Жанды көзгө көрсөткөн бугу жана кыздын ач айкырыгы. Боорду эзген видео

1078
(жаңыланган 15:02 07.10.2019)
Американын Нью-Йорк штатындагы Саффолк графтыгында бугу сулуулук салонуна капыстан терезени талкалай сүзүп кирип, отургандардын жүрөгүн оозуна кептелткен.

Окуянын кандай болгону YouTube каналына жарыяланды.

Кадрдан айнек терезенин жанындагы диванда отурган аялдын баш жагынан секирген бугу айнектин бырын-чырынын чыгара чачтарачканага күтүүсүз кирип келген. Чач кыркып жаткан кыз чакыртпай келген "коноктон" коркуп, чаңыра чуркаган.

Имараттын төр жагына күү менен келген жаныбар ошондой тездик менен полдо тайгаланып, жыгылып-туруп эшиктен чыгып кеткен. Адамдар эле эмес, өзү да чочуп калган бугу чыгып бара жатып, каалганын кашегине мүйүзү менен илинип калганга да үлгүргөн.

ABC News диванда отурган аялдын жеңил жаракат алгандыгын жазды.

1078
Белгилер:
сулуулук салону, кардар, бугу, АКШ
Тема боюнча
АКШда арстан жүргөн жерге кирип кеткен кызды полиция издеп жатат. Видео