Депутаттын уулу аралашкан кырсык: экспертизага ишенбей ыйлаган эненин видеосу

5182
(жаңыланган 10:58 28.10.2019)
,
Жалгыз уулунан ажыраган эне кырсыкка күнөөлүүлөр жазасын албай жүргөнүнө ызаланууда.  Ал тергөө менен алектенген органдардын ишине ичи чыкпай отурат.

Жогорку Кеңештин депутаты Алиярбек Абжалиевдин уулу аралашкан жол кырсыгы боюнча чыккан экспертизанын жыйынтыгына жабырлануучулардын бири канааттанган жок.

Кырсыктан мерт болгон Нурсултан Данияр уулунун апасы Рахат Тойчиева Sputnik Кыргызстан агенттигине кайрылып, нааразычылыгын билдирди.

Эскерте кетсек, үстүбүздөгү жылдын 7-июлунда таңга маал саат 4.30да BMW X7 менен Lexus ES 330 үлгүсүндөгү автоунаалар кагышкан. Анын кесепетинен жеңил унаадагы төрт жигит каза болгон. Ал эми кроссоверде бараткан депутаттын уулу Темирлан Токобеков менен дагы эки киши жаракат алган.

Бул кырсык боюнча автотехникалык экспертизанын жыйынтыгы төрт айдан кийин чыгып, BMW X7 саатына 120 чакырым ылдамдык менен жүрүп, каргашага себеп болгону аныкталды.

Бирок бейажал кеткен Нурсултандын апасы муну менен макул эмес, BMW X7 андан да катуу баратып сүзүшү мүмкүн экенин айтууда.

"Экспертизанын жыйынтыгына нааразымын, эч кандай чындыкка жатпайт. Булар саатына 120 чакырым ылдамдык менен жүргөнү үчүн айып пул эле төлөтүп коёюн деп атышат. Эгерде ылдамдыгы 180ден ашса кылмыш катары каралмак. Жолдошум өзү МАИде иштеп пенсияга чыккан, мыйзамдарды билет", — деди Тойчиева.

Ошондой эле ал буга чейин күбөлөрдүн айткандары экспертизанын корутундусуна камтылбай калганын белгилейт.

Чолпон-Атада төрт жигиттин өмүрүн алган автокырсыкка бүгүн 10 күн болду. Азырынча каргашанын себептери жана күнөөкөрлөрү аныктала элек. Баары экспертизанын жыйынтыгын күтүп жатат.
© видео предоставлено источниками в правоохранительных органах
"Окуянын күбөсү "мен саатына 80 чакырым ылдамдык менен келе жаткам. Ал унаа 200дөн ашык ылдамдык менен кеткен болчу. Жада калса машинанын үлгүсүн көргөнгө жетишпей калдым. Менин унаам чайпалып кетти" деп атпайбы. Анан сүзгөндө Lexus унаасынын каалгасынын темири ичине 15 сантиметр кирип кеткен" деп жазыптыр. Ичине андан көп кирген да, темирин араалап чыгарып жатпайбы. Кыскасы, жаш баланы алдагандай эле кылышууда", — деди муңайган эне.

Экспертиза чыккандан кийин BMW X7 унаасын башкарып баратты делген Элдияр Халмурзаев 48 саатка убактылуу кармоочу жайына киргизилген. Бирок Каракол шаардык соту баш коргоо чарасын тандап, үй камагына чыгарган.

"Эгер менин балам ошол депутаттын уулун сүзгөндө дароо эле камалып кетмек. Бирок төрт баланы өлтүргөн адамды эч ким камаган жок, жыргап эле жүрөт. Андан кийин канча жол кырсыгы болду, дароо эле камап жатышпайбы", — деп нааразы болууда маркумдун энеси.

Нурсултан Данияр уулу 1995-жылы Ош шаарында туулган. Быйыл Кыргыз улуттук университетинде юридика факультети боюнча магистратураны бүткөн. Үй-бүлөдө эки бир туугандын бири болгон. Азыр карындашы калды. Апасы уулунун быйыл октябрда сүйлөшкөн кызына баш кошуу ниетинде жүрүп, тилегине жетпей калганын айтты.

Ушул эле кырсыктан набыт болгон бир жигиттин ата-энеси тосмо арыз жазган. Ал эми калган эки уландын жакындары үн ката элек.

Ал эми BMW унаасында ЖК депутаты Алиярбек Абжалиевдин уулу, Бишкек шаардык кеңештин депутаты Темирлан Токобеков, айдоочу Элдияр Халмурзаев жана дагы бир досу бараткан.

