Токмокто мас делген милиционердин жол кырсыгына кабылганы видеого түшүп калган

1259
(жаңыланган 15:13 03.12.2019)
Россиянын номери тагылып, терезелери караңгылатылган "Жигули" каршы тилкеге чыга калып Toyota Camry үлгүсүндөгү унаа менен кагышкан.

Токмок шаарында мас киши жол кырсыгына кабылды. Кийинчерээк ал жергиликтүү ИИБдин кызматкери экени белгилүү болгон. Бул тууралуу Sputnik агенттигинин кабарчысына жабырлануучу Эмил Рысбаев билдирди.

Жол кырсыгы 2-ноябрга караган түнү Токмоктогу 3 жана 1-кичирайондордун ортосунда болгон. Россиянын номери тагылган "Жигули" Toyota автосун сүзүп кеткен.

"Терезелеринин бардыгы караңгылатылган "Жигули" каршы тилкеге чыга калып менин унаамды көздөй жүрүп келе жатты. Катуу кагышуу болбосун деп тормозду басканга үлгүрдүм. Бирок ал баары бир машинамды сүздү. Унаадан мас киши чыгып, өзүнүн ысымын ар кандай деп айтып жатты. Бир жуманын ичинде чыгымдарды төлөп берерин да убадалады. Мен анын паспортун алып койгом. Кийинчерээк ал Токмок ИИБинин кызматкери экени белгилүү болду. Ал бир айдан бери жолугушуудан качып, күнүгө унааны жакында оңдотуп берерин убадалап жүрөт", — деди Рысбаев.

Чүй облустук ички иштер башкы башкармалыгы видеодогу адам 31 жаштагы Кеңеш Нарынов экенин маалымдап, анын Чүй РИИБдин кызматкери экенин тастыктады. Аталган факты боюнча кызматтык иликтөө башталып, жыйынтыгы менен милиционерге карата юридикалык баа берилмекчи.

1259
Белгилер:
жол кырсык, милиция, Токмок, Чүй облусу
Тема:
2019-жылдын башынан бери Кыргызстанда болгон жол кырсыктар (265)
Тема боюнча
Кыргызстандын жол кырсыгы көп болгон аймактары. Жүрөк ооруткан графика
Лейлектеги жергиликтүү кеңештин төрагасы Тажикстан аймагынан кырсыктады

Автоунаадан жакшы эле секирип өтөйүн деп так үстүнө түшкөн бугу. Видео

250
(жаңыланган 14:36 06.03.2021)
Интернетте Польшанын Пултуск шаарынан анча алыс эмес жайгашкан токойдун жолунда болгон окуя тарап жатат.

Кадрлардан кара түстүү BMW капысынан жолго чыга калган бугулар менен кагыша жаздап токтогону көрүнүп турат. Кооптуу учур артта бараткан машинанын видеокаттагычына түшүп калган.

Айдоочу унаасын убагында токтотуп калууга жетишкен. Ошентсе да машинасын "кагылышуудан" сактап кала алган эмес. Бугулар автоунаанын үстүнөн секирип өтүп, бири так үстүнө кулаган.

Натыйжада бир бугу көлүктүн алдыңкы бөлүгүнө урунса, экинчиси багажнигине кулап түшкөн. Дагы бир нечеси кузовун "тээп" өткөн.

250
Белгилер:
токой, жол, айдоочу, бугу
Тема боюнча
Жанды көзгө көрсөткөн бугу жана кыздын ач айкырыгы. Боорду эзген видео
АКШда мергенчи бугу деп ойлоп адамды атып алды

Кыйындыкта бел болуудан тайбадыңар! Марипов аялзатын ыр окуп куттуктады. Видео

93
(жаңыланган 17:33 06.03.2021)
Премьер-министр Улукбек Марипов өкмөттүн жана өзүнүн атынан Аялдардын эл аралык майрамы менен куттуктады. Анын куттуктоо видеосун өкмөттүн маалымат кызматы жөнөткөн.

Анда премьер-министр кыргыз коомунда аялдар ар дайым ардактуу орунду ээлеп келгенин белгилеген.

