Өлүп тынсаңар болот эле... Паёктук төлөмдөрүн ала албаган ардагер Меркуловдун азабы

348
(жаңыланган 18:09 23.01.2020)
Евгений Меркулов мамлекеттик коопсуздук комитетинин чек ара бөлүктөрүндө 30 жылдан ашык эмгектенген. 82 жаштагы ардагер бир нече жылдан бери аскер кызматкерлеринин пенсиясына кошулуучу паёктук акчасын ала албай келет.

Өмүрүн куралдуу күчтөргө арнап, ден соолугунан айрылган инсан көптөгөн мамлекеттик мекемелерге кайрылып, майнап чыгара алган эмес. Sputnik Кыргызстан агенттиги анын окуясынын чоо-жайын тактап көрдү.

Евгений Меркулов эмгек жолун советтик жоокерлердин катарында Литванын Вильнюс шаарынан баштап, Мамлекеттик коопсуздук комитетинин атайын бөлүмүндө иштеген. Атайын даярдыктагы бөлүктүн жоокери СССРдин курамындагы өлкөдө бандитизм жана улутчул топторго каршы иштеген. Кийинки жылдары Түркмөнстанда кызмат өтөп, Кытай менен Советтер Союзунун ортосунда Даманский аралында болгон чек ара чатагына да катышкан. Оор шартта кызмат өтөгөн Меркулов 1982-жылы бут оорусуна байланыштуу атайын кызматтан кетип, Кыргызстанда беш жылдай Никарагуа менен Афганистандын жоокерлерин окутуп, 49 жашында пенсияга чыккан.

Ветеран комитета государственной безопасности Евгений Меркулов
© Sputnik / Эмиль Садыров
Евгений Меркулов мамлекеттик коопсуздук комитетинин чек ара бөлүктөрүндө 30 жылдан ашык кызмат өтөгөн

Атайын кызматта иштеп ден соолугунан айрылган ардагер кийин Бишкек шаарындагы мектептерде 20 жылдай аскерге чейинки даярдык сабагынан жаштарды окуткан. Ал азыр ара жолдо колдоосуз калып, аскер кызматкерлеринин пенсиясына кошулуучу өзүнө тиешелүү паёктук акчасын ала албай келет.

Меркуловдун айтымында, ардагер мамлекеттик мекемелерге кайрылып, майнап чыгара алган эмес.

 

Ветеран комитета государственной безопасности Евгений Меркулов
© Sputnik / Эмиль Садыров
Борбор калаадагы мектептерде 20 жылдай аскерге чейинки даярдык сабагынан жаштарды окуткан
"Куралдуу күчтөрдө 30 жылдай, билим берүү тармагында 20 жыл эмгектендим. Ошентип жалпы мен мамлекетке 50 жылдай иштеп бердим. 1996-жылдан 2012-жылга чейинки 88 миң сомдой паектук төлөмдөрдү ала албай калгам. Туумдары 645 миң сом болсо, индексациясы 236 миң сомго чейин жеткен. Ошентип өкмөт 970 миң сомдун тегерегиндеги акчаны берген жок. Мен паектук 88 миң сомумду эле бергилечи деп сурандым. Кайда гана кайрылып, кимдин гана эшигин какпадым, жыйынтык чыккан жок. Мамлекет көп жылдык эмгегимди ушунтип баалап ыраазылыгын билдирди", — деди Меркулов.

Буга чейин Юстиция министрлигинин мамлекеттик соттук-экспертиза борбору жабырлануучунун кайрылуусун карап чыккан. Финансы министрлиги ал акчаларды төлөп берүүсү керек деген бүтүм чыгарып, Биринчи май райондук жана Бишкек шаардык соттору пенсионердин даттануусун канааттандырган. Бирок Финансы министрлиги ал каражатты бербей, бир нече ай өткөндөн кийин Жогорку сот ишти кайра райондук соттун кароосуна жиберип, иш төрт жылдан соң гана 2016-жылы кайра каралып, акчаны мамлекет төлөбөйт деген чечимди чыгарган.

Ветеран комитета государственной безопасности Евгений Меркулов
© Фото / из личного архива Евгения Меркулова
Меркулов СССРдин курамындагы Кыргызстан, Түркмөнстан, Казакстан, Россия, Литвада эмгектенген

Учурда полковник, УКМКнын ардагери байбичеси менен бирге түтүн булатып келет. Жубайынын буту сынып дарыланууга муктаж болуп турган кези. Жалгыз жашаган жубайлар соттук териштирүүлөрдөн чарчагандыгын айтышат.

