Макрон менен Меркель сүрөткө түшөрдө Путинди "таппай" калышты. Видео

2110
Франциянын президенти Эммануэль Макрон менен Германиянын канцлери Ангела Меркель сүрөткө түшүү аземинде Россиянын лидери Владимир Путинди "таппай" калышты.

Окуя Берлин шаарындагы Ливия маселеси боюнча мамлекет башчыларынын саммитинде болгон. Видео Sputnik Франция агенттигинин YouTube каналына жарыяланды.

Меркель менен Макрон саммиттин башка катышуучулары менен протоколдук сүрөткө түшүүгө даярданып жатышкан. Алар кесиптештеринин арасынан Путинди таппай издеп калышканын байкоого болот. Ал арада канцлер БУУнун башкы катчысы Антониу Гутерриштен Россиянын президенти кайда экенин сураган. Себеби Путин Меркелдин жанында турушу керек болчу.

РФ лидери бир нече секундага кечигип келген. Макрон аны менен учурашып тосуп алса, Меркель кайда турушу керектигин көрсөткөн.

Саммиттин жыйынтыгы менен Ливиядагы гуманитардык көйгөйлөрдү чечүү боюнча документтер кабыл алынды. Катышуучулар өлкөнүн ички иштерине кийлигишпөө ниетин билдиришти. Ошондой эле алар тараптардын чыр-чатагына колдоо көрсөтпөө тууралуу макулдашышкан.

Саммитке Россия, Франция, Германия, Египет, Улуу Британия, Түркия мамлекеттеринин лидерлери жана Еврокомиссия менен эл аралык уюмдардын жетекчилери катышты.

2110
Белгилер:
Сүрөт, саммит, Эммануэль Макрон, Ангела Меркель, Владимир Путин, Ливия, Берлин
Тема боюнча
Путин тарыхты бурмалагандардын жаагын жап кылууну убадалады. Видео
Путин: башка өлкөлөр курал-жарак жагынан Россияны кууп жетиши керек

Минск: ОМОН жоокерлери менен митингчилердин кагылышкан учуру. Видео

365
(жаңыланган 03:04 10.08.2020)
Нааразычылык акциясы президенттик шайлоо аяктаары менен башталган. Шайлоонун алдын ала жыйынтыктарына нааразы болгон жүздөгөн адамдар Минск шаарынын борборун көздөй агылган. Аларга ОМОН отрядынын жоокерлери каршы турууда.

Эки тараптын кагылышуусунун видеосу Белоруссиянын TUT.BY. порталына жарыяланды.

Митингге чыккандарды таратуу үчүн милиция көздөн жаш чыгаруучу газ жана кулак тундуруучу гранаталарды колдонушкан.

Минскидеги акциянын катышуучуларын кууп таратышууда, жабыркагандар бар. Видео

Милиция кызматкерлери агылган митингчилердин жоон тобунан бир нече жолу артка кетенчиктешкен.

Эске салсак, Борбордук шайлоо комиссиясы президенттик шайлоонун алдын ала жыйынтыгын чыгарган. Азыркы мамлекет башчы добуштардын 82 пайызын алгандыгы айтылган. Дагы бир талапкер Светлана Тихановская сегиз пайыз алган.

365
Белгилер:
видео, митинг, президенттик шайлоо, Минск, Белоруссия
Тема боюнча
Президенттик шайлоодон соң Минскидеги акциянын катышуучуларын кууп таратуу. Баяндама

Тоголото чаап, эсин оодарып... UFC Vegas 6 беттешиндеги сестенткен учурлардын видеосу

181
(жаңыланган 23:23 09.08.2020)
Бүгүн таңда АКШнын Лас-Вегас шаарында UFC уюмунун Vegas 6 мелдеши жыйынтыкталды. Мелдештеги башкы кармаш оор салмактагы мушкерлер АКШлык Деррик Льюис менен россиялык Алексей Олейниктин беттеши болду.

Мындан сырткары, бири экинчисин жыга коюп, аеосуз сабаган жана катардагы карддардагы беттештер өттү.

Мелдештин урунттуу учурларынан видео тасманы UFC Russia уюму өзүнүн Youtube каналына жарыялады.

Тепкилей берип жанын көзүнө көргөздү. ММА мушкерлеринин беттешинин видеосу

Мелдештин башкы беттешинде оор салмактагы мушкер (120 килограмм) Деррик Льюис Удав каймана аты менен таанымал россиялык Алексей Олейникти экинчи раундда нокаутка кетирип, жеңип алды.

181
Белгилер:
нокаут, мелдеш, UFC
Тема боюнча
UFC: бирин-бири аябай... Жарым жеңил салмактагы дивизиончулар беттешкен видео
Аэропорттогу учак. Архивдик сүрөт

Эл аралык каттамдар жанданууда. Эми кыргызстандыктар сыртка чыга алабы?

0
(жаңыланган 13:48 10.08.2020)
Эске салсак, 11-март күнү Дүйнөлүк саламаттык сактоо уюму коронавирус боюнча пандемия жарыялап, көп өтпөй Кыргызстан чек арасын жаап, каттамдар токтогон.

БИШКЕК, 10-авг. — Sputnik. Эл аралык аба каттамдары жандана баштаганына байланыштуу өкмөт кыргызстандыктардын чек арадан чыгуусуна уруксат берген буйрукту иштеп чыгууда. Бул тууралуу брифинг учурунда Жарандык авиация агенттигинин директору Курманбек Акышев айтты.

Ага модератор учурда кыргыз жарандары кандай негизде сыртка чыга алат деген суроо берген.

Кыргызстандан Россияга кетчү каттамдар. Күнү жана шарты

Акышевдин айтымында, ушул тапта Кыргызстандын жарандыгы бар адамдарга сыртка чыгууга уруксат берген документ жок.

"20-марттан тарта өкмөттүн чечими менен мамлекеттик чек ара жабылган. Демек, биздин жарандар сыртка чыга албайт. Эми каттамдар жандана баштаганына байланыштуу өкмөт ал чечимине өзгөрүүлөрдү киргизип жатат. Жакында даяр болот", — деди Акышев.

Эске салсак, 11-март күнү Дүйнөлүк саламаттык сактоо уюму коронавирус боюнча пандемия жарыялап, көп өтпөй Кыргызстан чек арасын жаап, каттамдар токтогон. Андан бери Кыргызстанга чертердик, жүк ташуучу жана гуманитардык рейстер гана каттап жатат.

Ал эми сыртка дипломаттар, мамлекеттик делегация жана чет элдик үй-бүлө мүчөсү бар айрым кишилер гана чыгарылып жаткан.

0
Белгилер:
укук, жаран, чек ара, Кыргызстан
Тема боюнча
Кыргызстан Түркия менен туруктуу аба каттамдарын жандантты
Дубай — Бишкек — Дубай каттамы жума сайын уча баштайт