"Кымбаттуу биздин айымдар, сиздерге өмүрүбүз үчүн, үй-бүлөлүк бакыт, колдооңуздар үчүн милдеттүүбүз. Аруу аялзаты менен үй-бүлөнүн куттуу очогу жана бакубатчылыгы гана эмес, жер бетинде тынчтык да кармалып турат. Аялга сый-урмат менен мамиле кылууга бала кезден тарбияланып келебиз. Аялзаты — үй-бүлө очогунун сактоочусу, акылмандыктын, ажарлуулуктун жана жанын аябастыктын символу!" — деп жазылат Мариповдун куттуктоосунда.

Кыргызстан аялдар конгресси аялдардын эл аралык күнүн утурлай салтанаттуу кече уюштурду
© Фото / пресс-служба Конгресса женщин Кыргызстана
Ал кыргыздын кыз-келиндери бүгүнкү күндө өлкөнүн саясий, коомдук, ишкердик, маданий жана спорттук жашоосуна активдүү катышып жатканына токтолгон.

"Сиздердин катышууңар жок эгемендүүлүгүбүздү сактоого, экономиканы өнүктүрүүгө, өнөр жай дараметин жандандырууга, көп улуттуу мамлекетибиздин руханий байлыгын сактоого мүмкүн эмес. Ошондой эле силерсиз алдыбызга коюлган маанилүү милдеттерди ишке ашыра албайбыз. Ар дайым назик жана сулуу бойдон жүрө бериңиздер. Жаныңыздарда сиздерди бакытка бөлөп, зор таяныч болгон адамдар дайыма бирге болсун!" — деген өкмөт башчы.

Премьер-министр аялдарга сүйүү, бекем ден соолук, үй-бүлөлүк бакыт-таалай жана ийгилик каалап кеткен.

93
Белгилер:
майрам, куттуктоо, аял, 8-март, Улукбек Марипов
Тема боюнча
Марттан тарта шаардагы көчө шыпырган "тазалыкчылардын" айлыгы көтөрүлмөй болду
Женщина сидит у постели, схватившись за колени. Иллюстративное фото

Эркектерди душманымдай көрөм. Турмуштан көңүлү калган айымдын каты

0
(жаңыланган 17:30 06.03.2021)
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасына ажырашкандан кийин көңүлү муздап, эркектерди жек көрүп калган айым кат жазган.

Саламатсыздарбы, менде бир маселе бар. Өзүмдүн жашым 45ке чыгып калды, борбордун четиндеги мекемелердин биринде мамлекеттик кызматта иштейм. Өзүңүздөр билгендей, маянам деле жарытылуу эмес. Түйшүк менен эле күндөрүм өтүп келет.

Үйдө апам жана кызым менен турам. Мурда жаш кезимде турмушка чыгып, эки-үч жыл жашап эле ажырашып кеткем. Ошондон кийин турмушка чыккым келбейт. Азыр ойлосом ошондо үй-бүлөлүк зомбулукка кабылыптырмын. Күйөөдөн аябай көңүлүм калган. Эркектин баары бирдей эместигин билем, бирок мен үчүн баары аялдарга азап берүү үчүн жаралгандай көрүнө берет. Мындан бир аз жаш кезимде апамдан колумду сурап, үйгө келген мырзалар деле болду. Алар алгач мага келип, мен көңүл бурбай койсом апама чейин барышчу. Апам тамакты мыкты жасаган, таза, чарбакер, тың аял. Азыр алдан тайып, 70тен ашып калды. Келген жуучулардын айрымдары "энесин көрүп, кызын ал" болуп ата-энесинин үгүттөөсү менен апасындай аял болсо жаман болбойт деп келгендер. Азыр ошолордун айрымдары очор-бачар, жакшы турмуш күтүп кетишти. Мен дагы эле баягыдай жумушка барам, кечинде үйгө келем, оокатымды кылам. Жашоомдун маңызы кызым болуп калган.

Апам болсо "көзүм тирүүсүндө бирөөнүн колун кармап кетсең боло, айлыгың бул болсо кийин кантип оокат кыласың, кызың турмушка кетет" деп какшап санаага батат. Чынын айтсам, ушул сөздөрдөн тажадым. Уккум да келбейт. "Баланчаны чандың эле, мына азыр минтип жашап жатыптыр" деп мурда келгендерди отуруп алып санаганда, чынын айтсам, "экинчи ушундай сөздөрдү айтпаңызчы, кызым бар, мага ошол жетет. Күйөөдөн ким жыргап жатыптыр" деп катуу айткан күндөрүм да болду. Кээде уруша да кетебиз.

