Балтика мамлекеттери аларга жакпаган журналисттер менен кантип күрөшүүдө. Видео

131
(жаңыланган 10:03 29.11.2019)
Эстониянын бийлиги Sputnik агенттигинин журналисттерин кодулоодо. Сайттын кызматкерлерин аккредитациядан өткөрбөй, маалымат бербей, жада калса полиция аркылуу кеңсенин ээсин редакция менен келишимди токтотууга мажбурлашууда.

Мамлекеттик органдардын кийлигишүүсү менен Россиядан которулган акчалар тоңдурулду. Мындан улам Sputnik Эстония агенттигинин кызматкерлери айлык ала албай жатышат.

"Россия сегодня" эл аралык маалымат агенттигинин башкы редакторунун орун басары Андрей Благодыренко кырдаал тууралуу НТВ телеканалынын эфиринде айтып берди.

"Алардын пикиринде "Россия сегодня" агенттиги Балтика өлкөлөрүндөгү кызматкерлерине төлөгөн акча таза эмес, террористтик болуп саналат экен", — деди Благодыренко.

Ал белгилегендей, Эстонияда ЖМКлардын иши юридикалык жактан иретке келтирилип, каттоодон өтпөйт.

"Кайсы бир аткаминердин оюна туура келсе сени пропагандист деп айыптап коюшу мүмкүн", — деди Благодыренко.

Балтика өлкөлөрүндө мындай көрүнүш биринчи жолу кайталанып жаткан жок. Жазында Вильнюстун аэропортунан Sputnik Литванын шеф-редактору Марат Касемди кармап кетишкен.
Анын россиялык атайын кызматтар менен байланышынын бар-жогуна кызыгышкан. Касем аларга "мен Жеймс Бонд эмес, журналистмин" деп жооп берген. Бирок Литванын бийлиги ал улуттук коопсуздукка коркунуч жаратат деп, мамлекетке беш жыл кирүүгө тыюу салган.

Бир жыл мурда Sputnik Латвиянын шеф-редактору 12 саат сурак берген. Бийликтегилер Sputnik агенттигине гана эмес, россиялык башка ЖМКлардын да ишине тоскоолдук жаратып келет.

131
Белгилер:
Россия, Эстония, Балтия, Sputnik
Тема боюнча
Германия менен италиялыктар РФ Польша менен Балтикага коркунуч жаратарына ишенбейт
Sputnik КМШ жана Балтика өлкөлөрү боюнча кышкы саякатка чакырат

Нидерландда футбол фанаттары турган трибуна оюн учурунда урап түштү. Видео

90
(жаңыланган 12:17 18.10.2021)
Конокко барган команда жеңишти белгилөө үчүн фанаттары турган жакка келишкен. Алар ийгиликке секирип кубанып жаткан учурда трибуна урап түшкөн.

Нидерланддын Неймеген шаарындагы стадиондун трибунасы күйөрмандары менен кошо урап түштү.

Окуя өлкө чемпионатынын тогузунчу турундагы оюндун аягында болгон. "Витесс" клубу жергиликтүү НЕК менен беттешип, 1:0 эсебинде жеңишке жеткен. Беттештен соң жеңишти белгилөө үчүн футболчулар фанаттары турган трибунага келишкен. Күйөрмандар ийгиликке кубанып секирип жаткан учурда конструкция салмакты көтөрө албай урап түшкөн.

Кырсыктан эч ким жапа чеккен эмес. Кыйроого карабай "Витесстин" фанаттары майрамдоосун улантышкан.

Маалым болгондой, "Де Гофферт" стадиону 1939-жылдын 8-июлунда ачылып, 12 500 кишиге ылайыкташкан. Арена 2000-жылдын аягында заманга бап оңдолуп, 25-январда экинчи расмий ачылышы болгон.

90
Белгилер:
Голландия, стадион, трибуна, Кыйроо
Тема боюнча
Ошто көмүр жүктөлгөн унаа өтүп бара жаткан көпүрө урап түштү. Видео
Күйөрмандардын стадиондун үстүнөн кулаган мышыкты сактап калган кызыктуу видеосу

Бетин катканына карабай ургулап. UFC турниринин эң кызыктуу учурлары видеодо

122
UFC Russia YouTube каналы уюмдун Лас-Вегаста өткөн соңку турниринин эң мыкты учурларын чыгарды. Мушкерлердин кечеси кечээ (Бишкек убактысы боюнча таңда) өттү.

Кеченин башкы беттешинде америкалык спортчу кыздар Аспен Лэдд менен бразилиялык Норма Дюмонт кезикти. Жыйынтыгында Дюмонт калыстардын чечими менен утту.

Кеченин дагы бир башкы беттешинде беларустук Андрей Орловский дагы бразилиялык Карлос Фелипти калыстардын чечими менен жеңди.

Ошондой эле башкы карддын алкагында Жим Миллер Эрик Гонсалести нокаутка кетирсе, Манон Фиоро Майру Буэно Сильваны калыстардын чечими менен, ал эми Нейт Ландвер Людовит Клейнаны колду кайруу ыкмасынын жардамы менен утту.

122
Белгилер:
Лас-Вегас, UFC, беттешүү, кармаш, турнир, видео
Тема боюнча
Валентина Шевченко Кыргызстандын туусун коюп пост жарыялады
Бишкектеги текшерип көрүү, метрология жана сертификациялоо борборунун жетекчисинин орун басары Болот Нурматов

Нурматов: метрология жана стандартташтыруу багытында адистер жетишсиз

0
Бишкектеги текшерип көрүү, метрология жана сертификациялоо борборунун жетекчисинин орун басары Болот Нурматов кадрларды даярдоо абдан орчундуу маселе экендигин айтты.

Стандартташтыруу, метрология багыты боюнча учурда Кыргыз мамлекеттик техникалык, Кыргыз экономикалык университеттеринде адистерди даярдашат. Мындай маалыматты Болот Нурматов Sputnik Кыргызстан радиосунун эфиринде маек куруп жатып билдирди.

Нурматов: метрология жана стандартташтыруу багытында адистер жетишсиз

Анын айтымында, рынок экономикасынын шартында стандарттарга болгон өзгөрүү кыска мөөнөттө алмашып жатат.

"Стандартташтыруу, метрология багытында кадр маселеси орчундуу иш бойдон калууда. Адистерди окутуу, кайра даярдоо чоң күчтү жана көп каражатты талап кылат. Мисалы, советтик мезгилде стандарттарды өзгөртүүгө болжолдуу 20 жылдай керектелген. Ал эми бүгүнкү рынок экономикасынын шартында эки жылда жаңы стандарттарды иштеп чыгуу зарыл болуп калды. Демек, рынок тыным албай өзгөрүүлөргө дуушар болууда. Ага байланыштуу учурда Кыргыз мамлекеттик техникалык, Кыргыз экономикалык жана Кыргыз улуттук университеттеринде адистерди даярдоого көңүл бурулууда. Борбор жогорку окуу жайлар менен тыгыз иш алып барып жатат. Себеби илим менен практикалык иш айкалышканда гана жакшы жыйынтыкка жете алабыз", — деди Нурматов.

Ошондой эле жетекчи кесипкөй адистер өндүрүштө практикалык иштин жоктугунан улам жетпей жаткандыгын кошумчалады.

Подкасттын толук вариантын төмөнкү видеодон көрүңүз:

0
Белгилер:
сертификациялоо, кадрлар, өндүрүш, метрология, стандартташтыруу, Болот Нурматов
Тема боюнча
Садыков: эгемендүүлүккө жеткенден соң акысыз билим берүүнү жоготтук