Анталия: өзбекстандык киши банк тоноого кирген. Спецназды чуу түшүргөн видео

391
(жаңыланган 11:31 18.12.2019)
Анталиянын Коньяалты районунда эртең менен банктардын бирине белгисиз киши кирип келип, бир нече кызматкерди барымтага алган. Тапанча көтөргөн адам жанында жарылуучу каражаты дагы бар экенин айтып коркуткан.

Куралданган каракчы банкта иштеген кыз-келиндердин баарын сыртка чыгарып, онго жакын эркек кишини туткундап турган. Бул туурасында Sputnik Өзбекстан агенттиги Haberler басылмасына таянуу менен билдирди.

Окуя кечээ, 17-декабрда, болгон. Каракчыны кармоо үчүн райондогу полиция бөлүмдөрү жана атайын даярдыктагы аскерлер тартылган. Тегерек четиндеги көчөлөр тосулган.

Сүйлөшүүлөр жүргүзүлгөндөн кийин каракчы өзү багынып берген. Ал Өзбекстандын 41 жаштагы жараны экени аныкталды. Ал эми элди коркуткан тапанча жөн гана муляж болгону айтылат.

Кийинчерээк Анталиянын губернатору карактоого аракет кылган кишинин банк кызматкерин алдап кеткенин, ушундай жол менен ал элдин көңүл бурдурууну каалаганын билдирген.

Өзбекстан жараны камакка алынып, кылмыш иши козголгон.

391
Белгилер:
каракчылык, полиция, кылмыш, Анталия
Тема боюнча
Банк филиалынын тонолушу. Окуя болгон жердин сүрөтү жана чоо-жайы

20 жылга кесилет! ИИМдин РФтеги өкүлчүлүгү курьер кызматына жамынгандарга кайрылды

66
(жаңыланган 13:37 01.03.2021)
ИИМдин РФтеги өкүлчүлүгү Россиянын аймагында эмгектенип жүргөн мекендештерге билбестиктен мыйзамсыз иштерге кабылып калбас үчүн кыраакы болууга чакырып, ал эми бир катарларына эскертүү берди.

"Россия Федерациясынын аймагында жашап, эмгектенип жаткан мекендештерге кайрылуу. Акыркы күндөрү Россия Федерациясынын аймагында мекендештерибиз "курьер" кызматында иштеп, баңгизатын мыйзамсыз ташууга көмөктөш болуп калган учурлар көп катталууда", — деп айтылат маалыматта.

ИИМ мыйзамсыз иштер адатта Россияда "Телеграмм" жана Hydro сайты аркылуу жүргүзүлүп жатканын билдирген.

"Мыйзамсыз буюмдарды ташууда: буюртма берүүчү тараптын буйругу менен белгиленген жерден мыйзамсыз заттарды алып, белгисиз кабыл алуучуга, тактап айтканда, жашыруун жайларга коюп кетүү болуп саналат. Бул кызмат "Телеграмм" жана Hydro сайты аркылуу жүргүзүлөт.

Ал эми расмий курьерлик кызмат: жумуш берүүчүдөн буюмду алып, белгилүү кабыл алуучуга жеткирип берүү болуп саналат жана бул кызмат тиркеме аркылуу ачык-айкын жүргүзүлөт.

Тилекке каршы, биздин кээ бир мекендештер оңой жана тез аранын ичинде чоң акча табууну көздөп мыйзамсыз заттарды, буюмдарды ташып жатышат", — деп айтылат маалыматтарда.

Өкүлчүлүк курьерлик кызматка жамынып, баңгизатын мыйзамсыз жеткирүү менен алектенген жарандарга да кайрылып, эскертүү берген.

