Балдарын велосипед менен ташып... Булганган аба менен күрөшкөн атанын видеосу

597
(жаңыланган 23:25 03.12.2019)
Бишкектик Нуршат Абабакиров эмне себептен автоунаа айдаганды таштап велосипедге өткөнүн айтып берди. Ал борборду эки жаш баласы менен кыдырат. Үч киши отурганга ыңгайлуу болсун деп велосипеддин рамасына чиркегич тагып алган.

Нуршаттын айтымында, мындай "бешикти" табуу оңой эмес. Дүкөндөр мындай чиркегич сатпагандыктан, тааныштары аркылуу алдырткан. Жасалга анын балдарына бөтөнчө жагып, бала бакчага жана окууга жайдары маанайда сүйлөшүп барышарын айтып берди. Бир жакка баруу дагы бат экендигин белгиледи. Унаа менен жүргөндө убактысынын көбү жолго кетчү экен.

  • Бишкекчанин Нуршат Абакиров отказался от автомобиля, купил люльку и катает детей на велосипеде
    Бишкектик Нуршат Абабакиров автоунаа айдаганды таштап велосипедге өттү
    © Sputnik / Табылды Кадырбеков
  • Бишкекчанин Нуршат Абакиров одевает своей дочке велосипедную каску
    Ал борборду эки жаш баласы менен кыдырат.
    © Sputnik / Табылды Кадырбеков
  • Дети бишкекчанина Нуршата Абакирова в люльке велосипеда
    Үч киши отурганга ыңгайлуу болсун деп велосипеддин рамасына чиркегич тагып алган.
    © Sputnik / Табылды Кадырбеков
  • Бишкекчанин Нуршат Абакиров отказался от автомобиля, купил люльку и катает детей на велосипеде
    Нуршаттын айтымында, мындай "бешикти" табуу оңой эмес.
    © Sputnik / Табылды Кадырбеков
  • Бишкекчанин Нуршат Абакиров отказался от автомобиля, купил люльку и катает детей на велосипеде
    Ал коопсуздук үчүн велосипедди тротуарларда тебет.
    © Sputnik / Табылды Кадырбеков
1 / 5
© Sputnik / Табылды Кадырбеков
Бишкектик Нуршат Абабакиров автоунаа айдаганды таштап велосипедге өттү
"Мен улуу баламды кичинекей кезинен тарта велосипед менен жүрүүгө үйрөттүм. Анын рамада бекитилген өзүнө ылайыктуу отургучу бар эле. Кызым чоңойгондон кийин экөө "бешикке" түшүп жүрүшөт. Алар чоңойгондо бул убакты жылмаюу менен эстесе керек. Автокөлүктө бара жатканда музыка угуп, телефон менен сүйлөшүп, бири-бирибизге көңүл бурбай калат эмеспизби. А бул жактан убакыт шаңдуу өтөт", — деди Абабакиров.

Ал коопсуздук үчүн велосипедди тротуарларда тебет. Жөө жүргөндөргө ыңгайсыздык жаратпоо үчүн кылдат жүргөнгө аракет кылат.

"Эл бизди көрүп кубанганын байкайм. Пайдалуу экендигин баары билет. Учурда Бишкекте ыш көйгөйү курч экендиги маалым. Менин велосипед тепкенге өтүшүмө да бирден бир ушул себеп болду", — деди Нуршат.

Анын айтымында, булганган абанын көйгөйүн бир гана бийлик эмес, ар бир жаран да чечсе болот. Бишкектик тургун өзүнүн аракетин таза абага кошкон салымы катары баалаган. Ал жадакалса кышкысын да велосипед менен жүрөрүн белгилеген.

597
Белгилер:
аба, баш тартуу, велосипед, унаа, ата, тургун, Бишкек
Тема боюнча
Бишкекте "Унаасыз күн" акциясын өткөрүү сунушталды
Бул биздин шаар! Ыш баскан Бишкектин сүрөтү

Башкы прокуратуранын өрттөлгөн имаратына экскурсия. Видео

207
(жаңыланган 16:20 25.11.2020)
Sputnik Кыргызстан агенттигинин кабарчысы Башкы прокуратуранын өрттөнүп кеткен имаратына кирип окурмандар үчүн түз эфир алып барды.

Белгилей кетсек, Киев менен Орозбеков көчөлөрүнүн кесилишинде жайгашкан имарат 2010-жылдагы апрель окуяларында өрттөлгөн.

Бүгүн, 25-ноябрда, бул имараттын ордуна жети кабаттуу эки муниципалдык имарат куруу пландалып жатканы маалым болду. Анда Бишкек шаардык кеңештин аппараты жана шаардык кызматтар жайгашмакчы.

207
Белгилер:
имарат, Башкы прокуратура, Бишкек
Тема боюнча
Мэрия Башкы прокуратуранын өрттөлгөн имаратынын тагдырын чечмей болду

Жогорку Кеңештин депутаттары 2021-жылдын бюджетин карады. Видео

104
(жаңыланган 17:58 25.11.2020)
Жогорку Кеңештин кезектеги жыйыны өттү. Бүгүн депутаттар чоң жыйындар залында отурушат. Бул жер оңдоп-түзөөдөн өтүп, октябрдагы башаламандыктардан кийин биринчи ирет чогулушууда.

Түшкү тыныгуудан кийинки жыйын башталды. Күн тартибинде башкы маселе "2021-жылдын республикалык бюджети жана 2022-2023-жылдарга болжолу жөнүндө" мыйзам долбоору.

104
Белгилер:
бюджет, түз эфир, жыйын, Жогорку Кеңеш
Тема боюнча
Новиков Кыргызстан чет жактан канча карыз алып, кайда жумшаганын айтты
ЖК социалдык өнүктүрүү министри кызматына Ализа Солтонбекованы колдоду
UFC чемпиону Хабиб Нурмагомедов. Архив

Көк бөрү көрөбүз! Хабиб машыктыруучусу менен Кыргызстанга келет

121
(жаңыланган 01:19 26.11.2020)
Нурмагомедов Кыргызстанга 2018-жылы келген. Анда ал өлкөдө ушунчалык атактуу экенине таң калганын билдирген.

БИШКЕК, 25-ноя. — Sputnik. UFC чемпиону Хабиб Нурмагомедовдун машыктыруучусу Хавьер Мендез Instagram баракчасына Кыргызстанга келип, көк бөрү оюнун көрүү каалоосу тууралуу жазган.

Посмотреть эту публикацию в Instagram

Публикация от Javier Mendez (@akajav)

Мендез менен Нурмагомедов азыр Бириккен Араб Эмирлигинде жүргөнү маалым болду. Машыктыруучу Кыргызстанды кайрадан көргүсү келип жатканын кыргыз ишкери менен жолукканда айткан.

"Кереметтүү Кыргызстанга барууну чыдамсыздык менен күтүп жатам, ошондой эле көк бөрү оюнун да көрсөк дейбиз", — деп жазган Мендез. 

UFC чемпиону да Instagram баракчасынын сторис бөлүмүнө "Жакында Кыргызстанга барам" деп жазган.

Белгилей кетсек, 2018-жылы Хабиб Нурмагомедов Улуттук олимпиада комитетинин чакыруусу менен өлкөгө келип кеткен. Анда ал КРде ушунчалык атактуу экенине таң калганын билдирген.

121
Белгилер:
Көк бөрү, спортчу, тренер, Хабиб Нурмагомедов, Кыргызстан
Тема боюнча
Миссиямды аткардым. Хабиб кайра октагонго чыгар-чыкпасын айтты