Кишини жүзүнөн тааныган камера. Жээнбеков "шектүү" кантип кармаларын көрдү. Видео

584
(жаңыланган 14:41 31.10.2019)
Бишкекте кылмыштарды онлайн көзөмөлдөгөн жана шектүүлөрдү аныктаган система ишке кирди. Анын ачылышына мамлекет башчысы Сооронбай Жээнбеков катышты.

Бул борборго кишилерди жүзүнөн тааныган камералардан видео келип түшөт. Операторлор көчөлөргө көз салып, эгер кылмыш болсо, ал жерге милиция кызматкерлерин жөнөтөт.

Андан сырткары, камералар издөөдө жүргөн кишилерди табууга жардам берет. Ал үчүн өзүнчө кызматкерлер дайындалган.

Бул камералар кандай иштей турганын көрсөтүү үчүн президентке "кылмышкерди" кармоо аракеттери көрсөтүлдү.

Жээнбеков ошондой эле Бишкек милициясынын Кайгуул кызматынын сынамык долбоорунун бет ачарына күбө болду. Аталган кызмат кандай иштейт, кандай артыкчылыктарга ээ экенин Sputnik Кыргызстан агенттигинин материалынан окуңуздар.

584
Белгилер:
видео, камера, Сооронбай Жээнбеков, Кыргызстан
Тема боюнча
Депутат "Коопсуз шаар" долбоорундагы алешемдиктерди санап берди

Сириядагы чыр: АКШ Россиянын "колу канган малынганын" айтты

270
(жаңыланган 10:45 01.08.2020)
Вашингтон Сириядагы абалга Россия менен Иранды күнөөлөдү. АКШнын БУУдагы туруктуу өкүлү Келли Крафт америкалыктар сириялыктарга жардам берүү үчүн миллиарддаган акча коротуп жатканын, ал эми Россия менен Ирандын "колу канга малынганын" айтты.

Мунусу менен Россиянын аталган уюмдагы туруктуу өкүлү Василий Небензяга жооп берди. Себеби ал АКШ сириялык мунай кендерин пайдаланып жаткандыгын айткан эле. Сириядагы нефтинин мыйзамсыз сатылып жатканы тууралуу маселени Россия бир нече ирет көтөргөн.

Ага Москва да, Тегеран да бир топ далилдерди келтирген. Анын чоо-жайын биздин видеодон көрө аласыз.

270
Белгилер:
Мунай, нефть, Россия, Сирия, АКШ
Тема боюнча
АКШ Сирияны колдоого алган Россия менен Кытайды жазаламай болду. Видео

Бейтапты сактайм деп акка моюн сунгандар. Ак халатчандарды эскерген видео

274
Коронавирус миңдеген өмүрдү соолутту, эч кимди аяган жок. Алардын арасында жашоосун, бүт өмүрүн саламаттык сактоо тармагына арнаган медиктер дагы бар. Айрымдары ичер суусу түгөнгүчө элге кам көрсө, кээ бири вирус менен күрөшүп жүрүп көз жумду.

Элдин саламаттыгы деп жүрүп набыт болгон медицина кызматкерлерин Sputnik Кыргызстан агенттиги эскерди. Алардын арасында уулунун артынан эле каза болгон, бир учурда төрт бир тууганынан ажырап кийин өзү да пневмониядан көз жумган дарыгерлер бар...

Коронавирус медицина каймактарын терип кетти. Дарттан көз жумган медиктер

Саламаттык сактоо министрлигинин расмий маалыматы боюнча, 30-июлга карата өлкөдө коронавирус дартынан 73 медицина кызматкери каза тапкан. Анын 44ү дарыгер. Бул статистикага саламаттык сактоо тармагында эмгектенген бардык кызматкерлер, пенсияга чыккандар да кошулган. Материалга сүрөтү жана ал тууралуу маалымат табылган 30 гана медик камтылды.

Россиялык медиктердин Кыргызстанга жардамы. Реанимациядан тартылган видео

Белгилей кетсек, 17-июлдан тарта бийлик коронавирус менен пневмонияны чогуу эсептей баштаган. U07.1 коду коронавирус деп эсептелсе, U07.2 клиникалык жана эпидемиологиялык жактан аныкталган ооруканадан тышкаркы пневмония болуп саналат.

274
Белгилер:
эскерүү, өлүм, коронавирус, медик
Тема:
Кыргызстандагы коронавирус жуктуруп алгандар
Тема боюнча
Азыркы азалуу Ата Журт, эртеңки айт... Бул күндөрдүн артында улуу жакшылыктар бар
Коронавирустан көз жумгандар "Ата-Бейитте" эскерилип, куран окулду
Мурдагы президент Алмазбек Атамбаевдин Кой-Таш айылындагы үйүндөгү атайы операция. Архив

Кой-Таш окуясы боюнча соттун онлайн-отуруму жылдырылды. Себеби

27
(жаңыланган 16:54 03.08.2020)
Жогорку соттон кабарлашкандай, Бишкекте соттук отурумдар эпидемиологиялык кырдаалды эске алуу менен видео байланыш форматында өтүп жатат.

БИШКЕК, 3-авг. — Sputnik. Кой-Таш окуясы боюнча соттук отурум 5-августка жылдырылды. Бул тууралуу Жогорку соттун маалымат кызматынан билдиришти.

"Бүгүн видео байланыш форматында өтө турган соттук отурум айыпталуучулардын бири ден соолугуна байланыштуу дарылоочу № 47 абакка которулганына байланыштуу болбой калды. Кийинки отурум шаршемби күнү саат 10:00гө дайындалды", — деп айтылат билдирүүдө.

Жогорку соттон кабарлашкандай, Бишкекте соттук отурумдар эпидемиологиялык кырдаалды эске алуу менен видео байланыш форматында өтүп жатат.

УКМК тергөө абагын карантинге жаптыбы? Мекеменин жообу

Кой-Таш окуясы

Мурдагы президент Алмазбек Атамбаев 2019-жылы 7-8-августтагы Кой-Таш окуяларынан соң камакка алынган. Жалпысынан Атамбаев сегиз эпизод менен шектелүүдө. Бул окуядан бир киши каза таап, 175 адамдын дарыгерлерге кайрылганы белгилүү болгон.

Атамбаевден тышкары Кой-Таш окусы боюнча анын тарапташтары Фарид Ниязов, Равшан Жээнбеков, Мээрбек Мискенбаев, Канат Сагымбаев, Марат Шаменов, Рысбек Карыпбек уулу, Фархат Баабиев, Канат Осмоналиев жана Нооруз Капарбек уулу кармалган.

Алмазбек Атамбаев пневмониядан айыгып кайра абакка которулду

ЖК депутаттары Асел Кодуранова, Ирина Карамушкина жана Атамбаевдин кеңешчиси Кундуз Жолдубаева үй камагында.

 

27
Белгилер:
Алмазбек Атамбаев, Отурум, сот, Бишкек, Кой-Таш
Тема:
Атамбаевдин Кой-Таштагы үйүндөгү атайын операция
Тема боюнча
Атамбаев менен Жолдубаева жазага тартылды. Сот залынан видео