Карамушкина вице-спикер Касымалиева менен уруша кетип, залдан чыгып кетти. Видео

2920
(жаңыланган 13:17 06.03.2020)
Жогорку Кеңештин депутаты Ирина Карамушкина президент Сооронбай Жээнбековго кайрылып, мурдагы президент Алмазбек Атамбаевге жана тарапташтарына басым кылууну токтотууну сурады. Бул сөзүнө вице-спикер Аида Касымалиева жооп берди.

Карамушкина сот Асел Кодуранова экөөнү үй камагына алуу чечимин чыгарганын айтып, тергөө органы телефонун тартып алып эки айдан бери бербей жатканын белгиледи.

"Азырынча менин мандатым жана кайрылуу укугум бар. Андыктан мен түздөн-түз президентке мурдагыдай партиялаш, үзөңгүлөш катары эмес, өлкөнүн президенти катары кайрылам. Биз аудиенция талап кылабыз, бизди кабыл алыңыз, көзүбүзгө тик карап туруп мамлекетте эмне болуп жатканын айтыңыз. Эгер элди консолидация кылып, мамлекетти өнүктүрөм десеңиз, колду басым кылуучу рычагдарда эмес, башкаруу пультунда кармаш керек", — деди депутат.

Ошондой эле айыптоолорго бир эле Атамбаев эмес, ошондо бийликте отургандын баары жооп бериши керектигин кошумчалады.

Андан соң ага Касымалиева жооп берип, Кой-Таш окуясында бир спецназ каза болуп, Чүй милициясынын башчысы эми өзүнө келип жатканын эсине салды.

"Өктөм эже уулунан айрылып, балдар атасы жок отурса каяктагы телефонду айтып жатасыз? Баарыбыз тең адам өлтүргөндөр, барымтага алгандар же адам өлтүрүүгө аракет кылгандар кимдер экенинин так аныкталышына кызыкдарбыз. Ким гана болбосун — мурдагы президентпи, мурдагы депутатпы, азыркы депутатпы, бардыгы мыйзам алдында бирдей. Эмне айтып жатканыңызды ойлонуңуз! Сиздин эки жүздүүлүгүңүздүн да чеги болушу керек", — деди Касымалиева.

Карамушкина кайра микрофонго чыгып бир депутаттын сөзүнө экинчиси комментарий бериши регламентке туура келбесин айтты. Бирок ал сөзүн жыйынтыктай электе эле төрага Дастан Жумабеков "процедуралык маселе менен чыгыңыз" деп микрофонду өчүрүп койду.

Буга нааразы болгон депутат залдан чыгып кетти.

2920
Белгилер:
депутат, Алмазбек Атамбаев, Аида Касымалиева, Ирина Карамушкина
Тема:
Атамбаевдин Кой-Таштагы үйүндөгү атайын операция (176)
Тема боюнча
Аида Касымалиева Ирина Карамушкинага: эки жүздүүлүктүн чеги болушу керек!
Алга Кылычев Атамбаевге каршы көрсөтмө берип жатат. Адвокат чоо-жайын айтты
Ирина Карамушкина парламенттен президент Сооронбай Жээнбековго кайрылды

АКШ Сирияны колдоого алган Россия менен Кытайды жазаламай болду. Видео

265
АКШнын мамкатчысы Россия менен Кытай БУУдагы вето укугунан ашкере пайдаланарын айтып, жазалоо керектигин жар салды.

Аталган өлкөлөр Сирияга көрсөтүлчү гумжардам боюнча резолюцияны токтотуп койгон. Бельгия менен Германия Түркия менен Сириянын чек арасындагы эки өткөрүү пунктун калтырууну сунуштаган, бирок Москва менен Пекин буга макул болгон эмес. Россия өзүнчө долбоор иштеп чыккан.

Америкалыктар эмнеге нааразы болуп жатканын биздин видеодон көрүүгө болот.

265
Белгилер:
гуманитардык жардам, жаза, АКШ, Кытай, Россия, Сирия
Тема боюнча
АКШ Дүйнөлүк саламаттыкты сактоо уюмунан качан чыгарын так айтты

Баарыбыз бир кайыктабыз! Жээнбеков элге кайрылуу жасады. Видео

520
(жаңыланган 14:24 09.07.2020)
Мамлекет башчы коронавирус апааты кыргыз элине да кайгы алып келгенин айтып, илдеттен көз жумгандардын жакындарына көңүл айткан. Ошондой эле дарыланып жаткан бейтаптардын эртерээк сакайып кетүүсүн тилеген.

Өлкө башчы Сооронбай Жээнбеков Кыргызстандагы эпидемиологиялык кырдаалга байланыштуу элге кайрылуу жасады. Бул тууралуу президенттин маалымат кызматы кабарлады.

Мамлекет башчы коронавирус апааты кыргыз элине да кайгы алып келгенин айтып, илдеттен көз жумгандардын жакындарына көңүл айткан. Ошондой эле дарыланып жаткан бейтаптарга эртерээк сакайып кетүүнү тилеген.

"Азыр элдин саламаттыгы үчүн аёосуз күрөш болууда. Бул күрөштүн ийгилиги элдин биримдигинен көз каранды. Ынтымак, тилектештик менен ар бирибиз жарандык жоопкерчиликти бийик сезсек, бул илдетти жеңебиз. Дарыгерлерибиз өз өмүрүн тобокелге салып, көзгө көрүнбөгөн душман менен жанын аябай кармашып жатат. Алардын ак эмгегине таазим этип, терең ыраазылык билдирем. Адам өмүрү баарынан кымбат. Өлкө президенти катары мен үчүн мындан өткөн ыйык да, бийик да түшүнүк жок. Ар бир жараныбыздын саламаттыгы мамлекеттик мааниге ээ. Жооптуу аткаминерлерден элдин саламаттыгы үчүн жан үрөп иштешин талап кылып жатам. Азыркы кырдаалдагы көйгөйлөрдүн чечилиши жеке өзүмдүн, Коопсуздук кеңештин көзөмөлүндө", — деп айтылат президенттин кайрылуусунда.

