Шевченконун кезектеги беттешине карата презентациялык видео жарыяланды

615
(жаңыланган 23:23 04.02.2020)
UFC уюму өзүнүн YouTube каналына кыргызстандык Валентина Шевченко менен америкалык Кэтлин Чукагяндын кезектеги беттешине карата презентациялык видеосун жарыялады.
"Аралаш мушташ жөн гана жашоомдун бир бөлүгү эмес, мен азыр муну менен жашайм", — деди Шевченко.

Мындан сырткары, видеодо кыргызстандык чемпиондун машыгуулары жана буга чейинки беттештеринин кызыктуу ирмемдери тартууланган.

"UFC чемпиону болуш үчүн көп нерсе талап кылынат: мыкты боксчу болуу, бут менен айланып тебүү, партерде атаандаштын буту-колун кайруу жана муунтуу ыкмаларын жакшы өздөштүрүү шарт. Жалпысынан айтканда ар тараптуу мушкер болуш керек", — деп белгилеген Шевченко.

Бишкек убактысы боюнча 8-февралдан 9-февралга караган түнү АКШнын Хьюстон шаарында UFC 247 турнири өтөт. Ал жакта кыргызстандык спортчу америкалык Кэтлин Чукагян менен октагонго чыгып, чемпиондук титулун үчүнчү ирет коргомокчу.

Шевченко 2019-жылдын августунда америкалык Лиз Кармушту калыстардын чечими менен утуп алган. Биринчи жолку чемпиондук титулун коргоодо америкалык Жессика Айды техникалык нокаут менен жеңген.

615
Белгилер:
машыгуу, беттешүү, мушкер, Валентина Шевченко
Тема:
Шевченко менен Чукагяндын беттеши (12)
Тема боюнча
Шевченко: Нуньес менен үчүнчү ирет беттешүүгө даярмын
Күлүмсүрөп... Валентина Шевченко көз караштар таймашын өткөрдү. Видео
Антонина Шевченко UFC турниринде америкалык Синтия Калвилло менен беттешет

Бишкек: коомдук транспорттун карантинден кийин иштеген биринчи күнү. Видео

120
(жаңыланган 17:14 25.05.2020)
25-майда Бишкекте автобус, троллейбус жана маршруткалар кайрадан каттай баштады. Коомдук транспорттун карантинден кийинки биринчи иш күнүн Sputnik Кыргызстандын видеосунан көрүңүз.

Коомдук транспорт адаттагыдай эле иштеп жатат, бирок санитардык коопсуздук талаптар сакталганын байкоого болот. Кире берген жерге санитайзерлер орнотулган, ал эми айдоочулар менен жүргүнчүлөр бет капчан, кол капчан жүрүшөт.

Айдоочулар менен жүргүнчүлөргө коюлган талаптар:

— жүргүнчүлөрдү ташуу бет кап же респираторчон жасалышы керек. Антисептик каражаты, кол кап менен бет кап сөзсүз болушу шарт;

— кире бериште санитайзер коюлушу керек;

— автоунаанын ичинде киши 60-70 пайыздан ашпасын;

— туткалар, отургучтар, кармагычтар бир каттап келгенден кийин дезинфекциялансын;

— кезек жаралбашына жана элдин аралыкты сакташына шарт түзүү зарыл.

Кыргызстандагы COVID-19

Открытие парка имени героя Советского Союза Чолпонбая Тулебердиева в городе Бишкек. 7 мая 2020 года
© Пресс-служба президента КР / Султан Досалиев
Кыргызстанда коронавирус жуктургандардын жалпы саны 1433 болуп, 992 бейтап айыкты. Тилекке каршы, COVID-19 он алты кишинин өмүрүн алган.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Өлкөдөгү абал тууралуу Sputnik Кыргызстан тексттик баяндама жүргүзүүдө.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

120
Белгилер:
санитайзер, бет кап, коопсуздук, эреже, санитардык талаптар, коомдук транспорт, Бишкек
Тема:
Коронавируска байланыштуу Кыргызстандагы кырдаал
Тема боюнча
Бишкекте коомдук транспорт иштей баштады. Видео
Аймактарга каттаган коомдук транспорт азырынча жүрбөйт. Штабдын билдирүүсү

Жетим козуларды эмизген пони. Англиядагы окуянын видеосу

134
Англиянын Сомерсет графтыгындагы жайытта жетим калган үч козуга пони мээримин төгүп, кайтарып, ал тургай эмизип баштаган.

Маалымат National Geographic Россия сайтына чыкты.

Бул туурасында алардын кожоюну Бэки Попэм да айтып берип, социалдык тармактагы баракчасына жазган. 

Үч козу бир ай болгондон кийин энесинен ажыраган. Кожоюну аларды жакын жайгашкан Хайди деп аталган понинин короосуна киргизген. Жылкы аларды жерибей, тескерисинче, мээримине алып, карап, кайтарып, кам көрө баштаган. Ал эми кийин анын сүт чыкпаган эмчегин козулардын ээмп жатканын байкап, ээси таң калгандыгын жашыра алган эмес. Субай бээнин желинине козулар эмгенден кийин сүт чуркаган.

Бэки Попэм бул окуядан кийин ветеринарга кайрылганда, адис мында таң кала турган эч нерсе жоктугун, болгону анда энелик инстинкт ойгонгондугун түшүндүргөн.

"Себеби Хайда буга чейин бешти тууган. Жаныбар болсо деле энелик сезим ойгонсо башканы карап, бага берет экен", — деген жылкынын ээси.

Учурда козулардын пони энеси менен кошо жатып, кошо туруп, аркасынан калбай ээрчип аларын кошумчалаган.

134
Белгилер:
энелик, инстинкт, пони, жетим, эмизүү, козу, Англия
Тема боюнча
Көңүл көтөрөт! Эне пил баласын ойготуп жаткан видео
Россия президентинин маалымат катчысы Дмитрий Песков. Архивдик сүрөт

Путиндин маалымат катчысы коронавирустан айыгып, үйүнө чыкты

0
(жаңыланган 23:18 25.05.2020)
Дмитрий Песков өзү журналисттерге ооруканадан чыкканын жана азырынча үйдө иштей турганын тастыктады.

БИШКЕК, 25-май — Sputnik. Россия президентинин маалымат катчысы Дмитрий Песков коронавирустан сакайып, ооруканадан чыкты. Бул тууралуу РИА Новости жазды. 

Эске салсак, ал 12-май күнү коронавирус жуктуруп алганын билдирген. Ошондой эле анын жубайы, муз бийчиси Татьяна Навкадан дагы вирус аныкталган.

Песков өзү журналисттерге ооруканадан чыкканын жана азырынча үйдө иштей турганын билдирди.

0
Белгилер:
оорукана, коронавирус, Дмитрий Песков, Россия
Тема:
Кытайдагы жаңы типтеги коронавирус
Тема боюнча
Песковдун жубайы Навкадан да COVID-19 табылып, абалы кандай экени айтылды