Кара-Буура районунун Бакайыр айылында жайгашкан.

Бул мектептин өзүнүн эки гектар жери бар.

Ага мугалимдер, ата-энелер жемиштердин төрт-беш түрүн өстүрүп, окуучуларга тамак-аш камдашат. Андан ашканын сатып башка азык-түлүк  аларын айтышты.

Ошондой эле мектептин алдына күнөскана куруп бадыраң, помидор өстүрүүдө. Бул билим берүү мекемеси менен БУУнун Дүйнөлүк азык-түлүк программасынын директору Андреа Баньоли келип таанышып кетти.

Мектеп директору Зейнеп Бабашова туура тамактануу эрежелерин карманып, балдарга жашылча-жемиш көбүрөөк берилип жатканын билдирди.

"Биздин мектепте жалпысынан 499 бала билим алат. Анын ичинен 195и, башкача айтканда, 1-4-класстар ысык тамак ичишет. Окуучулар ысык тамак менен толук камсыздалышына ата-энелер да жардам көрсөтүп, ар бир бала үчүн айына 150 сомдон беришет", — деди директор.

Окуучуларга ысык тамак даярдоочу заманбап жабдууларды Россия өкмөтү сатып берген. Анын ичинде суу кайнаткычтар, духовкалар, электр плита сыяктуу ашканага керектүү буюмдар бар.

Окуу жай — БУУнун Дүйнөлүк азык-түлүк программасынын окуучуларды тамак-аш менен камсыздоо долбоорунун пилоттук мектеби.

335
Белгилер:
Россия, дыйкан, канал, сугат, Талас облусу
Тема боюнча
Осмонова: жаш ишкерлерди колдоо максатында 70 млн. сом бөлүндү
Россиядагы мигранттар Ысык-Көлдүн айылдарын өнүктүрүү үчүн фонд түзүшөт

Тарап, тазалап. Кабыландын баласын "багып алган" маймылдын күлкүлүү видеосу

240
Түштүк Африкадагы Пилейнсберг улуттук паркына барган саякатчылар кабыландын баласын көтөрүп жүргөн маймылды (павиан) видеого тартып алышкан. Ролик Kruger Sightings Youtube каналына жарыяланды.

Видеонун автору Пол Вуддун айтымында, паркка барган кезинде павиандардын үйүрүн көрүп, алардын бири леопарддын баласын бооруна кысып жүргөнүн байкаган. Вуд алгач леопард өлүп калган го деп ойлогон.

"Павиан леопарддын баласын кармап алып отуруптур. Бир маалда анын жүнүн тарап, үңүлө карап, тазалап баштады. Маймыл ар бир кыймылын дыкаттык менен жасагандыктан, сырттан караган киши анын кичинекей күчүккө зыянын келтирип албайын деген аракетин байкоого болот", — деп жазган саякатчы.

Павиандар Түштүк Африкада кеңири жайылган маймылдардын түрү. Тулку боюнун узундугу 40-110 сантиметрге жетет. Эгерде коркунуч жаралса, тобундагы маймылдарды жырткычтарды ар кыл үн менен чаңырып, кыйкырып алыстатып, коргойт.

240
Белгилер:
кабылан, маймыл, жаратылыш, Түштүк Африка Республикасы
Тема боюнча
Айбан болсо да... Маймыл токко урунган башка маймылды сактап калды. Видео

Финполдун тергөөчүсүнө 250 миң сом пара берип жаткан адам кармалды. Видео

4384
(жаңыланган 13:35 03.12.2020)
Экономикалык кылмыштарга каршы күрөшүү кызматы Ысык-Көл облусунда кызмат адамына 250 миң сом өлчөмүндө пара берип жаткан адамды кармады.

Финполдун маалымат кызматынын билдиришинче, 1-декабрда Т.А. аттуу жаран кылмыш иши боюнча маселени өзүнүн пайдасына чечүүгө аракет кылып, тергөөчүгө ири өлчөмдөгү пара берип жаткан жеринен колго түшүрүлгөн.

Сотко чейинки өндүрүштүн материалдары Жазык кодексинин 328-беренеси ("Пара берүү") менен Кылмыш жана жоруктардын бирдиктүү реестрине катталган.

Ал эми кармалган адам Каракол шаардык ички иштер бөлүмүнүн убактылуу кармоочу жайына киргизилип, тергөө жүрүп жатат.

4384
Белгилер:
тергөө, кармоо, пара берүү, финансы полициясы
Тема боюнча
"Кадастрдын" директору Абдумуктар Маматов коррупцияга шектелип кармалды. Сүрөт
Бука сатып берем деген. Ошто элди 1,5 млн. сомго алдап кеткен адам кармалды
Шайлоо участогунда добуш берүүнүн жыйынтыктарын эсептөө. Архив

Күрөө тапшырып, 30 миңден ашуун кол чогулткан талапкерлер. Тизме

87
(жаңыланган 00:40 04.12.2020)
Шайлоо күрөөсү менен кол чогултулган кагаздарды тапшыруу мөөнөтү аяктады. БШК текшере турган тизме анык болду.

БИШКЕК, 4-дек. — Sputnik. 3-декабрь саат 23.59га карата 20 талапкер тийиштүү санда кол чогултуп, шайлоо күрөөсүн тапшырды. Бул тууралуу Боршайком билдирди.

  • Абдил Сегизбаев — 55 480 адамдын колу;
  • Адахан Мадумаров — 39 856;
  • Аймен Касенов — 46 270;
  • Арстанбек Абдылдаев — 47 998;
  • Арстанбек Мыктыбек — 33 083;
  • Бабыржан Төлбаев — 58 029;
  • Бактыбек Калмаматов — 35 300;
  • Жеңишбек Байгуттиев — 51 896;
  • Имамидин Ташов (саны белгисиз);
  • Канатбек Исаев (саны белгисиз);
  • Каныбек Иманалиев (саны белгисиз);
  • Клара Сооронкулова — 33 458;
  • Кубан Чороев — 39 053;
  • Курсан Асанов — 43 864;
  • Равшан Жээнбеков — 39 874;
  • Рашид Тагаев — 40 651;
  • Садыр Жапаров — 59 998;
  • Саматбек Ибраев (саны белгисиз);
  • Улукбек Кочкоров (саны белгисиз);
  • Эльдар Абакиров — 43 630.

Эми бул тизмени Борбордук шайлоо комиссиясынын жумушчу тобу текшерет.

Талапкерлер 4-декабрга чейин 30 миңден ашуун кол чогултуп, бир миллион сомдук шайлоо күрөөсүн тапшырышы керек болчу.

87
Белгилер:
талапкер, БШК, күрөө, кол, тизме, президенттик шайлоо
Тема:
Кыргызстандагы президенттик шайлоо – 2021
Тема боюнча
Жашоо керемет болбойт! Депутаттар парламентаризмден баш тартууга даярбы
Онколог, авиатор, сынчы... Ажо болом дегендер кайдан билим алган. Тизме