Кар үйүлүп турбаганда... 9-кабаттан кулап түшкөн кыздын аман калган видеосу

22695
(жаңыланган 14:54 24.01.2020)
Россиянын Нижневартовск районундагы Излучинск айылында 9-кабатта жайгашкан үйдүн терезесинен кулап түшкөн кыз аман калды.

Кыздын кулап бараткан учуру сырттагы көзөмөл камерага жазылып калган. Видеону "Югория" телеканалы жарыялады.

Кадрлардан кыз кар күрткүнүн үстүнө түшкөнү көрүнүп турат. Сыягы ошол үчүн тирүү калгандай. Бирок үйүлгөн кар ай кайсы жакка чачырап кеткенинен жерге катуу эле кулаганын байкоого болот. Кыз бир нече секунддан кийин ордунан туруп басып кеткен.

Кошуналар Тез жардам кызматын чакырышкан. Окуяга күбө болгондордун айтымында, Излучинск айылынын жашоочусу терезеге өзү чыгып алган.

Телеканалдын маалыматы боюнча, 27 жаштагы бейтап жандандыруу бөлүмүнө жаткырылды. Дарыгерлер анын абалын орточо оор деп баалашууда, өмүрүнө коркунуч жок.

Аталган факт боюнча тергөө комитети текшерүү жүргүзүп жатканы айтылды.

22695
Белгилер:
видео, көп кабаттуу үй, кыз, Россия
Тема боюнча
Тайгаланып жыгылып... Кызды жүк ташуучу унаанын алдынан сууруп алганда. Видео

Пандемияга дагы бир сокку. Россияда үчүнчү вакцина сыноодон өтө баштады. Видео

27
(жаңыланган 11:26 22.10.2020)
Россияда Чумаков атындагы илим-изилдөө борборунда иштелип чыккан коронавируска каршы үчүнчү вакцинаны сыноо иштери башталды.

Коронавируска каршы жаңы вакцинаны иштеп чыккандар эгер Саламаттык сактоо министрлиги препаратты декабрь айында каттоого алса, жылдын аягына чейин массалык түрдө өндүрүү башталат деп үмүт кылууда.

Буга чейин мамлекеттик каттоодон дүйнөдөгү алгачкы вакцина катары Гамалея атындагы илимий борбордо жасалган "Спутник V" препараты өткөн. Учурда препаратты тестирлөөнүн үчүнчү этабы чет өлкөлөрдө өтүп жатат. Ошондой эле Новосибирскидеги "Вектор" борборунда иштелип чыккан вакцина каттоого алынган.

27
Белгилер:
сыноо, вакцина, Россия
Тема:
Дүйнөгө жайылган коронавирус
Тема боюнча
Вирусолог COVID-19га каршы вакцина жардам бере албай турган адамдардын тобун атады

30 күн убакыт берем, уурдаган акчаңарды кайтаргыла! Жапаровдун видеокайрылуусу

558
(жаңыланган 16:42 21.10.2020)
Бир жолку берилүүчү экономикалык мунапысты пайдалануудан баш тарткандарга мыйзам чегинде катуу чаралар көрүлөрү эскертилди.

Премьер-министр, президенттин милдетин аткаруучу Садыр Жапаров экономикалык мунапыс жарыялай турганын айтып, 30 күндүн ичинде казынадан уурдаган акчаларды кайтаргыла деп эскертүү берди.

Төмөндө Жапаровдун кайрылуусу толугу менен берилет:

Ушул күндөрү мамлекеттик бийлик бутактарына олуттуу милдеттер жүктөлүп жатат. Анын ичинде президент жана өкмөт башчынын милдетин аткарып жаткан мага өтө чоң жоопкерчиликтүү ыйгарым укуктар берилди.

Мындан улам, бизге ишеним арткан жалпы журттун жүгүн көтөрүү үчүн бүгүндөн тартып мен расмий түрдө өлкөдө экономикалык амнистия жарыялайм.

Максатым:

  • мамлекеттик бюджетти толтуруу, кошумча киреше алуу;
  • өлкөдөн чыгып кеткен жана чыгып жаткан мыйзамсыз капиталды кайра кайтаруу;
  • оффшордук эсептердеги акчаларды кайрып келүү;
  • көмүскө бизнестин ресурстарын толугу менен мыйзамдаштыруу;
  • ишкердик чөйрөнүн баарына тең шарттарды түзүү;
  • макроэкономикалык оң натыйжаларга жетишүү;
  • өлкө экономикасына зарыл болгон каражатты тезинен табуу;
  • мамлекеттик тышкы карыздарды төлөө.

Бул максаттарга жетүү үчүн соңку 30 жыл бою эң кирешелүү тармактар болгон энергетика, бажы, салык, дары-дармек, лицензия берүүчү, тоо кен жана башка тармактарга 30 күн убакыт берем. Бул төмөнкү тараптарга тиешелүү:

  • өзүнүн коррупциялык схемаларын түзүп, элдин ырыскысын тоноп жүргөн коррупционерлерге;
  • ар кандай компанияларга үлүштөргө отуруп алган мурдагы чиновниктерге;
  • ири ишканалардын акцияларына рейдерлик жол менен мыйзамсыз ээ болуп алган аткаминерлерге;
  • салыктарды төлөбөй качып жүргөн жарандарга;
  • кирешесин аз көрсөтүп жүргөн ишкерлерге;
  • мыйзамдарды бузуп жүргөн чиновниктердин тобуна;
  • министрликтер менен ведомстволордун жетекчилерине;
  • бажычыларга жана финансисттерге.

