Алматыдагы авиакырсык: аял баласын кармаган бойдон жатыптыр. Полициянын видеосу

29811
(жаңыланган 18:29 28.12.2019)
Кулаган учактан ымыркайды куткарган полиция кызматкери окуянын кандай болгонун, энеси кандай абалда жатканын айтып берди.

Алматынын Жол кайгуул кызматынын ага лейтенанты Жаксылык Султановдун баланы көтөрүп бара жаткан сүрөтү социалдык тармакка тарап кетип, интернет колдонуучулар аны каарман, баатыр деп ыраазылыгын жазышкан.

..."Буран 292" экипажы аба лайнери кулаган райондо түнү менен нөөмөттө жүрүп, 27-декабрда саат 8:00дө өткөрүп бермек эле. Райондун борборун көздөй бара жатып учактын кулаганы боюнча кабар уккан. Көрсө, полиция кызматкерлери кырсык болгон жерден эң көп дегенде 2 чакырым аралыкта жүрүшкөн.

"Билдирүү түшүп, окуя болгон жерге бара жатканда толук маалыматыбыз жок эле. Баргандан кийин шок болдук. Куткаруучулар, полиция жана Тез жардам ызы-чуу болуп иштеп жатыптыр", — деди Жаксылык Султанов.

Видео YouTube каналына жайгаштырылган.

Анын айтымына караганда, кулаган лайнердин айланасында кийимдер, буюмдар чачылып жатканын көрүүгө болот эле. Дарыгерлер менен куткаруучулар салондон жүргүнчүлөрдү чыгарып жаткан. Кымгуут учурда жетекчилердин бири, дагы эки кызматкерге кырсык болгон имараттын тегерегин текшерип чыгууну айткан.

"Чачылып жаткан жүктөрдүн арасында жаткан аялды көрдүм. Жакындап барып абалын сурасам, жооп бере алган жок. Ич жагында ак күрмө жатыптыр. Аны үстүнөн алайын деп көтөрө салсам бала экен, ыйлап жиберди. Энеси турганга аракет кылды. Абайлап карасам, буту сынып кетиптир. Кыймылдабай жата туруңуз дедим. Ымыркайынан кам санабашын, бөбөктү Тез жардамдын дарыгерлеринин колуна береримди айттым. Сүйлөгөнгө жараган жок, болгону жооп катары көзүн ирмеди", — деп айтып берди Жаксылык.

Полиция кызматкери мындай көрүнүшкө даяр эместиги жана алгач коркуп кеткендигин жашырган жок.

"Ооба, коркуп кеттим. Анан үйдө калган бир жашар кызым дароо эсиме түшүп кетти. Баатыр дейсизби? Жок. Баатыр, каарман деп акырына чейин баласын коргогон энени айтыш керек. Ошонусу менен ымыркайынын өмүрүн сактап калды", — деди Султанов.

Анын баланы көтөрүп бара жаткан сүрөтү социалдык тармакка тарап кетип, интернет колдонуучулар аны "каарман", "баатыр" деп ыраазылыгын жаза башташкан.

Полиция кызматкери мындай пикирлерге салкын кандуулук менен бул жумушу экенин айтып, жооп узатты.

Алматыдагы авиакырсыктын чоо-жайы

 Алматыдагы авиакырсык
© Фото / Пресс-служба Международного аэропорта Алма-Аты
27-декабрь күнү Алматы шаарынан Нур-Султанды көздөй багыт алган учак абага көтөрүлгөндөн кийин эки кабаттуу бетон курулушту сүзүп кырсыктаган. Анын кесепетинен 12 киши каза тапты, арасында экипаждын командири да бар.

Буга чейин КР президенти Сооронбай Жээнбеков адам өмүрүн алган каргашага байланыштуу Казакстандын өлкө башчысы Касым-Жомарт Токаевге көңүл айткан телеграмма жолдогону маалым.

Ал эми бүгүн, 28-декабрда, Казакстанда аза күтүү күнү.

29811
Белгилер:
полиция, куткаруу, эне, ымыркай, авиакырсык, Алматы, Казакстан
Тема:
Алматыда жүргүнчүлөрдү ташып бараткан учак кулады (26)
Тема боюнча
Балдар чыңырып ыйлап... Алматыдагы авиакырсыктан аман калган Асландын баяны
Сабыр Жумабеков авиакырсыктан жабыркагандарга операция жасоо үчүн Алматыга кетти
Алматыдагы авиакырсыктан каза болгондордун жакындарына 4 млн. теңге берилет
Алматыдагы авиакырсыктан жаракат алган кыргызстандыктын абалы айтылды

"Спутник V". Россиялык вакцинага 20 өлкө кызыгууда. Видео

120
(жаңыланган 09:57 13.08.2020)
Владимир Путин дүйнөдө коронавирустун алгачкы вакцинасы катталгандыгын жарыялады. Препарат Россиянын Коргоо министрлиги менен Гамалея атындагы илим-изилдөө борбору тарабынан иштелип чыгып, "Спутник V" деген аталышка ээ болду.

Вакцина каалоочуларга жасалып, сыноодон ийгиликтүү өттү. Тестирлөөнүн катышуучулары белгилегендей, алар вакцина сайдыргандан кийин өздөрүн жакшы сезип, эч кандай терс реакция байкалган эмес.

Медиктердин айтымында, катышуучуларда COVID-19га иммунитет иштелип чыккан жана препараттын коопсуз экендиги тастыкталган. Мындан тышкары, Россиядан чыккан жаңы дарыга дүйнөнүн көп өлкөлөрү кызыгып, азыр тестирлөө мүмкүнчүлүктөрү жана аны башка мамлекеттерде өндүрүү иштери сүйлөшүлүүдө.

