Кол булгалап, ыйлап... Сапар Исаков баштаган аткаминерлердин сотунан видео

17488
(жаңыланган 11:37 07.12.2019)
Бүгүн, 6-декабрда, Свердлов райондук соту Бишкек ТЭЦин модернизациялоодогу коррупцияга шектелип кармалган аткаминерлерге өкүм чыгарды. Айыпталуучулардын төртөө кесилип, төртөө сот залынан бошотулду. Өкүмдү судья Инара Гилязетдинова чыгарды.

Жараянга соттолуучулардын жакын туугандары да келип катышты. Саат 10.00дө башталган сот отуруму кечки саат 20.30дар чамасында бүттү.

Өкүм аткаминерлердин Бишкек ТЭЦин модернизациялоо учурунда ээлеген кызматына карап чыгарылды.

Президенттик аппараттын тышкы саясат бөлүмүнүн жетекчиси Сапар Исаков 15 жылга кесилип, Кыргызстандын ыйгарым укуктуу элчиси дипломатиялык рангы, II даражадагы "Манас" ордени жана башка мамлекеттик сыйлыктарынан ажыратылды.

"Улуттук Энергохолдинг" компаниясынын директору Айбек Калиев 15 жылга соттолуп, "Даңк" медалы жана президенттин Ардак грамотасынан кол жууду.

"Электр станциялары" ишканасынын директору Салайдин Авазов 11 жыл 3 айга эркинен ажыратылды.

Премьер-министр Жантөрө Сатыбалдиев 7,5 жылга кесилип, 3 жыл мамлекеттик жумушта иштөөгө тыюу салынды.

"Электр станциялары" ишканасынын директорунун орун басары Жолдошбек Назаров 2,5 жылга кесилди, бирок тергөө абагында отурган күнү эсептелип, эркиндикке чыкты.

Бишкек ТЭЦин модернизациялоо долбоорунун жетекчиси Темирлан Бримкулов да 2,5 жылга кесилди, бирок тергөө абагында отурган күнү эсептелип, сот залынан бошотулду.

ТЭЦ боюнча сот
© Sputnik / Табылды Кадырбеков
Энергетика жана өнөр жай министри Осмонбек Артыкбаевге 5 миллион сом, ал эми финансы министри Ольга Лавровага болсо 3 миллион сом айып салынып, экөө тең сот залынан бошотулду.

Жогорудагы сегиз айыпкердин баары Бишкек ТЭЦин модернизациялоодо мамлекетке келтирилген 5,44 миллиард сомдук чыгымды төлөөгө милдеттендирилди. Кандай жол менен кимиси канча суммада төлөй турганы айтылган жок, бирок конфискацияланган мүлктөр бул суммага кошулат.

Белгилей кетсек, Исаков, Калиев, Авазов "Коррупция" беренеси, ал эми Сатыбалдиев "Кызмат абалынан кыянаттык менен пайдалануу" беренеси менен соттолду. Алардын жактоочулары жогорку инстанцияга даттана турганын билдиришти.

17488
Белгилер:
ТЭЦ, Бишкек, айыпталуучу, өкүм, сот, Сапар Исаков
Тема:
ТЭЦ боюнча козголгон кылмыш иштер жана кармалгандар (70)
Тема боюнча
Айбек Калиев 15 жылга соттолуп, мүлкү конфискацияланат
Бишкек ТЭЦи боюнча соттун өкүмү чыгып жатат. Онлайн-репортаж. Сүрөт, видео
Сот Сапар Исаковду 15 жылга кести
Жантөрө Сатыбалдиев 7,5 жылга кесилди

Кош болуңуз, Михаил Степанович! Sputnik Кыргызстандын эскерүү видеосу

240
Sputnik Кыргызстандын азыр кабыргасы кайышып турган учуру. Себеби агенттик ачылгандан тарта иштеп келе жаткан Михаил Степанович Рогожин — биздин техникалык директор көз жумду.

Бул кабар баарыбызды селт эттирди, көптөр дагы деле ишенбей турат. Ал эми гана 51 жаштын тамагын иче баштаган. Ар дайым сергек, тамашакөй жана сабырдуу эле. Анын эми бул дүйнөдө жок экендигине ишенбей да кетесиң.

Михаил Степанович кечээ түнү үзүлдү. Эки өпкөсү пневмония болуп, Тез жардам менен ооруканага түшүп, бирок медицинанын алы жетпей калды...

Ал өмүрүнүн акыркы күндөрүнө чейин коомдук ишин таштаган жок. Facebook тармагынын Кыргызстан сегментинде "Черный список" тобун негиздеген. Июлдун башында белгисиз бирөөлөр талкалап кеткен баракчаны кайра жандандырууга аракет кылып жаткан.

Ал сураган нерсеңди айтып бере койгон, жардамын аябаган адам болчу.