Силер өзүңөр деле ар бир тармак боюнча коррупциялык схемаларды абдан сонун билесиңер. Аларды өзүңөр ачыкка чыгаргыла. Анын баарын мамлекеттик казынага кайтарып бергиле! Мамлекеттен алган, казынадан жеп жаткан, жаап-жашырган ар бир тыйынды өз ыктыярыңар менен ордуна койгула. Мүлкүңөрдү, чыныгы капиталыңарды ачыкка чыгаргыла. Азырынча мен силерге убакыт жана мүмкүнчүлүк берип жатам. Кыска мөөнөттүн ичинде экономикалык мунапыс берүү жана акча каражаттарын, кыймылдуу-кыймылсыз мүлктү мыйзамдаштыруу үчүн укуктук-ченемдик негиздер даярдалат.

Эскерте кетсем, бул иш-чара бир гана жолу болот.

Ошондуктан жогоруда аталган адамдар жакшылап ойлонуп, капиталына жана мыйзамдуу жүгүртүүдөн чыгарылган мүлкүнө мунапыс алуу үчүн ушул учурду колдонуп калышы керек.

Укук коргоо, тергөө органдары менен кызматташып, ички инвестиция жасап, акчаларды экономикабызга кайрып бергиле. Ошондо баарыңарга административдик жана экономикалык кечирим болот.

Мен декларациялануучу мүлктөр менен кирешенин кол тийбестигине кепилдик берем. Мүлктү жана кирешени ыктыярдуу түрдө декларациялоо процессинде сыр сакталат. Эгерде экономикалык амнистияны пайдаланбасаңар, мыйзам чегинде катуу чаралар көрүлөт.

Бул элдин талабы!

Бул мага ишенип тапшырган элдин мүдөөсү!

558
Белгилер:
коррупция, кайтаруу, каражат, экономика, мунапыс, кайрылуу, Садыр Жапаров
Тема боюнча
Өзүбүз чакырганбыз. Жапаров Жээнбековдун отставкага кантип кеткенин айтты
Аягына чыгарабыз! Мамытканов бажыдагы коррупциялык схема боюнча оюн билдирди
Жапаров: уулума телефон чалып, кызмат үчүн 300 миң доллар сунуштагандар бар
Бакетаев Алмаз Кушбекович

Бакетаев Алмаз Кушбековичтин өмүр баяны

0
(жаңыланган 12:48 22.10.2020)
Бакетаев Алмаз Кушбекович 1971-жылы 20-январда Талас шаарында туулган. 1993-жылы Фрунзе политехникалык институтун, 1995-жылы Кыргыз мамлекеттик улуттук университетинин кадрларды кайра даярдоо жана квалификациясын жогорулатуу институтун аяктаган.

Эмгек жолу:

  • 1994 (август) – 1995 (сентябрь) — Талас облусу боюнча Салык полициясы башкармалыгында инспектор-программист;
  • 1995 (октябрь) – 1995 (ноябрь) — Мамлекеттик салык инспекциясынын ички көзөмөл бөлүмүндө салык инспектору;
  • 1995 (ноябрь) – 1996 (июль) — Стамбулдагы Komsan эл аралык соода жана маркетинг боюнча түрк компаниясынын өкүлчүлүгүндө башкы менеджер;
  • 1996 (август) – 1997 (июль) — Бишкектин Свердлов району боюнча Мамлекеттик салык инстпекциясынын салык инспектору;
  • 1997 (апрель) - 2000 (март) — Ички аудит башкармалыгында, бюджеттик мекемелердин жана ведомство аралык уюмдардын аудит бөлүмүндө жетектөөчү адис;
  • 2000 (март) – 2002 (декабрь) — Финансы министрлигинин ички аудит кызматында башкы адис;
  • 2002 (декабрь) – 2005 ( июль) — Финансы министрлигинин борбордук казынасынын ички көзөмөл секторунда жетекчи;
  • 2005 (июль) – 2005 (ноябрь) — Чүй облустук аймактык казына бөлүмүндө башчы;
  • 2005 (ноябрь) – 2010 (март) — Бишкек шаардык казына бөлүмүнүн жетекчиси;
  • 2010 (март) – 2010 (апрель) — Бишкек шаардык мэриясына караштуу Ленин райондук администрациянын башчысынын орун басары;
  • 2010 (апрель) — 2012 (июнь) — Финансы министрлигинин бюджеттик саясатты жөнгө салуу башкармалыгынын жетекчисинин орун басары;
  • 2012 (июнь) – 2013 (май) — Финансы министрлигинин экономика тармагынын чыгымдарын пландоо башкармалыгынын башчысы;
  • 2013 (март) – 2013 (май) – Финансы министрлигинин статс-катчысынын милдетин аткаруучу;
  • 2013 (май) – 2018 (сентябрь) - финансы министринин орун басары;
  • 2018 ( сентябрь) — Бишкек шаарынын биринчи вице-мэри болуп дайындалган.
  • 2020-жылдын 22-октябры — Бишкек шаарынын мэринин милдетин аткаруучу.
  • 2020-жылдын 20-октябрында мэр Азиз Суракматов отставкага кетип, биринчи вице-мэр болуп Нариман Түлеев дайындалып, шаар башчысынын милдети ага жүктөлгөн. Бакетаев вице-мэр болуп калган.
  • 22-октябрда Түлеев биринчи вице-мэрлик кызматтан кетүү үчүн арыз жазып, билдирүү тараткан. Анын айтымында, мэрдин ордун талашкандардын арасында күмөн санаткан ар кандай топтор болууда. Ошол себептен 22–октябрдан тарта Бишкектин мэринин милдетин аткаруучу катары Алмаз Бакетаев бекиди.

 

0
Белгилер:
өмүр баян, Алмаз Бакетаев