5182
Белгилер:
Ош, эне, экспертиза, кырсык, Алиярбек Абжалиев
Тема:
Депутаттын уулу катышкан Ысык-Көлдөгү жол кырсыгы (20)
Тема боюнча
Беш киши өлгөн. BMW X5 унаасын айдаган аял ооруканадан СИЗОго которулду
Автобустун алдында калган баланын өлүмү. Милиция каргашанын чоо-жайын айтты

93 жашында шуулдап операция жасаган Мамакеев. Дарыгердин иш учурунан видеобаян

176
Хирург Мамбет Мамакеевди кыргыз эли эле эмес, бүт дүйнө тааный баштады. Себеби ал 68 жылдык карьерасынан улам Гиннестин рекорддор китебине кирди. Жакшы жаңылыгы менен алтын колдуу дарыгерди Sputnik Кыргызстан агенттиги да куттуктап, ал-абалын сурап келди.

93 жаштагы Мамбет Мамакеев башка курбалдаштарына салыштырмалуу тың, күүлүү-күчтүү. Учурда Бишкектеги хирургия борборунда иштеп, күнүнө 3-4 операция жасайт. Биз барган учурда кезектеги операциясына даярданып жатыптыр.

"Азыр бейтаптын өтүн алабыз. Кааласаңар операцияга кирип чыккыла" деп шуулдап халатын кийип, операция залына жөнөдү. Операция көз ачып-жумганча бүттү. 93 жаштагы хирург 10 мүнөттүн ичинде кайра иш бөлмөсүнө келип калды.

"Операциядан тажабайм, чарчабайм дагы. Анткени ал жакта сүйлөбөйсүң. Хирургдун мээси, анан колу жакшы иштеш керек. Көп сүйлөгөндөн чарчап кетем. Ушул жашка келгичекти бир да күн жумушума кечигип же келбей калган күнүм болгон эмес. Ишиңди жакшы көрсөң, андан тажабайсың", — деди дарыгер.

Мамакеевдин хирургия тармагында иштей баштаганына 68 жылдан ашыптыр. Бул аралыкта ал 30 миңден ашык адамдын өмүрүн сактап калган. 1000ге чукул шакирттерди тарбиялап, 200дөй илимий эмгектин автору болгон. Дарыгер адамга таланттан биринчи эмгек керек экенин айтып, тырышчаактыгынын, эмгекчилдигинин арты менен атактуу хирург болгонун айтып берди.

"Медициналык институтта билим алып жүргөндө мугалимдер мени тартипсиз, орой, орусча сүйлөй албайт деп жаман көрчү. Аспирантурага тапшырарда да "бул кантип аспирант болот" деп араң өткөрүшкөн. Бирок мен тырышчаактыгым, эмгекчилдигим менен аспирант болмок тургай, ушул даражага жеттим. Айрымдары "Мамакеев дагы эле тирүүбү" деп сурайт экен (күлүп). Мен бул жумушума көнгөм. Аны таштоо оңой эмес. Ишиңе берилүү менен мамиле кылыш үчүн ишти, ооруну, бейтапты да сүйгүнүң. Кесипкөй адис болом десең билимге умтул. Мунун баары болгондо гана ишке көңүл тартат", — деди хирург.

Кызыгы, хирург өмүрүндө чылым чегип, арак ичип көргөн эмес. Дени сак жашоого бала кезинен көнүп, чыйралганын айтып отурду. Мамакеев дүйнөдөгү аксакал дарыгерлердин бири. Кемпири менен эки уулду тарбиялап чоңойтушкан.

"Кемпирим 91 жаштын чайын ичип отурат. Бирок алдан тайып, араң басып, сүйлөбөй калды. Экөөбүз баштан далай кыйынчылыкты өткөрдүк. Эки уулум менин жолумду жолдоп медицина тармагын тандап алышкан. Биринчи уулум ооруканада диагностикалык борборду иштетсе, экинчиси ушул оорукананын жетекчиси. Небере-чөбөрөлөрүм бар", — деди Мамакеев.

Хирург биз менен маегинде экинчи даражадагы "Манас" орденинен башка мамлекеттик сыйлыктын баарын алганын айтып отурду. "Кудай күч-кубат берсе иштей берем, азырынча көзүм курч, мээм алжый элек", — деди ал.

Айтылуу хирург 1927-жылы Ысык-Көл облусунун Кереге-Таш айылында төрөлгөн.

