Азамат! Айпери Медет кызы дүйнө чемпионатынан коло байге алды. Видео

217
(жаңыланган 13:53 01.11.2019)
Кыргызстандык Айпери Медет кызы 23 жашка чейинки (U-23) балбандар арасындагы дүйнө чемпионатында коло байге тагынды. Спортчунун үчүнчү орунду жеңип алган видеосу Бириккен күрөш уюмунун (UWW) YouTube каналына каналына жарыяланды.

Турнир Венгриянын борбору Будапешт шаарында 28-октябрда башталган. Ага Кыргызстандан тогуз спортчу барган.

Медет кызы килем бетинде 76 килограмм салмактагылар арасында күч сынашкан. 8/1 финалда италиялык Энрика Риналдини, чейрек финалда канадалык Грейслин Дуганду уткан. Ал эми жарым финалда Япониядан келген Юка Кагамиге жеңилип калган. Үчүнчү орун үчүн кармашта монголиялык Ариунжаргал Ганбатты 12:8 упай эсебинде утуп, медаль алган.

Эске сала кетсек, ушул эле чемпионатта эркин күрөштүн балбаны Улукбек Жолдошбеков чемпион болгон.

217
Белгилер:
медаль, коло, жеңиш, дүйнө чемпионаты, балбан, Айпери Медет кызы, Венгрия, Кыргызстан
Тема боюнча
Улакчы Ниязовдор, балбан Изабековдор... Спортко берилген үй-бүлөлөр. Сүрөт
Нарындагы турнирде баш байгени ысыккөлдүк балбан утуп алды