Михаил Рогожин бир катар жалпыга маалымдоо каражаттарында эмгектенди. 1990-жылдын орто ченинде Бишкектеги телерадиокомпаниялардын биринде шеф-редактор болгон. Кыргыз-орус славян университетинин эл аралык журналистика кафедрасында студенттерге сабак берген.

Ошондой эле ыр жана прозаларды жазып жүрчү. Сүрөт тартуу менен да алектенчү.

Михаил Степанович кесиптештеринин эсинде чечкиндүү жана адилеттүү жетекчи, кандай маселе болбосун акылга салып чечүү жолун билген адам катары калат.

Sputnik Кыргызстан агенттиги жана радиосунун жамааты Михаил Рогожиндин жакындарына жана туугандарына терең кайгыруу менен көңүл айтат. Аза кайгысын тең бөлүшөт. Биз үчүн оор жоготуу болду.

240
Белгилер:
Sputnik Кыргызстан, Сүрөт, пневмония, оору, эскерүү, Кыргызстан
Тема боюнча
Аялдын сырттаны эле... Бүбүкан Досалиевага жазылган некролог
Sputnik Кыргызстандын техникалык директору Михаил Рогожин дүйнө салды

Чалкасынан кетти. Ханзаада менен сүйлөшүп турган кишинин жыгылган видеосу

730
(жаңыланган 08:31 13.07.2020)
Улуу Британиядагы супермаркеттердин биринде иштеген күзөт кызматынын өкүлү ханзаада Чарльз менен сүйлөшүп жатып, чалкасынан жыгылды.

The Independent гезити бул окуя Бристол шаарында болгондугун жазды. Ханзаада Чарльз менен Камилла Паркер-Боулз Asda ири дүкөнүнүн коронавирус пандемиясы учурда тыным албай иштеген кызматкерлерине ыраазылык билдирүү үчүн келген.

Кызматкер колун аркасына алып, Чарльз менен сүйлөшүп туруп, бир учурда теңселип барып, чалкасынан кеткен.

Жанындагылар ага жардамдашууга ашыкканы менен аны кармаганга үлгүрбүй калышкан.

Анткен менен киши көп өтпөй эсине келип, аны кызматкерлер эки карысынан жөлөп ары жакка жетелеп кеткен.

71 жаштагы ханзаада Чарльз коронавирустан айыкты

Бир нече убакыттан кийин анын кайрадан Чарльз менен сүйлөшүп турганын көрүүгө болот.

Маалыматта бул иш-чара чатырдын алдында өткөндүгүн, анын катышуучулары баары бир аралыкты сактап, бири-биринен оолак тургандыгын көрүүгө болот.

Кызматкердин эмнеге жыгылган себебин гезит жазган эмес.

730
Белгилер:
дүкөн, кызматкер, Чарльз Коган, ханзаада
Тема боюнча
Тыңчы, волонтёр... Ханзаада Уильямдын жашыруун иштеген кызматтары
Тест-системалар. Архивдик сүрөт

Россия гумжардам катары Кыргызстанга 100 миңден ашык тест-система берди

0
(жаңыланган 00:03 14.07.2020)
Саламаттыкты сактоо министрлиги кыргыз өкмөтүнүн атынан Россия Федерациясына жана Роспотребнадзорго ыраазычылык билдирди.

БИШКЕК, 13-июл. — Sputnik. Коронавирус инфекциясына каршы күрөштүн алкагында Россиядан Кыргызстанга гуманитардык жардам келди. Бул туурасында өкмөттүн маалымат кызматы билдирди.

Анда COVID-19ду аныктоочу тест-системалардын бир нече партиясы берилгени айтылат.

"Жалпысынан жардам иретинде 80 720 изилдөө жүргүзүү үчүн 820 ПЦР тест-системасынын комплектиси, 24 000 изилдөө үчүн толук эмес 480 топтом келди", — деп жазылат маалыматта.

Роспотребнадзордун жетекчиси кыргыз медиктеринин кесипкөйлүгүнө баа берди

Саламаттыкты сактоо министрлиги кыргыз өкмөтүнүн атынан Россия Федерациясына жана Керектөөчүлөрдүн укуктарын коргоо чөйрөсүндөгү көзөмөл боюнча федералдык кызматына көмөктөшүүсү үчүн ыраазычылык билдирип, коронавирус менен мындан аркы күрөшүүдө жемиштүү кызматташууга ишеним артты.

0
Белгилер:
аныктоо, тест, гуманитардык жардам, Россия
Тема:
Коронавируска байланыштуу Кыргызстандагы кырдаал
Тема боюнча
Ферганадан Баткенге гуманитардык жардам келди
Кыргызстанга Кытайдан 500 кычкылтек концентратору алып келинди. Сүрөт