Атам да апама жарытылуу деле мамиле кылган эмес. Кээде уруп, кызганып мээсин жегенин эле көрүп чоңойдум. Ошондон дагыбы, эркектерди аялдардын душманындай көрөм. Кийин мектепте окуп жүргөндө атабыз каза болуп калды. Апам байкуш мени жалгыз чоңойткон. Ошондон кийин түйшүк менен жүрүп турмушка чыккан эмес. "Мендей болуп жалгыз калбасын" деп коркуп жатканын түшүнөм, бирок эркектерге ишенбейм. Жалгыздыктын түйшүгү деле сезилет, кээде эркектерге тийиштүү чарбалык иштерде "аял катары бакыт деле көргөн жокмун" деп ойлонуп кетем. Ошентсе да күйөөлөрүнүн көйгөйүн, кордугун айтып арызданган курбуларым, кесиптештерим да жок эмес.

Мендеги коркуу, жек көрүү сезимин көптөргө айтсам түшүнбөйт. Бул менин жөн гана коркуумбу же чындап көйгөйүм барбы? Психолог эмне дейт болду экен?

Психолог Айгүл Ысыкеева:

— Бул айымдын катын толук окуп чыктым. Мага эмнегедир алдыга умтулайын, билим алайын же дагы бир башка ийгиликке жетишейин деген аракети жоктой сезилди. Ал турмуш куруу үчүн эркектер менен таанышуудан эмес, оболу жашоосун өзгөрткөндөн коркот өңдүү. Мындан ар бир көргөн күнүнө ыраазы болуп эле күн көрүп жаткан аялзатынын образын байкадым. Муну менен катар өзүн, жеке жашоосун эбак унутуп, өмүрүн кызына арнап салгандай.

Ошондой эле бала деген кичинесинен баштап бой жеткенге чейин ата-эненин мээримине канып, өзүн толуктап жүрүп отурат. Адам ата-энесинин мээримине толук канбай калган учурда эмоционалдык боштондук албай калат. Башкача айтканда, атасынын же апасынын мээрими жетпей, жан дүйнө бөксө тартып, айланчыктап эле алардан эмоционалдык жактан көз каранды боло берет. Кийин да ошол мамилени күтүп жүрө берип, бара-бара анысы бирөөгө жана өзүнө ишенбөөчүлүк алып келет. Адам жалгыздыкка баш уруп, алсыздык жаралат. Мындай адамдар жаңы турмуш баштоодон, энесинен өзүнчө бөлүнүүдөн да коркуп, менин кимге керегим бар өңдүү сезимден чыга албай калат. Адам территория жактан болбосо да, эмоционалдык жактан ата-энеден бөлүнүүсү зарыл.

Апасы да жалгыз чоңойтуптур. Бала баарын сезет, балким, кичинесинде атасына керек эмес экенин туюп калгандыр. Кыз кишиде жашоосундагы алгачкы эркек адамдын мамилесине карап, анан башка эркектерге болгон мамиле калыптанат. Башкача айтканда, кыз үчүн, анын тагдырына атасынын мамилеси маанилүү роль ойнойт. Өзгөчө жолдошунан ушундай мамилени күтөт жана турмуш курууга да ушул образды издейт.

Жыйынтыктап айтканда, ушундай эмоционалдык мамиле үзүлбөй калган учурда жалгыз өзү көйгөйдөн арылышы кыйын. Ал психологго барып, коркуу сезимдерин азайтып, өзүнө өзү жардам берүүгө үйрөнүшү керек. Аракет кылбаса, жылдар өтүп жаш өйдөлөй берет. Кийин энесинин эле тагдырын кайталап калат. Эң кооптуусу эмоционалдык жактан бөлүнбөгөн адам баласына да жармашып, аны жанынан чыгаргысы келбейт. Ошентип жүрүп бул аялдын кызына да зыяны тийиши ыктымал.

0
Белгилер:
аял, турмуш, апа, күйөө, психолог
Тема:
Психолог менен баарлашуу
Тема боюнча
Карьера үчүн турмушка чыкпай турсамбы... 25 жаштагы кыздын каты
Аялым чанып, көзүмө чөп сала баштады... Айласы кеткен жигиттин каты
Жолдошум менен жарашуудан корком. Ажырашкан келиндин каты