Аль-Багдадини кантип жок кылышкан. Пентагон видео жарыялады

(жаңыланган 00:11 01.11.2019)
Пентагон коомчулукка "Ислам мамлекети" террордук уюмунун лидери Абу Бакр аль-Багдади кантип жок кылынгандыгын жарыялады.

Генералдын журналисттердин алдына чыгып сүйлөгөндөгү видеосу министрликтин сайтына толугу менен чыкты. Кадрдан жок кылуу операциясынын кантип башталганын, аскерлердин үйгө жакындап баргандыгын көрүүгө болот.

​"Бул жерден объектти көрүп турабыз, ал— Багдади жашырынган жай. Буга чейин айтып өткөндөй, ал Сириянын түндүк-батыш тарабындагы Идлиб провинциясында жайгашкан", — деп айтты журналисттерге АКШнын куралдуу күчтөрүнүн борбордук командачылыгынын жетекчиси генерал Кеннет Маккензи. 

Анын айтымына караганда, видеодон "согушкерлердин абадан сокку уруп жаткан америкалык аскерлерди аткылап жаткандыгын көрүүгө болот".

Маккензи ДНК анализ Аль-Багдадинин толук жок кылынгандыгын көрсөткөн. Ал сөөк Аль-Багдадиге тиешелүү эмес деген шектенүү 1ге 104 септиллион (24 нөлдүү сан) экендигин айткан.

Пентагон өкүлү "Ислам мамлекетинин" башчысы өзү менен кошо эки баласын кошо жардырып жибергендигин кошумчалады. Мурдагы маалыматтарда жанында үч баласы болгондугу айтылган. Муну президент Дональд Трамп расмий билдирүүсүндө айткан.

Буга чейин Fox News телеканалы Аль-Багдадинин деңизге көмүлгөндүгүн кабарлаган. Reuters агенттиги маалымат булактарына шилтеме берип, мындай жол менен маркумду акыркы жайга узатуу ислам дининин талаптарына жооп берет деп жазган. Анын кайда, кандайча жол менен жерге жашырылгандыгы маалымдалган эмес.

Белгилер:
террорчулук, жок кылуу, Пентагон, Сирия, АКШ
Тема боюнча
АКШ террорчулардын ана башы Аль-Багдадинин сөөгүн жок кылганын билдирди
АКШ башкы террорчу Аль-Багдадини жок кылганын айтты. Россия ага ишенбей турат

Кер мурут жигит Сүймөнкул Чокморов. Улуттук банктын улуу инсан тууралуу видеосу

(жаңыланган 23:26 14.04.2021)
Улуттук банк кыргыз банкноталарына түшүрүлгөн белгилүү инсандар тууралуу видеолорду жарыялоодо. Бул ирет банк легендарлуу актёр, сүрөтчү Сүймөнкул Чокморов тууралуу видеоролик жарыялаган.

Эки мүнөттөн ашык тартылган роликте сүрөтчүнүн жаш кезин көрүүгө болот. Анда Чокморов жана башка студенттер талаада педагогдун жетекчилигинин алдында жылкыны сүрөткө тартып жатышат. Видеонун алдында окуя 1963-жылы Ленинград облусунда болгону жазылган. Чокморов эмгегинде бир гана жылкыны эмес, анын артына тоолорду да тартат. Окутуучу жок тоону эмнеге тартканын сураганда, ал мекенин сагынганын айткан. Бир маалда жылкы үркүп, баланын колунан жулунуп, секире баштайт. Аны көрүп Чокморовдон башкасынын баары чочулайт. Бирок Сүймөнкул Чокморов аттын жанына барып, жылкыны сылап аны чуркатыш керектигин айтат. Бала ага макул болбой койгондо Чокморов "кыргыздар ээр үстүндө чоңойгон калкпыз. Ал эми ат биздин канатыбыз" деп чапкан боюнча жөнөгөн.

Кадр алмашып, Чокморов "Ысык-Көлдүн кызгалдактары" тасмасындагы Карабалтанын образында болуп калат.

Улуттук банк роликтерди Кыргызстандын эгемендүүлүгүнүн 30 жылдыгына карата тартып жатат. Анда улуттук валютага сүрөтү түшүрүлгөн философ Жусуп Баласагын, манасчы Саякбай Каралаев, сүрөтчү, актёр Сүймөнкул Чокморов, акын Алыкул Осмонов тууралуу видеолор көрсөтүлмөкчү.

Роликтерди режиссёр Руслан Акун белгилүү кино ишмерлери Актан Арым Кубат, Эрнест Абдыжапаров, Марат Сарулу жана Баян Сарыгуловдун колдоосу менен тарткан.

UFC Валентина Шевченконун мыкты ирмемдерин жарыялады. Видео

(жаңыланган 19:18 14.04.2021)
UFC Russia уюмунун YouTube-каналында дивизиондун эң жеңил салмактагы чемпиону Валентина Шевченконун видеосу жарыяланды.

Ага мушкер кыздын акыркы беттештери, шумдуктуудай нокауттары, жеңишин майрамдаганы жана октагондон тыш жашоосунун ирмемдери камтылган.

Ролик Шевченконун Жессика Андраде менен кездеше турчу UFC 261 турниринин алдында тартууланды. Спорттук иш-чара 24-апрель күнү Жексонвилл шаарында өтөт (АКШ, Флорида штаты).

Кыргызстандык мушкердин беттеши турнирдин башкы кармашы болмокчу.

Белгилер:
беттешүү, кармаш, нокаут, мушкер, Валентина Шевченко
Тема боюнча
Шевченко бразилиялык Андрадени ута алабы? Букмекерлердин пикири
UFC Валентина Шевченко катыша турган мелдештин трейлерин жарыялады. Видео
Ай чырайлуу мушкер дебюттук кармашында атаандашын оор нокаутка кетирди. Видео