Казакстандан күйүүчү май агып келген түтүк жок кылынды. Видео

315
(жаңыланган 12:43 28.10.2019)
Казакстандан түтүк аркылуу Кыргызстанга мыйзамсыз түрдө күйүүчү май алып киргизген каражаттар жок кылынганын Экономикалык кылмыштарга каршы күрөшүү кызматы билдирди. Атайын техниканын жардамы менен үч чакырым аралыкка жаткырылган жабдуу жарактан чыгарылган.

Аткезчилик менен иштегендердин каналы 24-октябрда чек арага жакын жердеги Кең-Булуң айылынан табылган. Ошондой эле ал жерде агып келген күйүүчү майды тосуп алып топтоочу жана аны куйган идиштерди сактоочу жай болгон. Мындай жол менен күнүнө Казакстандан Кыргызстанга 100 тонна бензин кирип турган.

Финполдун билдиришинче, Токмоктогу Пионер, Полевая жана Октябрь көчөлөрүндөгү үч жер тинтүүгө алынган. Натыйжада короодон сактоо жана ташуу үчүн цистерна, электр насостору, шланг жана башка керектүү жабдыктар табылган. Мындан сырткары, көрсөтүлгөн жердин биринен чөп жүктөлгөн жүк ташуучу унаа табылган. Бирок дыкат текшерүүдөн кийин чөптүн артынан цистерна чыккан.

Мындай иш-чара өкмөт мунай затты бензовоз менен ташып келүүгө тыюу салганына байланыштуу жүргүзүлүп жатат.

315
Белгилер:
кармоо, Казакстан, Күйүүчү май
Тема боюнча
Өкмөт 2020-жылдан тарта күйүүчү май куйган жайларды тыкыр көзөмөлдөйт
Казакстандан Кыргызстанга күн сайын 100 тонна бензин агып келип турган түтүк табылды

Каракчылыкка шектүүнү Бишкекте спецназ кармады. Видео

180
(жаңыланган 23:09 02.12.2020)
Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, ири суммадагы акчаны алып кетишкен.

Бишкекте Криминалдык милициянын кызматкерлери спецназ жоокерлери менен биргеликте мыкаачылык менен кол салууга шектелген жаранды кармашты.

Кармоо учурундагы видеону Бишкек ШИИБинин маалымат кызматы жарыялады.

Маалыматка караганда, 8-октябрь күнү "Жер ынтымагы" конушундагы үйлөрдүн бири каракталган. Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, 5 500 доллар, 150 миң сом жана 60 миң сомдук алтын буюмдарды уурдап кетишкен.

Жазык кодексинин 202-беренесине (“Каракчылык”) ылайык сотко чейинки өндүрүш башталган.

Жыйынтыгында 32 жаштагы шектүү кармалып, убактылуу кармоо жайына киргизилди.

180
Белгилер:
шектүү, каракчылык, милиция, Бишкек
Тема боюнча
Уюшкан кылмыштуу топтун эки мүчөсүн кармаган видео жарыяланды

Конституциялык палата ЖКнын мөөнөтүн 7 айга узартууга кантип макул болду? Видео

101
(жаңыланган 21:00 02.12.2020)
Жогорку соттун Конституциялык палатасы (КП) парламенттин мөөнөтүнүн узартылышын мыйзамдуу деп тапты. Бул чечим акыркы болуп саналат жана даттанууга жатпайт деп билдирди.

КПнын отуруму бүгүн, 2-декабрда, болуп, акыркы чечим кабыл алынды. Жыйынга Карыбек Дүйшеев төрагалык кылып, палатанын калган жети мүчөсү да катышты.

Конституциялык палата даттануучулар "Реформа" партиясынын төрайымы Клара Сооронкулованын жана жарандар Нурбек Касымбековдун, Таалайбек Усубалиевдин жана Жогорку Кеңеш өкүлдөрүнүн жүйөсүн укту. Ошондой эле президенттик аппарат менен Борбордук шайлоо комиссиясынын өкүлдөрү дагы позициясын айтышты.

Андан соң судьялар кеңешүү бөлмөсүнө чыгып кетип, беш сааттан кийин келди.

Белгилей кетсек, 21-октябрда Борбордук шайлоо комиссиясы парламенттик шайлоону кайрадан өткөрүүнү 20-декабрга дайындаган. Бирок анын эртеси Жогорку Кеңеш шайлоонун мөөнөтүн жылдыруу, башкача айтканда, БШК таянып иш алып барып жаткан беренени токтото туруу мыйзамын кабыл алды. Ага ылайык, шайлоо күнү конституциялык реформадан кийин, 2021-жылдын 1-июнуна чейинки мөөнөткө белгиленген. Аталган мыйзамга ошол убактагы президенттин милдетин аткаруучу Садыр Жапаров кол койгон. Азыркы парламенттин беш жылдык мөөнөтү 28-октябрда аяктаган.

Ал эми БШК өз мөөнөтүндө өткөрүү талабы менен Жогорку сотко чейин даттанып утулуп калган.

Буга чейин Конституциялык палата Венеция комиссиясына дал ушул жагдай боюнча кайрылып, жооп алган.

Комиссиянын корутундусунда азыркы парламент өзгөчө чараларды, анын ичинде конституциялык реформаны жүргүзө албай турганы белгиленген. Ошондой эле конституциялык мыйзам токтоп, шайлоонун мөөнөтү жылдырылганына жана демократиялык оюндун эрежелери бузулганына кабатырланган.

Жыйында тараптар кандай жүйө келтиргенин кийинки материалдан окуңуз.

101
Белгилер:
мөөнөт, парламент, чечим, Конституциялык палата
Тема:
Жогорку Кеңешке боло турган кайра шайлоо
Тема боюнча
Садыр Жапаров ЖК кабыл алган шайлоо тууралуу конституциялык мыйзамга кол койду
КП ЖК мөөнөтүнүн узартылышын мыйзамдуу деп тапты. Жыйында тараптар эмне деди