Бир чети күлкүң келет. Чечинип жиберип мушташкан хоккейчилердин видеосу

2423
Жакында эле интернет айдыңын калың көрүүчүлөрдү каратып коюп, муз үстүндө бири-бири менен жапырт мушташкан хоккейчилердин видеосу аралады. Эки оюнчунун чатагы чагылгандай тездик менен тарап, массалык урушка айланган.

Окуянын эмнеден башталганын SPORTSNET өзүнүн YouTube каналында ийне-жибине чейин көрсөтүп берди.

Calgary Flames дарбазачысы Кэм Тальбо Edmonton Oilers голкипери Майк Смит менен НХЛ чемпионатындагы беттеште мушташа кеткен.

Уруш оюндун экинчи бөлүгүнүн аягында болгон. Алгач Тальбо атаандаш команданын форварды Сэм Ганье, андан соң Смит менен чапчылашкан. Мындай көрүнүш карап турган башкалардын канын кайнаткан.

Кадрдан чоң эле кишилердин муз үстүндө тайгаланып жыгылса да кайра тура калып, тура албагандары жаткан тейде бири-бирин койгулап жатканын көрүүгө болот. Ал эми дарбазачылардын урушу бир чети жылмаюу тартуулады. Бири атаандаш командадагы кесиптешин кийиминин калыңдыгынан улам муштай албай жаткандыгын, дагы бири башындагы каскасын чече сала, клюшкаларын ыргытып жиберип "майдан талаасына" чыкканы тартылып калган.

Ал эми калыстардын айыгышып, жедеп көгөрүп алышкан хоккейчилерди ажырата албай жатканын да көрүүгө болот.

Бийиктиктен тартылган кадрлардан дарбазанын жанында клюшкалар менен коргоочу баш кийимдердин кароосуз чачылып жатканын көрө аласыз.

Twitter тармагында отурган күйөрмандар алардын ичиндеги жин сыртка атырылып чыкты деген маанайдагы комментарийлерди калтырган.

"Кыязы, бул окуя быйылкы жылдын мен көргөн эң ири мушташы болду" деген пикирлер арбын калтырылган.

Ызы-чуулуу матч 8:3 эсебинде Edmonton Oilers  командасынын жеңиши менен аяктаган.

2423
Белгилер:
хоккей, уруш, муз, калыс, жеңиш
Тема боюнча
Тогуз тишинен ажыраптыр. Америкалык хоккейчинин кан түкүргөн видеосу
Хоккейчинин тамагын кесип кете жаздады. Оюн учурдагы кооптуу ирмем
Кытайлык хоккейчилер музда жапырт мушташа кетишти. Видео

Артем Новиков депутаттарга кыргыз тилинде сүйлөп кайрылды. Видео

303
Премьер-министрдин милдетин аткаруучу Артем Новиков депутаттардын алдында кыргыз тилинде билдирүү жасады.

Ал кечээ парламентке эмгек жана социалдык өнүктүрүү министри кызматына Ализа Солтонбекованын талапкерлигин тааныштырган. Новиков аны бул кызматка Садыр Жапаров премьер-министр болуп турган учурда сунуштаганын кыргыз тилинде айтты. Ошондой эле тийиштүү эки комитеттен жактырылганын белгилеген. Андан соң Солтонбекованын таржымалын орус тилинде баяндоого өттү.

Эске салсак, Солтонбекова 2018-жылдын ноябрь айынан ушул күнгө чейин эмгек жана социалдык өнүктүрүү министринин орун басары болуп иштеп келген. Кечээ парламентте министрлик кызматка талапкерлиги каралып, колдоо тапкан.

303
Белгилер:
Ализа Солтонбекова, кыргыз тили, Артем Новиков
Тема боюнча
Новиков Кыргызстан чет жактан канча карыз алып, кайда жумшаганын айтты
Парламент 2021-жылдын Республикалык бюджетин биринчи окуудан колдоду
Өкмөт 2021-жылы салык менен бажыдан канча акча чогултат? Долбоор

Уюшкан кылмыштуу топтун эки мүчөсүн кармаган видео жарыяланды

209
Ишкерди коркутуп, соода түйүнүн тартып алууга аракет кылган уюшкан кылмыштуу топтун мүчөлөрү кармалды. Бул тууралуу УКМКдан билдиришти.

Ыкчам-издөө иш-аракеттеринин натыйжасында 25-ноябрь күнү 32 жаштагы Э.Т. жана Э.К. кармалган.

"Колго түшкөн жарандар 2020-жылдын сентябрь айында жеке ишкерди коркутуп, Бишкектеги соода комплекстердин бириндеги түйүнүн тартып алууга аракет жасашкан. Ошондой эле ишкерди шаар четине чыгарып дагы коркутушкан", — деп айтылат маалыматта.

Фак Кылмыш жана жоруктардын бирдиктүү реестрине Кылмыш-жаза кодексинин 203-беренеси ("Опузалап талап кылуу") боюнча катталып, кылмыш иши козголгон. Учурда УКМК аталган фактыга тийиштиги бар башка шектүүлөрдү издеп жатат.

209
Белгилер:
УКМК, кармоо, кылмышкер, уюшкан кылмыштуу топ
Тема боюнча
Катаал жазага татыктуу! Депутат Опумбаев менен Жунушалиевди кармоону талап кылды
Ишкердин соода түйүнүн тартып алмакчы болгон. УКМК шектүүлөрдү кармады
Нарын облусундагы айыл. Архив

Жумага карата аба ырайы

0
27-ноябрга караган түнү жаан-чачын жаабайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 26-Ноя. — Sputnik. 27-ноябрь, жума күнү, Чүй, Ош облустарынын тоолуу райондорунда кар жаашы мүмкүн. Республиканын башка аймактарында күн ачык болот. Бул тууралуу Кыргызгидромет билдирди.

Абанын темпетарутасы Чүйдө +6...+11, Талас өрөөнүндө +5...+10 градуска жетсе, Ош, Жалал-Абад жана Баткен облустарында +7...+12, Ысык-Көл ойдуңунда +3...+8, Нарын жергесинде -2...+3 градусту көрсөтүп турат.

Ош жана Бишкек шаарларында жаан-чачын болбойт, күндүн табы +8...+10 градуска жетет.

0
Белгилер:
Кыргызстан, аба ырайы
Тема боюнча
Фотофакт: ышка тумчуккан Бишкектин асмандан көрүнүшү