АКШнын пилотсуз учкан жаңы аппараты сыноо учурунда талкаланып калды. Видео

418
(жаңыланган 12:05 20.01.2020)
Аппарат АКШнын Коргонуу министрлигинин Артыкчылыктуу изилдөө долбоорлору боюнча башкармалыгынын буйругу менен жасалган.

АКШнын X-61A Gremlin үлгүсүндөгү турбореактивдүү кыймылдаткычы менен учкучу жок учуучу аппараты конуп жатып жарылып кетти. Бул тууралуу Dynetics компаниясы жарыялады.

Аппарат АКШнын Коргонуу министрлигинин Артыкчылыктуу изилдөө долбоорлору боюнча башкармалыгынын буйругу менен жасалган. Ал учактан кое берилип, тапшырманы аткарып бүткөндөн кийин кайра эле учакка кайрылып келиши керек болчу.

Dynetics аппарат уча баштаган учурдагы видеону жарыялады. Анда канаттары, кыймылдаткычы ойдогудай иштеп, өз алдынча ийгиликтүү уча баштаган. Бирок бир жарым сааттан кийин аны жоготуп алышкан. Маалыматка караганда, аппарат жерге конордо парашют ачылышы керек эле. Бирок андай болгон эмес.

"Тилекке каршы, негизги парашют ачылбай калып, аппарат конуу учурунда талкаланды", — деп жазылат макалада.

Компаниянын мындай үлгүдөгү дагы бир нече аппараты бар экени айтылды.

418
Белгилер:
видео, сыноочу, парашют, техника, АКШ
Тема боюнча
Россиялык Як-130 менен Ми-38дин артыкчылыгы. Дубайдагы көргөзмө
"Кинжал" кайтып келди. Россиянын Ту-22М3 учагын кайра учурушуна эмне себеп?