Артка ийилип көтөрүп чапты. Акматалиевдин чабуулу чемпионатта мыкты ыкма болду

3037
(жаңыланган 18:05 04.11.2019)
Күрөш боюнча дүйнө чемпионатынын уюштуруучулары кыргызстандык Эрназар Акматалиевдин атаандашын көтөрүп чапканын мыкты ыкмалардын катарына кошту.

Акматалиев мелдешке 30-октябрь күнү эле чыккан. Бирок уюштуруучулар ал катышкан таймаштарды интернетке бүгүн гана жүктөдү.

Спортчу 65 килограммга чейинки салмакта күрөшүп, жарым финалга чейин жетти. Уюштуруучулар анын 1/8 финалдагы аракетин баалашты. Мелдештин аягында ал АКШлык атаандашы Селсор Эйрманды өз боюнан ашыра көтөрүп чаап, жеңишке жетти.

23 жаштан жогоркулар арасында күрөш боюнча дүйнө чемпионаты ушул күндөрү Венгриянын борбору Будапешт шаарында өтүп жатат.

Эске сала кетсек, ушул эле чемпионатта эркин күрөштүн балбаны Улукбек Жолдошбеков чемпион болгон. Мындан тышкары, Жоламан Шаршенбеков күмүш, Айпери Медет кызы коло медаль алган.

3037
Белгилер:
ыкма, күрөш, Венгрия
Тема боюнча
Шаршенбеков жаштар арасындагы дүйнө чемпионатынан күмүш алды
Азамат! Айпери Медет кызы дүйнө чемпионатынан коло байге алды. Видео