Хабиб канча беттештен кийин карьерасын токтоторун атасы айтып берди. Видео

1906
(жаңыланган 12:36 31.10.2019)
UFC уюмунун жеңил салмактагы чемпиону, россиялык мушкер Хабиб Нурмагомедов бир нече беттештен кийин карьерасын жыйынтыктоону пландап жатканын анын атасы жана машыктыруучусу Абдулманап Нурмагомедов билдирди.

Ал Fight Nights Global YouTube каналына берген маегинде Хабибдин кийинки беттеши 2020-жылы жазында Тони Фергюсонго каршы болорун жана ал UFC уюмунун тарыхында мыкты кармаштардын бирине айланарын айткан.

Хабиб карьерасын качан жыйынтыкташы мүмкүн деген суроого атасы "эки-үч беттештен кийин кетиши керек" деп жооп берген.

Россиялык мушкер ММА боюнча 28 беттеш өткөрүп, бир дагы ирет жеңилип көргөн эмес. 2018-жылы америкалык Эл Янвинтаны утуп, UFC уюмунун чемпиону болгон. Ирландиялык Конор Макгрегор жана америкалык Дастин Порье менен беттешип, наамын ийгиликтүү коргоп калган.

1906
Белгилер:
Хабиб Нурмагомедов, Абдулманап Нурмагомедов, беттешүү, карьера
Тема боюнча
Конор Макгрегор Хабиб Нурмагомедовду коркок деди. Хабибдин атасы жооп берди
Ичим чыкпайт. Стивен Сигал Хабиб Нурмагомедов тууралуу пикирин айтты
Хабиб Нурмагомедов Кыргызстанга келе турганын айтты

1 500 аскер катышууда. Россия менен Өзбекстандын аскердик машыгуусу видеодо

21
Россия менен Өзбекстан коңшу өлкөнүн Термез шаарындагы полигонунда биргелешкен аскердик машыгуу өткөрүп жатат.

Видеону Россиянын Коргоо министрлиги жүктөдү.

Күжүрмөн окуунун алкагында атайын даярдыктагы бөлүктөр Ми-171 жана Н-215 тик учактарынан секирип түшүп, "куралдуу топторду жок кылышты". Ошондой эле аскерлер 15 чакырымга жүрүш жасап, жолдо катар татаал сыноолордон өттү.

Машыгууга эки тараптан кеминде 1 500 миңдей аскер катышууда.

21
Белгилер:
Россия, Өзбекстан, Аскер, машыгуу, видео
Тема боюнча
Афганистанга жакын аймакта Тажикстан, Россия, Өзбекстандын машыгуусу башталды

Инспекторлор маршрутка айдоочуларынан жол эрежесин сурады. Кооптондурган видео

161
(жаңыланган 17:47 05.08.2021)
ИИМдин Жол кыймылы коопсуздугун камсыздоо башкы башкармалыгынын инспекторлору Бишкектеги маршрутка айдоочулары канчалык деңгээлде жол эрежесин билерин текшеришти.

Башкармалыктын маалымат кызматы аталган ролик аварияларды алдын алуу иштеринин алкагында тартылганын белгиледи. Инспекторлор каттамдын аягында токтоп турган айдоочуларга барып жол белгилерин көрсөткөн. Мындай "экзаменди" таксисттерден да алышкан.

Анда айдоочулар жол эрежесин билбей турганын моюндап, кээ бири унутуп калганын айтты. Айрымдары "негизги жол" жана "жол бошотуп бер" деген белгилерди да билбей койду.

ЖКККББ бир гана 1987-жылдан бери унаа айдап жүргөн киши бардык жол белгилерин туура айтканын белгиледи. Калгандарына инспекторлор окуп-үйрөнүүгө кеңеш берген.

Ошондой эле бул ролик айдоочуларды шылдыңдоо эмес, башкалар да көрүп эрежелерди кайталап окуп алышсын деген максатты көздөй турганын билдиришти.

Ведомство жакында видеонун экинчи бөлүгүн чыгарарын убадалады.

161
Белгилер:
ролик, инспектор, жол эрежеси, айдоочу, маршрутка
Тема боюнча
Көп катталып жаткан жол кырсыктардын себебин милиция санап берди