Бишкек шаарында анын ысымы ири хирургия борборуна ыйгарылган.

176
Белгилер:
эмгек жолу, операция, дарыгер, хирург, видео, таржымал, Мамбет Мамакеев
Тема боюнча
Айыгарын билбей өлмөкчү болуп... Өзгөчө операция жасаган нейрохирургдун маеги
Шоопур болуп кете жаздаган. Миңдеген мээни ачкан Миталип Мамытов 80 жашка чыкты

Акыйкаттык орнобосо, тынчтык болбойт! АКШда эл Флойд менен коштошкон видео

416
(жаңыланган 21:47 05.06.2020)
Американын Миннеаполис шаарында полиция кызматкерлеринин одоно аракетинен каза болгон афроамерикалык Жорж Флойд менен коштошуу зыйнаты болду.

Миннеаполистеги Түндүк Борбордук университетинин (North Central) имаратына жүздөгөн адам Флойдду эскерүү үчүн чогулду. Табытты жүктөгөн автоунаа көрүстөнгө бара жатканда эл "Акыйкаттык орнобосо, тынчтык болбойт!" деген сөздү кайталап жатты.

Жорж Флойд майдын аягында Миннеаполисте полиция кармап, күч колдонгондон кийин көз жумган. Анын өлүмү элдин жаалын кайнатып, АКШ эле эмес башка жерлерде да нааразылык толкундарын жаратты. Ал эми Американын бир топ шаарларында башаламандык жаралып, талап-тоноо күч алган.

416
Белгилер:
коштошуу, узатуу, полиция, Жорж Флойд, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
АКШнын алдан тайышы: балдар полициядан коркуп жана жек көрүүнү үйрөнүп жатышат
Талкаланган кароолкана. Архивдик сүрөт

Жолтандабас айдоочусунун жоругу. Toyota талкалай сүзгөн кароолканадагы окуя

215
(жаңыланган 01:06 07.06.2020)
Тартип коргоо органдарындагы маалымат булактар Sputnik агенттигине мас айдоочу Кеминге бара жаткан жолдо бир нече блокпостту жөөлөп, сүзүп кеткенин айтып беришти.

БИШКЕК, 7-июн. — Sputnik. Toyota айдоочусунан жабыркаган Темир Мырзабек, Бишкектин борборундагы окуя болгон жердин күзөт кызматкери Sputnik Кыргызстанга чатак боюнча өзүнүн версиясын айтып берди.

Милициянын маалыматына караганда, ал будканы 17:20 чамасында талкалай сүзгөн. Окуя Тоголок Молдо көчөсүнүн түндүктү көздөй кеткен бөлүгүндө, тагыраагы, Токтогул менен Киев көчөлөрүнүн ортосунда болгон. Видеону Алимджан Валиев Facebook баракчасына жарыялады. Мырзабектин айтымына караганда, Toyota Land Cruiser жол тандабасынын айдоочусу болжол менен 17:20 чамасында бир топ эле катуу келип кирген.

"Мен жакындап барсам, мас экен. Айтыша кеттим. Урушкум келген жок. Кайра будкага келип отурдум. Ал короодон кайра айдап чыгып келе жатып, мен отурган кароолкананы үч ирет сүздү. Анын алдында чыга качканга үлгүрдүм. Баарын сөктү, кофейнянын дагы бир күзөт кызматкери менен урушту да машинасына отуруп кетип калды", — деди ал.

Айдоочу кирип келе жатып темир тосмону сүрүп кеткен.

Тартип коргоо органдарынын кызматкерлери Sputnik агенттигине ал аталган жерге келгенге чейин Ахунбаев көчөсүндө да жол кырсыкка кабылганын айтып беришти. Автокырсыктын кандай болгону аларга так маалым боло электигин айтышты. "Перехват" планы жарыяланып, издөө башталган.

30 жаштагы айдоочуну Кемин районунан кармашкан. Автоинспекторлордун бир нече ирет токто дегенине көнбөй, жолун улаган. Тартип коргоо органдарындагы маалымат булактар Sputnik агенттигине айдоочу Кеминге бара жаткан жолдо бир нече блокпостту жөөлөп, сүзүп кеткенин айтып беришти.

215
Белгилер:
куугун, блокпост, айдоочу, мас, Токмок, Бишкек, Кыргызстан
Тема боюнча
Бишкек: Land Cruiser айдаган киши күзөтчүнүн будкасын талкалап, мушташкан видео