Сооронбай Жээнбековдун жаңы жылдык куттуктоосу. Видео

326
(жаңыланган 01:47 01.01.2020)
Президент Сооронбай Жээнбеков жаңы жылдын босогосун аттап жатып жалпы кыргызстандыктарды куттуктады. Ошондой эле ал узап бараткан жылда өлкөдө бир катар алгылыктуу иштер аткарылып, Бишкек дүйнөлүк маанидеги иш-чаралардын борбору болгонун белгиледи.

Мамлекет башчы эки жыл бою аймактарга астейдил көңүл бурулганын эскертти.

"Айыл турмушундагы өзгөрүүлөрдү элеттиктер сезгенде гана максатыбызга жеттик десек болот. Ошондуктан бул багыттагы иштер 2020-жылы да уланат. 2019-жылы калкка кызмат көрсөткөн бардык мамлекеттик органдарды санариптештирүү башталды. Кемчиликтер дагы да арбын, бирок биз алган жолубуздан кайтпайбыз. Анын негизги максаты - коррупцияны азайтуу, жаңы технологияларды колдонуу менен элдин турмушуна ыңгайлуу шарттарды түзүү. Өтүп бараткан жылы кыйынчылыктарды чогуу жеңип, өлкөнү өнүктүрүү үчүн бирге аракет кылдык. Сиздердин ар бириңиздерге ыраазычылык билдирем", — деди Жээнбеков.

Президент жаңырган жыл акжолтой болуп, "жергебизде тынччылык, коомубузда ынтымак орноп, Жараткан өзү колдоп, сүйүктүү Кыргызстаныбыз өнүгүп-өссүн, жаңы жылыңыздар менен!", - деп сөзүн жыйынтыктады.

326
Белгилер:
майрам, куттуктоо, Жаңы жыл, Кыргызстан, Сооронбай Жээнбеков
Тема боюнча
Москвадагы ГУМда Кыргызстандын жаңы жылдык жаңылыктар күнү башталды
Сооронбай Жээнбеков майрам күнү өлкөнүн биринчи адамдары менен жолукту