Каттоодон өткөн россиялык вакцина жапырт колдонууга качан чыгары айтылды

Россиянын Коргоо министрлиги менен Гамалея атындагы илимий борбордун биргелешкен ишинен тышкары, вакцина чыгаруу менен россиялык дагы эки компания — Новосибирскидеги "Вектор" вирусология жана биотехника мамлекеттик борбору менен Санкт-Петербургдагы вакцина илим-изилдөө институту алектенип жатат.

Россиялыктарды жапырт эмдөө үчүн препараттардын алгачкы партиясы августтун ортосунда пайда болору күтүлүүдө.

120
Белгилер:
Россия, коронавирус, Владимир Путин, вакцина
Тема:
Дүйнөгө жайылган коронавирус
Тема боюнча
Путин COVID-19га каршы россиялык алгачкы вакцина каттоодон өткөнүн кабарлады
Каттоодон өткөн россиялык вакцина жапырт колдонууга качан чыгары айтылды

Бир айдан бери түтөп жатат! Бишкекте карьердеги өрт кантип өчүрүлүүдө. Видео

156
Дээрлик бир айдан бери калаанын түштүк тарабындагы быкшыган карьер өчүрүлбөй жатат. Күйүктүн жыты шаардын түштүк тарабын каптоодо. Sputnik Кыргызстандын кабарчылары жерине барып, шаар бийлиги көйгөйдү кантип чечип жатканын көрүп келди.

Бул көйгөйдү биринчилерден болуп шаар тургундары айтып чыкты. Алардын бири Михаил Дудиндин билдиргенине караганда, сасык жыттан улам айнекти ачып уктоого мүмкүн болбой калган.

"Түн ортосунда киши чыдагыс жыттан улам ойгондум. Ошондон кийин бир нече күн айнектерди ачкан жокпуз. Өрт өчүрүүчүлөр келип, суу чачып кетишет. Бирок бир нече саттан кийин таштанды кайра күйө баштайт", — деди Бишкек тургуну.

Баса, карьер көптөн бери иштетилбей калган. 1990-жылдардын аягында бул жерден топурак алышчу. Кийин, шаардыктардын айтымында, карьерге кайрадан топурак төгүлчү, ал эми өткөн жылдын жайынан бери таштанды ыргытылып жатат. 2020-жылдын жазынан тарта таштандыларды тобу менен алып келип төгө башташкан.

Караңгыдагы алоолонгон жалын. Бишкектеги өрттүн асмандан тартылган видеосу

Отту өчүрүү үчүн кескин чаралар көрүлө баштаганын Октябрь районунун акиминин орун басары Таалайбек Акматбаев айтат.

"Азыр жеринде бульдозер иштеп, таштандыларды көтөрүп жатат. Биз анын алдындагы оттун тутанган жерин табышыбыз керек", — деди ал.

Орун басардын айтымында, жергиликтүү бийлик органдары таштанды ыргыткан адамдарга бир нече жолу айып пул салышкан. Бирок шаардыктар көнгөн адатын токтотушкан эмес.

156
Белгилер:
өрт, таштанды, карьера, Бишкек
Тема боюнча
Бишкектин 11-кичи районундагы быкшыган түтүн токтой элек. Видео
Кыргызстандын жаранынын паспорту жана акча. Архив

Кыргызстанда ID-картанын баасы кымбаттайт. Себеби

0
2017-жылдан бери Мамкаттоо кызматы жарандарга атайын чип орнотулган паспорт берип келет. Чипте жарандын фамилиясы, аты, атасынын аты, жеке номери, туулган жылы, дареги, үй-бүлөлүк абалы, улуту, сүрөтү жана электрондук кол тамгасы камтылган.

БИШКЕК, 13-авг. — Sputnik. Ушул жылдын 17-августунан тарта 2017-жылкы үлгүдөгү ID-картанын баасы кымбаттайт. Бул тууралуу Мамлекеттик каттоо кызматынан билдиришти.

Баанын жогорулашына акысыз бланктардын чыгарылбай калганы себеп болду.

Белгилей кетсек, 2017-жылдан бери Мамлекетти каттоо кызматы жарандарга атайын чип орнотулган паспорт берип келет. Чипте жарандын фамилиясы, аты, атасынын аты, жеке номери, туулган жылы, дареги, үй-бүлөлүк абалы, улуту, сүрөтү жана электрондук кол тамгасы камтылган.

"Буга чейин Кореянын Эл аралык кызматташтык агенттиги (KOICA) грант иретинде 1,9 миллион даана бланк берген. Келишим боюнча келерки бланктарды акы төлөп алышыбыз керек. Бир бланктын баасы 206 сом", — деп айтылат билдирүүдө.

Калкты тейлөө борборуна эми телефон аркылуу кезекке туруп коюуга болот

Мындан улам алгачкы жолу паспорт алып жаткан жаран 470 сом (206 сом бланк, 241 сом персонификациялоо, 23 сом банк кызматтарына) төлөшү керек. Ал эми биринчи жолу шашылыш түрдө алып жаткандар 1260 сом (206 сом бланк, 516 сом персонификациялоо, 518 шашылыш түрдө документ даярдоо, 20 сом банк кыматтарына) бериши зарыл. Бул документ 8 күн ичинде даярдалат.

0
Белгилер:
баа, паспорт, Кыргызстан
Тема боюнча
Жоголгон айдоочулук күбөлүк менен номерди кайра алуунун шарттары өзгөрдү