"Бул кооптуу ишти бир же эки жолу аткарып "мени кармаса курьермин деп кутулам же эч ким байкабаса, иштин жагдайларын билбесе кайра аткарсам болот" деген кыска түшүнүктөн алыс болуш керек! Себеби алыста үмүт артып, жол карап күткөн ата-эненин, бир туугандардын көз жашы да жардам бере албайт. Бул кылмыш үчүн Россиянын мыйзамдарында 20 жылга чейинки эркинен ажыратуу жазасы каралган. Мыйзамсыз жана өмүрүңүз үчүн кооптуу ишти жасаардан мурда терең ойлонуңуз, урматтуу мекендеш", — деп айтылат кайрылууда.

ИИМ бул кайрылуунун видео версиясын да жасап тараткан.

66
Белгилер:
баңги зат, ИИМ, Россия, Кыргызстан
Тема боюнча
Абактарга чейин тараткан. Ошто баңгизат саткан аскер кызматкери кармалды

Тегеренип тээп, жыгылганын баса калып... Түндө өткөн UFC турниринин видеосу

166
(жаңыланган 15:59 28.02.2021)
Кечээ Абсолюттук мушкерлер уюмунун кезектеги беттеши өтүп, кеченин башкы беттешинде франциялык Сирил Ган суринамдык Жаирзиньо Розенструйкту утту.

Лас-Вегаста өткөн UFC Fight Night 186 мелдешинин кызыктуу учурлары UFC Russia YouTube каналына жүктөлдү.

Оор салмактагы мушкерлер Ган менен Розенструйк беттештин убактысы бүткүчө кармашып, аягында калыстар жеңишти франциялык спортчуга ыйгарган. Спорт күйөрмандары суринамдык мушкер мурдагыдай нокауттарын көрсөтө алган жок деп сындашкан.

Турнирдин дагы бир маанилүү кармашында россиялык Магомед Анкалаев украиналык Никита Крыловду калыстардын бирдей чечими менен жеңген.

166
Белгилер:
мушкер, видео, беттешүү, турнир, UFC
Тема боюнча
Шевченконун баш оорусу болом. Чемпиондун жаңы атаандашы тууралуу эмне белгилүү
Эсинен тандыра уруп... UFC мелдешинен алынган бир нече учурдун видеосу
Суу өчүрүү. Архив

Эртең Бишкектин айрым жерлеринде суу болбойт

0
(жаңыланган 13:40 01.03.2021)
Суу токтотулган конуштун тургундары, социалдык мекемелердин баары жергиликтүү бийлик өкүлдөрү тарабынан кошумча эскертилери белгиленди.

БИШКЕК, 1-мар. — Sputnik. Эртең Бишкектин бир районунда суу болбойт. Бул тууралуу мэриянын маалымат кызматы билдирди.

Бишкектин "Ак-Босого-1", "Ак-Босого-2" суу тосмолорун оңдоо жана шаардык суу түтүктөрү тармагын жазга карата даярдоонун алкагында айрым көчөлөрдө суу токтойт.

"Эртең, 2-мартта, саат 09:00дөн кечки 18:00гө чейин Ак-Босого конушунда жана райондогу Сары-Челек, Нурек, Андижан жана Бухара көчөлөрүндө ичүүчү суу убактылуу токтотулат. Ошондой эле №81 мектепте, №2 "Алтынай" балдар бакчасында, №14 Үй-бүлөлүк дарыгерлер борборунда, №15 милиция пунктунда жана №16 муниципалдык аймагында убактылуу суу жок болот", — деп айтылат маалыматта.

Конуш тургундары, социалдык мекемелердин баары жергиликтүү бийлик өкүлдөрү тарабынан кошумча эскертилери белгиленди.

Шаар бийлиги ичүүчү сууга байланышкан бардык маселелер боюнча 1533 бирдиктүү маалымат борборуна жана мэрияда үзгүлтүксүз иштеп жаткан 1840, 1850 номерлерине кайрылууга болорун айтты. Ал эми көйгөй боюнча сүрөт, видео материалдарды 0554 182-185 WhatsApp номерине салууга болот.

0
Белгилер:
эскертүү, өчүрүү, оңдоо, суу, Бишкек мэриясы
Тема боюнча
Уурдабагылачы?!. Мэрия шаардыктарга кайрылды