Үчөөлөп кетти! Буйвол менен арстандардын айыгышкан кармашынын видеосу

1456
Канчалык күчтүү болгону менен жалгыз калган буйволго арстандар алгач даабай туруп, андан соң көптөп кетти. Жашоо үчүн күрөшкөн бул ирмемдер интернет айдыңына тарады.

Аны Maasai Sightings YouTube каналынан көрүүгө болот.

Видео Түштүк Африкадагы атактуу Крюгер жаратылыш паркынан ушул жылдын 25-январында тартып алынган.

Алгач арстан аксак буйволго келип анын кабак-кашын байкап көргөн. Коркунуч жакындап келе жатканын сезген жаныбар мүйүзү менен челип салчудай беркилерге тап берип, коргонууга өткөн.

Мындай каршылыкты күтпөгөн жырткыч таштын үстүнө секирип чыга качкан.

Бир нече мүнөттөн кийин дагы эки арстандын жакындап келгендигин көрүүгө болот. Жарадар жаныбар бир нече убакыт бою үчөөнү жанына жакындатпай турган...

Видео окуя болгон жерден бир нече метр аралыктан тартылган. Жонуна чап жабышкан арстандардын ачуу тырмагы менен тишинин уусу өтүп кеткен буйволдун жаны ачый, өкүрүп, мөөрөп жатканын угууга болот.

1456
Белгилер:
кармаш, жаратылыш, буйвол, арстан, Түштүк Африка Республикасы
Тема боюнча
Фотокапканга түшүп калган канаттуулар. Өрдөк, таз жорулардын сүрөтү

Акыйкаттык орнобосо, тынчтык болбойт! АКШда эл Флойд менен коштошкон видео

189
(жаңыланган 21:47 05.06.2020)
Американын Миннеаполис шаарында полиция кызматкерлеринин одоно аракетинен каза болгон афроамерикалык Жорж Флойд менен коштошуу зыйнаты болду.

Миннеаполистеги Түндүк Борбордук университетинин (North Central) имаратына жүздөгөн адам Флойдду эскерүү үчүн чогулду. Табытты жүктөгөн автоунаа көрүстөнгө бара жатканда эл "Акыйкаттык орнобосо, тынчтык болбойт!" деген сөздү кайталап жатты.

Жорж Флойд майдын аягында Миннеаполисте полиция кармап, күч колдонгондон кийин көз жумган. Анын өлүмү элдин жаалын кайнатып, АКШ эле эмес башка жерлерде да нааразылык толкундарын жаратты. Ал эми Американын бир топ шаарларында башаламандык жаралып, талап-тоноо күч алган.

189
Белгилер:
коштошуу, узатуу, полиция, Жорж Флойд, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
АКШнын алдан тайышы: балдар полициядан коркуп жана жек көрүүнү үйрөнүп жатышат

Швецияны АКШдагы нааразылыктын толкуну каптады

128
(жаңыланган 20:11 05.06.2020)
Афроамерикалык Жорж Флойддун өлүмүнөн кийинки жаалданган толкун Швецияга чейин жетти. Жүздөгөн кишилер Мальма шаарында демонстрацияга катышты.

Аларды коронавирустан улам коюлган чектөөлөр, тыюу салуулар токтото алган жок. Көптөрдүн колунда кара түстүүлөргө карата адилетсиз мамилени жана расага бөлүүнү айыптаган плакаттар болду.

Жергиликтүү полиция чогулгандарды кууп таратууга аргасыз болгону айтылат.

Жорж Флойд майдын аягында Миннеаполисте полиция кармап, күч колдонгондон кийин көз жумган. Анын өлүмү элдин жаалын кайнатып, АКШ эле эмес башка жерлерде да нааразылык толкундарын жаратты. Улуу Британиядан, Франциядан, Грециядан жана Испаниядан да тилектештик билдирип жатышты.

128
Белгилер:
башаламандык, Жорж Флойд, Швеция, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
Нью-Йоркто мародёрчулук күч алды. Жеринде тартылган видео
COVID-19 вируска каршы дары таблеткалары. Архив

Россияда коронавируска каршы вакцина кийинки жумада чыгып, акысыз берилет

0
(жаңыланган 23:52 05.06.2020)
Бул —  коронавируска каршы чыгарылган Россиядагы алгачкы, ал эми дүйнөдө экинчи болуп катталган дары экени айтылат.

БИШКЕК, 5-июн. — Sputnik. Коронавируска каршы "Авифавир" препараты Россияда Милдеттүү медициналык камсыздандыруунун алкагында бекер берилет. Бул тууралуу Россиянын түз инвестициялар фондунун башчысы Кирилл Дмитриев президент Владимир Путин менен жолукканда айтканын Кремлдин сайты маалымдады.

Дмитриев "Авифавир" коронавируска каршы чыгарылган Россиядагы алгачкы, ал эми дүйнөдө экинчи болуп катталган дары экенин билдирген.

"Ал 11-июндан тарта Россиянын клиникаларына келип түшөт. Ал россиялыктарга Милдеттүү медициналык камсыздандыруу программасы боюнча бекер берилет", — деп айткан Дмитриев.

Маалыматта мындай вакцинадан жылына 700 миң даана чыгаруу пландалганын, бирок суроо-талап көп болуп, башка 10 өлкөдөн да сурам келип жатканын белгилеген. Мындан улам санын эки миллионго чейин жеткирүү пландалган.

0
Белгилер:
Россия, дарылоо, вакцина, коронавирус
Тема:
Кытайдагы жаңы типтеги коронавирус
Тема боюнча
Россия: коронавируска каршы чыгарылган бир вакцина баарына жарай бербейт
Коронавируска каршы Япония чыгарган вакцина июлда сынактан өтөт