Виски жана мөөнөтү өткөн дарыларды ташыгандар кармалды. Финполдун видеосу

207
(жаңыланган 18:03 28.01.2020)
Аткезчилик жол менен Кыргызстанга спирт ичимдиктери жана мөөнөтү өткөн дары-дармек алып келе жаткандар кармалды. Казакстан менен чектешкен "Ак-Тилек" көзөмөл-өткөрмө пунктунан Volvo үлгүсүндөгү жүк ташуучу унаа токтотулган.

Экономикалык кылмыштарга каршы күрөшүү (Финпол) кызматынын билдирүүсүнө ылайык, 17-январда чек арадан чиркегич сүйрөгөн жүк ташуучу унаа текшерилген. Документинде ичине кондитердик азыктар, тамак-ашка кошкон чөп-чарлар жана дөңгөлөк жүктөлгөнү жазылган.

Бирок тинте келгенде арт жагынан акциздик маркасы Казакстанга таандык элиталык ичимдик деп (виски, пиво, коньяк, арак, вино) эсептелген продукциялар табылган. Мындан сырткары, мөөнөтү өтүп кеткен шектүү дарылар, отоо чөптөрдү жок кылуучу химикаттар жана башка уруксат кагазы жок товарлар чыкканы айтылат.

Аталган факт каттоого алынып, машина айып короого киргизилди.

Тергөө кызматы экономикалык кылмышка тиешеси барларды териштирип, чыгымдарын эсептеп жатат.

207
Белгилер:
чек ара, кармоо, спирт ичимдиктери, кызмат, тергөө
Тема боюнча
УКМК Казакстандан күйүүчү май ташыган мыйзамсыз каналды аныктады. Сүрөт

Шевченко менен Чукагян көз караштар таймашына бет капчан чыкты. Видео

112
(жаңыланган 20:32 30.05.2020)
31-майга караган түнү Антонина Шевченко менен Кэтлин Чукагян беттешет. Спортчулар бүгүн көз караштар таймашын өткөрүштү.

Кыргызстандык мушкер кыздын беттеши Бишкек убактысы боюнча саат 6.30 менен 7.30дун ортосунда болот. Алардан кийин кеченин башкы беттеши өтүп, Тайрон Вудли менен Гилберт Бернс кармашат.

Мелдеште бир эле мушкердин эже-сиңди Шевченколор менен удаа беттешип жатканы тарыхта боло элек болчу. UFC уюмунун бул турниринин өзгөчөлүгү да ушунда. Эскерте кетсек, ушул жылдын февраль айында өткөн акыркы таймашында Чукагян Валентина Шевченкого техникалык нокаут менен утулуп калган.

112
Белгилер:
Антонина Шевченко, беттешүү, UFC, бет кап, таймаш
Тема боюнча
Баштадым! Валентина Шевченконун маңдайы жарыла сүйүнгөн сүрөтү
Мени "тыңчы" атагандардын оюн билем. Лас-Вегастагы Валентина Шевченко менен маек

Пандемияны өз кызыкчылыгы үчүн колдонуп... Лавров Батышты сынга алды

128
РФ ТИМинин башчысы батыш мамлекеттеринин коронавирус пандемиясын өз кызыкчылыгы үчүн пайдаланган аракетине нааразы болду.

Сергей Лавров Кытайдын Global Times гезитине макала жазып, Батыш өзүнө жакпаган өкмөттөрдү жазалоо үчүн түзүлгөн кырдаалды пайдаланууга жандалбастап жатканын айкан. Буга мисал катары аларга Россиядан гумжардам алууга салган тыюусун келтирди.

Министр өз сөзүндө Батыштын адам укугун коргоодо кош стандарттуулукка жол берип жатканын да белгилеген. Кенинирээк биздин видеодон көрүүгө болот.

128
Белгилер:
коронавирус, пандемия, Батыш, Россия, ТИМ, Сергей Лавров
Тема:
Кытайдагы жаңы типтеги коронавирус
Тема боюнча
Батыш Россияны статистиканы бурмалап жатат деп айып тагууда. Видео
Ошко 30-майда Урал авиакаттамдары авиакомпаниясынын Екатеринбург — Ош рейси менен 233 кыргызстандык жаран учуп келди.

Ошко Екатеринбургдан 233 кыргызстандык кайтып келди

0
(жаңыланган 21:15 30.05.2020)
Келген бардык жарандар медициналык процедуралардан өтүү үчүн обсервацияга белгиленген тартипте жайгаштырылды.

БИШКЕК, 30-май — Sputnik. Ошко 30-майда "Урал авиакаттамдары" авиакомпаниясынын Екатеринбург — Ош рейси менен 233 кыргызстандык жаран учуп келди. Бул тууралуу Республикалык штабдан кабарлашты.

Маалыматта авиакаттам дүйнөдө коронавирус пандемиясына байланыштуу чек аралардын убактылуу жабылышынан улам чет өлкөлөрдөгү Кыргызстандын жарандарын кайтаруу боюнча жүргүзүлгөн иштин алкагында жүзөгө ашырылды.

"Бул каттам менен ден соолугунан мүмкүнчүлүгү чектелген жарандар, оор илдети барлар, улгайган курактагы адамдар, кош бойлуу жана жаш балалуу энелер, турмуштук оор кырдаалдагы жарандар мекенине кайтарылды. Жүргүнчүлөрдүн тизмеси жарандардан келип түшкөн кайрылууларды, Урал федералдык округундагы шаарлардын жана аймактардын кыргыз диаспораларынын сунуштарын эске алуу менен түзүлгөн. Ошондой эле "Урал авиакаттамдары" компаниясынан мурда билет сатып алгандар кирди", — деп айтылат билдирүүдө.

Келген бардык жарандар медициналык процедуралардан өтүү үчүн обсервацияга белгиленген тартипте жайгаштырылды.

0
Белгилер:
эпидемия, коронавирус, мекендештер, каттам, Кыргызстан, Ош, Екатеринбург
Тема:
Коронавируска байланыштуу Кыргызстандагы кырдаал
Тема боюнча
Бишкекке Филиппин жана Түштүк Кореядан 58 жаран кайтып келди