"Сот, прокуратура органдарына кайрылып жыйынтык чыккан жок, өзүмдүн көп жылдык эмгегимдин аркасында берилчү тыйынды да ала албадым. Президент, өкмөт башчы, Жамааттык коопсуздук келишим уюмунун төрагасына чейин кат жаздым. Кыргызстанда канчалаган керектүү адистерди даярдап, ата мекенге кызмат кылдык, бирок мамлекет мени сызга отургузду. Териштирүү маалында "төлөнгөн акча жакпаса Россияга кете бер. Сенин мүрзөгө кетчү убактың келди, өлүп тынсаң болот эле" деген сөздөрдү да уктум", — деди ал.

Ветеран комитета государственной безопасности Евгений Меркулов
© Sputnik / Эмиль Садыров
Төшү медаль, ордендерге толгон ардагер пенсиясы менен үй-бүлөсүн багып келет

Төшү медаль, ордендерге толгон ардагер 12 миң 224 сомдун айланасындагы пенсиясы менен үй-бүлөсүн багып келет. Азыр ал акчаны тамак-ашка, коммуналдык төлөмдөргө, дары-дармектерге жеткизе албастыгын да кошумчалайт.

Ал эми Финансы министрлиги Меркуловдун паёктук төлөмдөрүнө байланыштуу соттук чечимге таянып, пенсионерге акча төлөнбөй турганын айтты.

"Буга чейинки соттук териштирүүлөрдө Евгений Меркулов Биринчи май райондук, Бишкек шаардык жана Жогорку сотто утулган. Анын арызын фемида өкүлдөрү канааттандырган эмес. Финансы министрлигинин 1996-жылдан бери бир да пенсионерге паёктук төлөм боюнча карызы жок", — деп жооп беришти.
Ветеран комитета государственной безопасности Евгений Меркулов с семьей
© Фото / из личного архива Евгения Меркулова
Улгайган аскер кызматкери Бишкекте байбичеси менен түтүн булатып келет

Ошол маалда КР Акыйкатчысынын алдындагы аскерлердин укуктарын коргоо боюнча кеңеш паёктук акчаларын ала албаган пенсионерлер толтура экендигин белгилейт. Кеңештин маалыматына ылайык, буга чейин паёктук акчасын ала албаган 890 адам сотко кайрылган. Алар өкмөттөн жалпы 700 миллион сомго жакын акча доолап, бирок ардагерлердин басымдуу бөлүгү сотто утулуп калган.

348
Белгилер:
дарылоо, төлөм, пенсия, ардагер, маек, Кыргызстан
Тема боюнча
Байбагышев: командир көз алдында өлгөн жоокерин унута албай акылдан тайды
Жеңишке 10 мүнөт жетпей калган өмүрлөр... Ардагерлер кан майданды эскерет

Жээнбеков менен Путиндин Сочидеги жолугушуусу. Видео

45
(жаңыланган 23:48 28.09.2020)
Өлкө башчылары Сооронбай Жээнбеков жана Владимир Путин Сочи шаарында КР жетекчисинин жумушчу иш сапарынын алкагында жолуккан. 

Жолугушууда Жээнбеков Кыргызстан ар дайым Россиянын чыныгы дос, союздаш, өнөктөш катары колдоосун сезе тургандыгын айткан.

"Муну өзгөчө башыбызга оорчулук түшкөн, кыйын учурда сездик. Сиздерден улам өлкөдөгү эпидемиялык абалды турукташтырдык жана Россияда иштеп, жашап жаткан биздин атуулдарга көмөк көрсөтүлдү", — деди КР президенти.

Жээнбеков Путинди дүйнөдө алгачкылардан болуп россиялык вакцинанын каттоодон өтүшү менен куттуктаган.

"Коронавирус илдетине каршы россиялык вакцина жакынкы аралыкта Кыргызстанда дагы жеткиликтүү болот деп үмүт артам", — деп билдирген Жээнбеков.

Путин менен жолуккан Жээнбеков: россиялык вакцина КРге жетет деп үмүттөнөм

Мындан сырткары, Өнүктүрүү жана турукташтыруу боюнча Евразиялык фонддун Кыргызстандын экономикасын колдоо үчүн рекорддук насыяны — 100 миллион доллар бөлүп бергенине да ыраазычылыгын айтты.