Өлкө башчы нааразылыктар ачык айтылып жатканын баса белгилеп, маселени чечүү үчүн болгон күч-аракет жумшалып жатканын кошумчалаган.

Силерге ыраазымын! Жээнбеков күндүзгү стационарга барып, медиктерге жолукту. Видео

"Баарын көрүп, түшүнүп турам. Кемчиликтер аз эмес. Мен да сиздердей болуп алардын тез чечилишин каалайм. Бул 30 жылдан берки топтолгон көйгөйлөр деп актанып отурууга, күнөөлүүлөрдү издөөгө азыр убакыт жок. Ошондуктан тынбай иштеп жатабыз. Болгон аракет көрүлөт жана милдеттер аткарылат! Эл башына түшкөн азыркы оор сыноо ынтымагыбызды чыңдады. Ишкерлерибиз, ыктыярчылар, деги эле кайдыгер эмес мекендештерибиз жардам көрсөтүүдө. Ар бир жаран өз үй-бүлөсү, балдары үчүн жоопкер. Менин жоопкерчилигим — элимдин алдында. Сиздердин колдооңор менен бул кыйынчылыктарды жеңебиз. Мен сиздерге ишенем, урматтуу мекендештерим", — деп жазылган кайрылууда.

Өлкө башчы сөзүнүн соңунда тарых алдында, келечек урпактардын алдындагы жоопкерчилик, милдет бийик экенин айтып, баарына ден соолук каалап кеткен.

"Эл арасында азыр суроо көп. Алардын бири — чет элден, эл аралык финансы уюмдарынан келген жардамды бийликтегилер "жеп койду" деген сөз. Бул боюнча өкмөт элге ачык маалымат берүүдө. Бизде ачык коом. Элдин, мамлекеттин ырыскысына кол салгандарга мен тараптан аёо жок экенин билесиздер. Ошондуктан сиздер менен биргеликте өлкөгө келген жардамды максатсыз коромжу кылдырбайбыз. Улутубуздун улуу инсаны Чынгыз Айтматов айткандай, бүгүн баарыбыз бир кайыктабыз. Руху күчтүү элбиз, элине эмгек кылчу мамлекеттик бийлик бар. Кыргыз оор күндөрдө да "жакшымын" дейт. Жакшыны оозанган элди жараткан Кудай өзү колдойт. Жараткан Кудайдын колдоосу менен, элибиздин биримдиги менен, буюрса, бул күндөрдөн да бийик абийир, ар-намыс менен өтөбүз. Ар дайым элибизде аманчылык, жергебизде тынчтык болсун!", — деп айтылган кайрылууда.

Медициналык кызмат баарына тең болсун! Жээнбеков Суракматов менен сүйлөштү

Кыргызстанда жалпы 8 847 кишиден коронавирус табылып, 116 адам көз жумду.

Өлкө аймагындагы соңку кабарлар менен биздин Telegram-каналдан таанышыңыздар.

520
Белгилер:
кырдаал, коронавирус, кайрылуу, президент, Сооронбай Жээнбеков, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Жээнбеков Бишкектеги күндүзгү стационарга барып, медиктерге жолукту. Сүрөт
Жээнбеков: шалаакыларды аяй турган заман эмес!
Ички иштер министринин мурдагы орун басары Курсан Асанов. Архив

Курсан Асанов пневмония болуп ооруканага түшүп, соту жылдырылды

32
(жаңыланган 00:52 11.07.2020)
Эске салсак, шаардын Биринчи май райондук сотунда Асановго козголгон кылмыш иши боюнча жараян болмок. Курсан Асанов "кыргыз милициясына чыккынчылык кылды, ишенимден кетти" деген негиз менен 2019-жылы 13-августта кызматтан бошотулган.

БИШКЕК, 11-июл. — Sputnik. Ички иштер министринин мурдагы орун басары Курсан Асанов өпкөнүн эки тараптуу пневмониясына чалдыкты. Бул тууралуу Sputnik Кыргызстан агенттигине өзү билдирди.

Ал шаардагы ооруканалардын биринде дарылана баштаганын айтып, буга байланыштуу сот жараяны жылдырылганын кошумчалады.

Эске салсак, шаардагы Биринчи май райондук сотунда Курсан Асановго карата козголгон кылмыш иши боюнча жыйын болмок.

Суракка чакырылган экс-министр Космосбек Чолпонбаев оор абалда ооруканага түштү

Курсан Асанов "кыргыз милициясына чыккынчылык кылды, ишенимден кетти" деген негиз менен 2019-жылы 13-августта кызматтан бошотулган. Ага карата кылмыш иши козголуп, үй камагына алынган.

Анын артынан жан сакчысы Дамирбек Пайзылда уулу кармалып, кийин үй камагына чыгарылган. Ал эми өкүл баласы Турсунбек Бейшенбековду ушул жылдын 20-январында Аскер прокуратурасы сурактан кийин кармаган. Бирок баш коргоо чарасын тандаган сот аны үй камагына чыгарган. Мындан сырткары, Асановдун жубайы жана туугандары да суракка чакырылганы айтылган.

Ал эми уулу Мухаммед-Али Асановго издөө жарыяланган.

32
Белгилер:
кылмыш иши, сот, оору, оорукана, пневмония, Курсан Асанов
Тема:
Курсан Асановдун министрдин орун басарлыгынан алынышы
Тема боюнча
Саламаттык сактоо министринен пневмония, орун басарынан COVID аныкталды