Коктунун ичинде 2500 адам күнү-түнү иштеген. Токтогул ГЭСи кантип курулган?

440
(жаңыланган 10:28 26.12.2019)
Бүгүн өлкөнүн энергетика тармагы 85 жылдыгын белгилөөдө. Буга байланыштуу Sputnik Кыргызстан агенттиги ал тармактын сыймыгы болгон Токтогул ГЭСинин курулушу жөнүндө кызыктуу видеону сунуштайт.

Кыргызстандагы эң ири Токтогул гидроэлектрстанциясы 12 жылда салынып бүткөн. Күн сайын ишке 2500дөй адам чыгып, жумушчулар төрт мезгил күнү-түнү эмгектенген. Анын бийиктиги 215 метр, туурасы 292,5 метр болгон плотинасына эле үч миллион куб метрден ашык бетон жумшалган. Андан сырткары, жумушчулар үчүн атайын шаарча салынып, жыл сайын 30 миллиондой рубль бөлүнгөн (55 миллион доллар). Керектүү жабдуу, техника СССРдин ондогон шаарларынан алып келинип турган.

© Sputnik / Даниил Сулайманов
Ал эми ГЭСтин суу сактагычынын алдында 25тей кыштак, бир кыш завод, бир аэропорт жана миңдеген гектар айдоо аянттары калган. Кылымдын курулушу электр жарыгын гана өндүрүп тим болбостон, коңшу Казакстан менен Өзбекстандын сугат жерлерин суу менен камсыздайт.

Азыр бул стратегиялык объектисиз Кыргызстандын келечегин такыр элестетүү мүмкүн эмес. Андагы суунун абалы өлкөдөгү саясий кырдаалдын туруктуулугуна, митинг-пикеттердин болушуна, жада калса, алыскы айылдагы кожойкенин маанайына чейин таасирин тийгизет. Себеби Токтогул ГЭСинен чыккан жарык Кыргызстандын жалпы электр кубатынын 30 пайызын түзөт.

440
Белгилер:
видео, Токтогул ГЭСи, курулуш, Кыргызстан
Тема боюнча
10 миң сөөк кайра көмүлүп, 25 айыл суу алдында калган. Кыргызстанды электрлештирүү
Өлгөндөрдү көмүүгө чоло жок болчу... Чоң Чүй каналынын көмүскө сырлары

Бишкекте күндүзгү стационарлар бейтаптарды кабыл алып баштады. Видео

204
(жаңыланган 17:46 04.07.2020)
Бүгүн борбор калаанын төрт районунда күндүзгү стационарларды ачуу пландалган. Ага сасык тумоо же пневмонияга кабылгандар кайрыла алат. Ал жерде кеп-кеңеш жана асма укол алса да болот.

Ленин районунда бейтаптарды кабыл алуу башталганын мэриядан билдиришти.

Видеодон биринчи бейтаптар кирип, кезекке туруп калгандыгын көрүүгө болот.

Стационарды даярдоо иштерине куткаруучулар да тартылган. ӨКМдин Бишкек шаары боюнча башкармалыгынын жетекчиси Адилбек Чаргыновдун айтымында, куткаруучулар түнү бою керебеттерди коюп чыккан.

Мэрия 530 орундук коюлгандыгын билдирди. Мындан мурдараак ар бир жайда 200 орун бар экендигин айткан эле.

Күндүзгү стационарлардын дареги:

  • Ленин району – "Газпром" Ден соолукту чыңдоочу комплекси (Жайыл баатыр көч., 66)
  • Биринчи май району – Кожомкул атындагы Спорт сарайынын имараты
  • Свердлов району – Санатбаев атындагы Ден соолукту чыңдоочу комплекс (Чыгыш-5 кичи району)
  • Октябрь району – Чиркөөнүн жанындагы наабайкананын имараты (Түштүк магистраль)

Пневмониядан дарылоо үчүн Бишкекте дагы үч стационар ачылды. Дареги

204
Белгилер:
бейтап, оорукана, Бишкек
Тема:
Коронавируска байланыштуу Кыргызстандагы кырдаал
Тема боюнча
Маалыматты так берип тургула. Жээнбеков министр Абдикаримов менен сүйлөштү
Боронов: Россияда иштеген кыргыз дарыгерлер жардамга даяр, учак менен алып келебиз

Деңиз жээгинде сүрөткө түшөм деп... Колуктунун чөгүп кете жаздаган видеосу

542
(жаңыланган 19:16 03.07.2020)
Калифорниянын түштүгүндө деңиз жээгиндеги фотосессия жасап жаткан колукту аз жерден чөгүп кете жаздады.

ABC News басылмасынын маалыматы боюнча, окуя Американын Лагуна-Бич шаарындагы Treasure Island пляжында болгон.

Үй күйүп жатса, өрт өчүрүүчүлөр сүрөткө түшүп... АКШдагы окуя

Кадрдан жубайлар сүрөткө түшүп жаткан маалда ары жактан катуу толкундун келгенин көрүүгө болот. Андан соң эки-үч киши үлпөт көйнөкчөн колуктуну суунун ичинен көтөрүп жээкке алып чыгып жатканы көрсөтүлөт.

Ал жерде куткаруучулар чакырылганы жазылган. Бактыга жараша, жаш жубайлар жаракат алган эмес.

542
Белгилер:
сууга чөгүү, деңиз, фотосессия, жубайлар
Тема боюнча
Селфи кылам деген төрт киши сууга агып кетти. Индиядагы окуя
Ош эл аралык аэропорту. Архив

Ошко Москва шаарынан 148 кыргызстандык учуп келди

0
(жаңыланган 21:59 04.07.2020)
Келгендердин арасында төрөтү жакындап калган кош бойлуулар жана 2 жашка чейинки жаш баласы бар аялдар бар.

БИШКЕК, 4-июл. — Sputnik. "Ош" эл аралык аэропортуна бүгүн Москва-Ош каттамы менен 148 кыргызстандык жаран кайтып келди. Бул тууралуу Республикалык штабдан кабарлашты.

Алар "Авиатраффик Компани" авиакомпаниясынын чартердик рейси менен келип түштү.

"Келгендер төрөтү жакындап калган кош бойлуулар жана 2 жашка чейинки жаш баласы бар аялдар. Андан сырткары оор илдети бар жана жакын туугандары каза болгондугунан улам мекенине чукул түрдө кайтышы зарыл болгон жарандар", — деп айтылган маалыматта.

Бүгүн Түркиядан 237 кыргызстандык мекенине алып келинди

Кыргызстанга келүүнү каалаган жарандардын саны көп болгондугуна байланыштуу, бул каттамдагы жүргүнчүлөрдүн тизмеси кыргыз диаспорасынын өкүлдөрүнөн, Москванын Кыргыз медициналык клиникасынан жана Россиядагы Кыргызстандын элчилигинин кызматкерлеринен турган комиссия тарабынан түзүлгөн.

Маалыматта чет мамлекеттерде жүргөн Кыргызстандын жарандарын мекенине кайтарууну уюштуруу иштери улантылары айтылган.

Өлкө аймагындагы соңку кабарлар менен биздин Telegram-каналдан таанышып туруңуз.

0
Белгилер:
пандемия, коронавирус, Россия, Кыргызстан
Тема боюнча
ТИМ Кытайдан келе албай жаткан кыргызстандыктар боюнча үн катты
Боронов: Россияда иштеген кыргыз дарыгерлер жардамга даяр, учак менен алып келебиз