Путин Россия эч качан башка өлкөлөрдүн ички саясатына кийлигишпей турганын, ошол эле учурда кырдаалды турукташтырууга жасалган аракеттерди дайыма колдой турганын айткан.

"Биз ар дайым өлкөдөгү абалды турукташтырууга аракет жасаган бийликти колдоп келебиз. Кыргызстанга дагы ошондой мамиле болот. Экономикалык жактан дагы колдойбуз", — деди ал.

Жолугушууда Жээнбеков Кыргызстанда кыргыз-орус мамилелерине доо кетирүүнү көздөгөн күчтөр бар экенин билдирди. Ошондой эле эки өлкөнүн кылымдар далилдеген достук мамилесин баалай турганын кошумчалаган.

45
Белгилер:
ыраазычылык, жардам, жолугушуу, Владимир Путин, Сооронбай Жээнбеков, Россия, Кыргызстан
Тема боюнча
Россия Кыргызстанга коронавируска каршы вакцина жөнөтүүнү көздөп жатат

"Ты супер!" шоусунун төртүнчү сезону. Видео

95
(жаңыланган 02:08 28.09.2020)
"Ты супер!" шоусу — НТВ телеканалы менен Sputnik эл аралык агенттиги жана радиосунун ири долбоору.

Ага КМШнын аймагындагы вокалдык таланты бар балдар катышат. 20-сентябрда музыкалык конкурстун төртүнчү сезону башталган.

95
Белгилер:
вокал, балдар, шоу, НТВ, "Ты – супер" балдар долбоору
Тема боюнча
Кыргызстандык кыз "Ты супер!" шоусунун кийинки туруна өтпөй калды. Видео
Кыргызстандын президенти Сооронбай Жээнбеков. Архив

Жээнбеков Венгрияга расмий сапар менен барды. Кимдер коштоп жүрөт

0
(жаңыланган 23:52 28.09.2020)
Сапардын алкагында Кыргыз-венгер өнүктүрүү фондусун түзүү жөнүндө меморандумга жана эки тараптуу кызматташуу жөнүндө башка документтерге кол коюлат.

БИШКЕК, 28-сен. — Sputnik. Венгрияга расмий визит менен барган президент Сооронбай Жээнбековду Венгриянын вице-премьер-министри Михай Варга тосуп алды. Бул тууралуу мамлекет башчынын маалымат кызматынан кабарлашты.

Расмий визиттин алкагында Жээнбеков Венгриянын премьер-министри Виктор Орбан менен эки тараптуу сүйлөшүүлөрдү жүргүзөт. Алар Кыргызстан менен Венгриянын ортосундагы стратегиялык өнөктөштүк жөнүндө биргелешкен декларацияга кол коюшат.

Жээнбеков Венгрияга барат. Эки өлкөнүн соода-сатык алакасы кандай

“Жээнбеков жана Орбан Будапешт шаарындагы Түрк кеңешинин европалык өкүлчүлүгүнө барышат. Сапардын алкагында Кыргыз-венгер өнүктүрүү фондусун түзүү жөнүндө меморандумга жана эки тараптуу кызматташуу жөнүндө башка документтерге кол коюлат”, - деп айтылган маалыматта.

Кыргызстан делегациясынын катышуусунда Будапешт шаарындагы гүлбакка жазуучу Чыңгыз Айтматовдун ысымын ыйгаруу аземи болот.

Расмий визиттин алкагында Жээнбеков президент Янош Адер жана Улуттук жыйындын төрагасы Ласло Кёвер менен дагы жолугат.

Будапешт шаарындагы скверге Айтматовдун ысымы ыйгарылат

Кыргызстандын делегациясынын курамында тышкы иштер министри Чыңгыз Айдарбеков, Президенттин аппаратынын тышкы саясат бөлүмүнүн башчысы Данияр Сыдыков, Венгриядагы атайын жана толук ыйгарым укуктуу элчи Бакыт Жусупов, вице-премьер-министр Эркин Асрандиев, билим берүү жана илим министри Каныбек Исаков, айыл чарба, тамак-аш өнөр жайы жана мелиорация министри Эркинбек Чодуев, транспорт жана жолдор министри Жанат Бейшенов, каржы министри Бактыгүл Жээнбаева жана экономика министри Санжар Муканбетов бар.

0
Белгилер:
расмий сапар, Сооронбай Жээнбеков, Венгрия, Кыргызстан
Тема боюнча
Жээнбеков быйыл Венгрияга барат. ТИМ Будапештте жолугушууларды өткөрүп келди