Ургаачы арстандардын чабуулунан тепкиленип коргонгон акыранын видеосу чыкты

460
Видео Түштүк Африка Республикасынын улуттук паркы Крюгерден тартып алынган. Кол салган жырткычтарга акыра айбат көрсөтүп коргонгон.

"Ургаачы арстандар бир нече саат бою биринен сала бири акыраны коркутуу менен аны алсыратууну көздөп, асыла беришкен. Улам барып эс алып келишип, кайра кол салып, шайын кетирди", — деп айтып беришкен окуянын күбөлөрү.

Туристтер "каршылашуунун" акыры эмне менен бүткөнүн көргөн эмес. Видео авторунун баяндоосунда, акырага сегиз жырткыч кол салган. Алар акыраны күн баткыча чарчатып, анан максатына жетүүнү көздөгөн. Арстандардын түнкү көрүүсү акыранын тепкилегенинен буйтоого пайда бермек.

460
Белгилер:
турист, акыра, арстан, Түштүк Африка Республикасы
Тема боюнча
Май куюучу жайга келген каман чаң-тополоң салды. Индиядагы окуянын видеосу
Саякатчы Талант Аземов: африкалыктар менен достошуунун өзүнчө ыкмасын таап алдым
Ажатканага кирген аял жыландын курмандыгы болуп кала жаздады. Сүрөт

Эне жүрөгүн элжиреткен "Шумкарлар". Аскерлер айымдарга белек беришти. Видео

75
Ички иштер министрлигинин "Шумкар" атайын багыттагы полкунун аскерлери энелерин жана көчөдөн өтүп бараткан айымдарды куттуктады.

8-март — Аялдардын эл аралык майрамын утурлай жоокерлер өз апаларын, эжелерин айттырбай барып куттуктап, кубантышкан.

Энелердин жүрөгү элжиреп "силер бактылуу болсоңор, мен бактылуумун" деп алкап жатканын көрүүгө болот. Ал эми көчөдө баратып аскерлердин колунан гүл, открытка алган айымдар көңүлү көтөрүлүп рахматын айтышты.

"Жаздын алгачкы күнү менен келген бул майрамда сиздерге бакыт-таалай, бекем ден соолук, узун өмүр каалайбыз. Бар болуңуздар, кымбаттуу, нур жүздүү, ай-чырайлуу айымдар!" — деп жазылган маалымат кызматы тараткан билдирүүдө.

Видео Ички иштер министрлигинин YouTube каналына жайгаштырылган.

75
Белгилер:
майрам, куттуктоо, айым, эне, Аскер
Тема боюнча
Инспекторлор айдоочу айымдарды ыр окуп, шоколад тартуулап куттуктады. Сүрөт
Кыргызстандык кыздардын көбү канча жашында турмушка чыгат. Статистика

Марипов карылар үйүндөгү энелерди көрүп, көзүнө жаш алды. Видео

4707
(жаңыланган 17:30 08.03.2021)
Премьер-министр Улукбек Марипов 8-март — Аялдардын эл аралык күнүндө Бишкектеги улгайган жана ден соолугунан мүмкүнчүлүгү чектелгендер жашаган социалдык мекемеге барды.

Өкмөт башчы мекемеде жашаган аялдарды жаз майрамы менен куттуктап, аларга бекем ден соолук, бакыт, жаркын маанай жана күч-кубат каалады. Видеодон ал сүйлөп жатып көзүнө жаш алганын дагы байкоого болот.

"Бул сапар мага аябай көп эмоция берди. Ата-энелер өз балдарынан ушундай мамиле көрүүгө татыктуу эмес", — деп жазган Марипов.

Ошондой эле ал карылар үйүндөгү энелер жалгыз эмес экенин айтып, алар баарыбыздын ата-энебиз катары камкордукка алынарын белгилеген.

"Мен балдар жана карылар үйүнүн жок болушун чын жүрөктөн каалайт элем. Балдар жана улгайган адамдар үй-бүлөдө, сүйүү жана камкордукка бөлөнүп жашашы керек. Биз өсүп келе жаткан муунду улууларга, ата-энесине урмат көрсөтүүгө тарбиялашыбыз керек. Биз сиздердин жашоону жакшыртуу үчүн иштөөгө тийишпиз", — деди өкмөт башчы.

Андан соң премьер-министр боорукердик бөлүмүндөгү саламаттыгынан абалы начар жарандардан кабар алып, ал-жайын сураган.

Ведомство тарабынан скандинавиялык таяктар менен камсыздоо өтүнүчү айтылып, Марипов алып берүүнү убадалаган.

4707
Белгилер:
куттуктоо, Карылар үйү, өкмөт, Улукбек Марипов
Тема боюнча
Кыйындыкта бел болуудан тайбадыңар! Марипов аялзатын ыр окуп куттуктады. Видео
Кыргыз аялы үй-бүлө ынтымагынын кам көрүүчүсү. Жапаровдун куттуктоосу
Бишкек шаары. Архив

Шейшембиге карата аба ырайы

0
9-мартка караган түнү кээ бир райондордо жаан, тоолуу райондордо кар жаашы ыктымал. Ош, Жалал-Абад, Баткен облустарында күн ачык болот.

БИШКЕК, 8-мар. — Sputnik. Шейшемби, 9-март күнү, өлкө аймагында жаан-чачын күтүлбөйт. Бул тууралуу Кыргызгидромет кабарлады.

Маалыматка ылайык, батыштан соккон шамалдын ылдамдыгы секундасына 4-9 метрге жетет.

Абанын температурасы Чүй, Талас өрөөндөрүндө +12...+17, Ош, Жалал-Абад, Баткен облустарында +14...+19, Ысык-Көл жергесинде +6...+11, ал эми Нарын аймагында +4...+9 градус болору айтылды.

Күндүн табы Бишкек шаарында +15...+17 жана Ош калаасында +16...+18 градуска чейин көтөрүлөт.

0
Белгилер:
аба ырайы, Кыргызстан
Тема боюнча
Күн жылып, кайра муздайт. Бир жумага карата аба ырайы