Куйкаланган жаныбарлар, сел сымал жалын. Австралиядагы өрттүн видеосу

2224
(жаңыланган 20:05 07.01.2020)
Күздөн бери токтобой күйүп жаткан Австралия токойлорун байырлаган 500 миллион жандык кырылды. Экологдор мунун кесепетинен жаныбарлардын айрым түрлөрү такыр жоголуп кетерин айтып кооптонууда.

РИА Новости Австралиядагы өрт учурунан тартылган кадрларды жарыялады. Маалыматта коала жаныбарлары көп кырылып жатканы айтылат. Кээ бир жарандар аларды коопсуз жайга алып кетүүгө аракет кылууда.

Адатта элден окчун жүргөн жаныбарлар өрттөн улам адамдарга жакындап келип, алардан жардам сурагансып жатканын айтышууда.

2019-жылдын сентябрь айында тутанган өрт беш миллион гектардан ашуун жерди жалмап, калк жашаган миңден ашуун турак жай күйгөн. Күндүн ысыгы жана шамалдын ыргагы өрттү ого бетер күчөтүп жатат. Соңку маалымат боюнча, тилсиз жоонун кесепетинен 25 адам каза болгон. Мындан сырткары, дайынсыз жоголгондор, жаракат алгандар да бар.

Токойдогу өрттөн чыккан түтүн ондогон шаарды чулгады. Мельбурн шаарынын тургуну Энтони Кеннеди парк аралап бир саат жүрүү 10-15 тамеки чеккен менен барабар болуп жатканын айткан.

Тилсиз жоонун мизин кайтаруу үчүн авиациянын жана аскер-деңиз күчтөрүнүн кемеси да тартылган.

2224
Белгилер:
өчүрүү, жаныбарлар, өрт, токой, Австралия
Тема боюнча
Балдар чыңырып ыйлап... Алматыдагы авиакырсыктан аман калган Асландын баяны

Жалал-Абад: эки киши дарыкананы тоногон учур видеого түшүп калган

104
(жаңыланган 22:54 26.01.2021)
Милициянын маалыматына караганда, дарыканага кирген кишилер кассадан 10,3 миң сом алып кетишкен. Ошондой эле сатуучунун сумкасынан 500 сом жана саатын алышкан.

Жалал-Абад ОИИБнин маалыматына караганда, аталган факты боюнча КР Жазык кодексинин 202-беренесине (“Каракчылык”) ылайык сотко чейинки өндүрүш ачылды.

Шектүү катары ошол эле шаардын 2000-жылы туулган эки жараны кармалды. Маалыматка караганда, алардын жанынан уурдалган нерселер табылып, эки айга камакка алынган.

Шектүүлөрдүн башка кылмыштарга тиешеси бары-жогу текшерилип жатат.

104
Белгилер:
уурулук, дарыкана, Жалал-Абад
Тема боюнча
Бишкекте кылмыштуу топтун "Карышкыр" каймана аты бар мүчөсү кармалды
Бишкекте каракчылыкка шектүү кармалып, үйүнөн курал табылды. Видео

Жетекчиси хан сарайлардын ээси. 4 ай маяна албаган жолчулар митингге чыкты. Видео

590
(жаңыланган 18:32 26.01.2021)
Төрт-беш айдан бери маяна ала албай жүргөн жолчулар Транспорт жана жолдор министрлигинин алдына митингге чыгышты. Алар суроо-талабын жетекчиликке жеткирүү үчүн ар кайсы облустан чогулуп келишкен.

Жолчулар сентябрдан бери айлык толук төлөнбөй 2000-3000 сомдон гана берилип жатканына нааразы. Маселени аймактагы жетекчилер чече албагандыктан министрликке келүүгө аргасыз болгонун айтышты.

Нарындын Ат-Башы районунда жол тазалап иштеген Жаңыбай Кенжебаев декабрдан бери айлыгын ала элек.

"Контордо иштегендер бизден мурда, ай сайын өз убагында алат. Алар жайкысын көлөкөдө, кышкысын жылуу кеңседе отурушат. Ал эми биз аба ырайынын ысык-суугуна карабай иштейбиз. Анан калса минтип маянабызды кечиктирип, аз-аздан берип коюп кыйнап жатышат. Акыры айлабыз кеткенде ушул жерге келдик. Мугалим, медик, милиционерлердин айлыгы көтөрүлдү, бирок негизги жумушту аткарган жолчулардыкы жогорулаган жок", — деди Кенжебаев.

Дагы бир жолчу Мырзабек Данияров күн жааганда түнкү саат 4:00дө эле жумушка чыгарын, кээде эки суткалап жолго кум чачып, күнү-түнү тазалап турушарын айтат.

Ал эми Нарын шаарында иштеген Жаныбек Асаналиев төрт айдан бери маяна ала элегин айтты.

"Ай сайын 2000, 3000, 5000 сомдон берип коёт. Эмгек өргүүгө чыккандар ага төлөнчү акчасын ала элек. Мына январь бүтүп калды. Сентябрь, октябрь, ноябрь, декабрь - төрт ай болуп жатат. Ошол төрт айдан бери айлык ала элекпиз", — деди Асаналиев.

Чогулгандардын алдына Жол чарба департаментинин директорунун орун басары Жумаш Сооданбаев чыкты. Ал январдын айлыгы толук төлөнөрүн, ал эми февралда мурдагы карыздары кошулуп берилерин убадалады. Маянанын кечигүүсүн пандемияда министрликтин бюджети кыскартылганы менен түшүндүрдү.

Ал арада УКМК Жол чарба департаментинин директору Шабданбек Иманкуловду "мыйзамсыз байыган" деп кармады. Аткаминер төрт хан сарайга, Бишкектен 20 батирге, кымбат баалуу автоунааларга жана көптөгөн бодо малга ээлик кылары айтылды.

590
Белгилер:
кечигүү, төлөө, маяна, Жол чарба департаменти
Тема боюнча
Иш таштаган маршрутка айдоочулары. Үч компанияга эскертүү берилди
Бишкектеги маршрутка айдоочулары күнүнө канча акча табат? Видео
13 млн. сом коромжу болгон. Шектүү катары Эсеп палатасынын инспектору кармалды
Рейхстагдын байкоо жеринде кишилер. Архив

Германия Кыргызстандын карызын кечет, бирок бир шарты бар 

0
(жаңыланган 00:11 27.01.2021)
Өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия макулдугун берди.

БИШКЕК, 26-янв. — Sputnik. Германия Кыргызстанга 14,9 миллион евро өлчөмүндөгү карызын кечүүгө даяр. Болгону Кыргызстан ал каражатты ипотекалык кредитке жумшашы керек. Бул тууралуу журналисттерге Финансы министрлигинин Мамлекеттик карыздар башкармалыгынын жетекчиси Руслан Татиков билдирди.

Анын айтымында, өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия буга макул болду.

Руководитель Управления государственным долгом при Министерстве финансов Руслан Татиков во время беседы на радио
© Sputnik / Асель Сыдыкова
Финансы министрлигинин Мамлекеттик карыздар башкармалыгынын жетекчиси Руслан Татиков
"Жалгыз Германия карызды жоюу боюнча макулдугун берди. Документке кол коюла элек, бирок сүйлөшүүлөр болду”, — деди Татиков.

Ал кошумчалагандай, бул каражат эми Мамлекеттик ипотекалык компанияга жумшалат деп күтүлүп жатат.

0
Белгилер:
Руслан Татиков, Тышкы карыз, Германия, Кыргызстан
Тема боюнча
Кыргызстан карыз төлөөнүн эң жогорку чегине качан жетет? Расмий жооп