Россиянын Кыргызстандагы элчиси: көк бөрүгө кызыгам, ал күчтүү адамдардын оюну
(жаңыланган 09:47 23.09.2019)
Россиянын Кыргызстандагы элчиси Николай Удовиченко кыргыздардын оюндарынын ичинен көк бөрүгө өзгөчө кызыгарын айтты.Элчи мындай пикирин 20-сентябрда Россиянын жардамы менен ишке ашкан "мектеп тамактандыруусун оптималдаштыруу" долбоору менен таанышуу үчүн Таласка барганда журналисттердин суроолоруна жооп берип жатып билдирди.
"Спорттун бардык түрү жагат. Анын ичинен мага көк бөрү өзүнүн болуп көрбөгөндөй энергетикасы менен өзгөчө таасир берет, бирок аябай коркунучтуу болот. Чынын айтсам, бул спорт кан-жанын аябай ойногон чыныгы күчтүү адамдар үчүн", — деди элчи.
Ошондой эле ал эгер мүмкүнчүлүк болсо өзү да көк бөрү ойноп көрөрүн белгиледи.
"Аракет кылып ойноп көрүш керек, бирок жанымда даярдыгы жакшы адамдар карап турушу зарыл.
Анткени дароо эле мелдешке чыгып кетүү кыйын. Ал үчүн даярдык керек. Ал эми көргөнү жан дилим менен барам", — дели Удовиченко.
Россиянын элчиси эртең "Манас Ордодо" өтүп жаткан Улуттук көчмөндөр оюндарын көрүүгө барарын кошумчалады.
"Спутник V". Россиялык вакцинага 20 өлкө кызыгууда. Видео
(жаңыланган 09:57 13.08.2020)
Владимир Путин дүйнөдө коронавирустун алгачкы вакцинасы катталгандыгын жарыялады. Препарат Россиянын Коргоо министрлиги менен Гамалея атындагы илим-изилдөө борбору тарабынан иштелип чыгып, "Спутник V" деген аталышка ээ болду.Вакцина каалоочуларга жасалып, сыноодон ийгиликтүү өттү. Тестирлөөнүн катышуучулары белгилегендей, алар вакцина сайдыргандан кийин өздөрүн жакшы сезип, эч кандай терс реакция байкалган эмес.
Медиктердин айтымында, катышуучуларда COVID-19га иммунитет иштелип чыккан жана препараттын коопсуз экендиги тастыкталган. Мындан тышкары, Россиядан чыккан жаңы дарыга дүйнөнүн көп өлкөлөрү кызыгып, азыр тестирлөө мүмкүнчүлүктөрү жана аны башка мамлекеттерде өндүрүү иштери сүйлөшүлүүдө.
Каттоодон өткөн россиялык вакцина жапырт колдонууга качан чыгары айтылды
Россиянын Коргоо министрлиги менен Гамалея атындагы илимий борбордун биргелешкен ишинен тышкары, вакцина чыгаруу менен россиялык дагы эки компания — Новосибирскидеги "Вектор" вирусология жана биотехника мамлекеттик борбору менен Санкт-Петербургдагы вакцина илим-изилдөө институту алектенип жатат.
Россиялыктарды жапырт эмдөө үчүн препараттардын алгачкы партиясы августтун ортосунда пайда болору күтүлүүдө.
Бир айдан бери түтөп жатат! Бишкекте карьердеги өрт кантип өчүрүлүүдө. Видео
Бул көйгөйдү биринчилерден болуп шаар тургундары айтып чыкты. Алардын бири Михаил Дудиндин билдиргенине караганда, сасык жыттан улам айнекти ачып уктоого мүмкүн болбой калган.
"Түн ортосунда киши чыдагыс жыттан улам ойгондум. Ошондон кийин бир нече күн айнектерди ачкан жокпуз. Өрт өчүрүүчүлөр келип, суу чачып кетишет. Бирок бир нече саттан кийин таштанды кайра күйө баштайт", — деди Бишкек тургуну.
Баса, карьер көптөн бери иштетилбей калган. 1990-жылдардын аягында бул жерден топурак алышчу. Кийин, шаардыктардын айтымында, карьерге кайрадан топурак төгүлчү, ал эми өткөн жылдын жайынан бери таштанды ыргытылып жатат. 2020-жылдын жазынан тарта таштандыларды тобу менен алып келип төгө башташкан.
Караңгыдагы алоолонгон жалын. Бишкектеги өрттүн асмандан тартылган видеосу
Отту өчүрүү үчүн кескин чаралар көрүлө баштаганын Октябрь районунун акиминин орун басары Таалайбек Акматбаев айтат.
"Азыр жеринде бульдозер иштеп, таштандыларды көтөрүп жатат. Биз анын алдындагы оттун тутанган жерин табышыбыз керек", — деди ал.
Орун басардын айтымында, жергиликтүү бийлик органдары таштанды ыргыткан адамдарга бир нече жолу айып пул салышкан. Бирок шаардыктар көнгөн адатын токтотушкан эмес.
Белгилер:
Акматова: россиялык врачтар дарылоо протоколун таңуулаган жок
(жаңыланган 12:32 14.08.2020)
Коомдук саламаттык сактоо башкармалыгынын башчысы Айнура Акматова Россиядан келген медиктердин ишмердүүлүгү тууралуу маалымат берди.Акматова: россиялык врачтар дарылоо протоколун таңуулаган жок
Россиядан келген медиктер коронавирустан башка оорулар боюнча дагы кеп-кеңештерин берип жатышты. Бул тууралуу Айнура Акматова Sputnik Кыргызстан радиосуна маек куруп жатып билдирди.
Анын айтымында, коронавирус менен күрөшүү үчүн Россиядан келген ак халатчандар региондорго чейин барып иш алып барышууда.
Россиялык адис Кыргызстандагы COVID менен күрөш тууралуу жакшы кабар айтты
"Россиядан бир нече адистиктеги медиктер келишти. Алар Чүй, Талас, Нарын жана башка региондорго барганда "кызыл зоналарга" чейин кирип, бейтаптарды дарылоого көмөктөштү. Ошондой эле "таза зонадагы" бейтаптарды дарылоо боюнча дагы өз сунуштарын беришти. Мындан тышкары, дарылоону уюштуруу, ыкмаларды колдонуу жана башка жагдайлар менен таанышып, кеп-кеңештерин айтышты. Албетте, дарылоону өзүбүздүн дарыгерлер жүргүзүштү, бирок россиялык медиктер дагы четте карап турган жок. Айрым учурларда "россиялык врачтар өз протоколдорун таңуулап жатат" деген кептер айтылган. Андай болгон жок. Аларга Саламаттык сактоо министрлиги тарабынан уюштурулган брифингде дарылоо протоколун колдонуу боюнча түшүндүрмөлөр берилген. Ошонун негизинде иш алып барылды", — деди Акматова.
Ошондой эле ал Россиядан келген медиктер кыргызстандык кесиптештеринин иши, элдин биримдиги тууралуу жакшы пикирлерин айтканын кошумчалады.