Видео YouTube каналына жарыяланып, Австралияда тартылганы жазылды.
Мойнун созуп, бакырайган көздөрү менен кожоюнун тиктеп, кыймылдабай турган альпака (ламага окшош жаныбар) анын кооздоп жатканына макулдук бергендей сезим калтырат.
Кыркылган жүндөрү кадыресе өсүп калган бул жаныбар алгач гирлянддарды жыттап көрүп жатат. Андан соң бугу алтын жана күмүш түстүү жасалма мүйүздөрүн тандаган сымал бир нече ирмемдерге чейин кыймылсыз карап турат. Кожоюну аны менен кадимкидей сүйлөшүп, акыры алтын өңдүү мүйүздү тагып, кылган ишине канааттана жаныбардын тумшугун "чоп" эттирип өөп койгонун көрүүгө болот.
Альпака – ача туяктуу жаныбар. Анын жүнүнөн жылуу кийимдерди, жууркан-төшөктөрдү жасашат.
