Кулаган MH17 учагынын иши боюнча интернетте жаңы документтер пайда болду

174
Голландиялык эркин журналист Макс ван дер Верфф Донбасстын үстүнө кулаган малайзиялык боинг учагы туурасында маалыматтарды жарыялады. Анда Нидерланддардын Чалгын кызматы документтерди прокуратурага жөнөткөнү айтылат.

Атайын кызматтын докладына караганда, учактын "Бук" деп аталган зениттик ракеталардын комплекси жете турган аймактан алыс болгондугу айтылат. Бул маалыматты иликтөөнүн жыйынтыгын чыгарып жаткан тергөөчүлөр эске алган эмес. Россия жыйынтык Украинадан алынган маалыматка таянып жасалып, тергөөнүн бүтүмү алдын ала эле атайылап терс жакка чыгарылып жатканын айткан.

174
Белгилер:
иликтөө, Нидерланд, Россия, Украина
Тема боюнча
Авиакырсык: Ирандын сунуштаган компенсациясына Украина макул болбой жатат

Баткен согушунун майыбы: үзүлүп калган манжаларымды карагым келбей койду

535
(жаңыланган 16:19 31.05.2020)
Баткен окуясы Руслан Абдулганиевди III топтогу майыпка айланткан. Азыр 40 жашта. Ош шаарынын четиндеги Дача айылында атасынан калган эски тамда энеси экөө жашайт.

Баткен окуясы Руслан Абдулганиевди III топтогу майыпка айланткан. Азыр 40 жашта. Ош шаарынын четиндеги Дача айылында атасынан калган эски тамда энеси экөө жашайт.

Колунан айрылган каргашалуу күндү эстегенде уйкусу качып, көз ирмебей таң атырарын айтат.

...1999-жылы 19 жаштагы Абдулганиев Алай районундагы 92843 аскер бөлүгүндө кызмат өтөп, телефон байланыштарын көзөмөлдөчү.

Террордук топтун мүчөлөрү Кыргызстандын түштүк аймагын басып киргенде, башка мекендештери сыяктуу Абдулганиев да эли-жерин коргоо үчүн Чоң Алайга чек ара тарапка аттанган.

Каарманыбыз коогалаң учурунда да телефон байланыштарын көзөмөлдөө милдетин аткарган.

Дом в селе Дача на окраине города Ош, где живет пострадавший в баткенских событиях Руслан Абдулганиев
© Sputnik / Зульфия Тургунова
Баткен окуясы Руслан Абдулганиевди III топтогу майыпка айланткан. Азыр 40 жашта

Ал бир ирет снайпердин огунан аман калган, бирок экинчи жолу апаат аны сол колунун манжаларын алып, биротоло майыпка айланткан.

"Штабда коммутатор болуп иштеп жаткам. Ошол учурда биздин байланыш тобунун кызматкерлерин куралчан согушкерлер өрттөп кетишти. Мен ал жолу топтон ыраакта болгондуктан аман калдым", - дейт Абдулганиев.

Жоокер коогалаңды эстеген сайын каза болгон аскерлердин жараат алган денелери, үзүлүп түшкөн эттер, октон бырчаланып кеткен сөөктөр көз алдына келерин айтат. Бул көрүнүш анын тынчын алып, психикасын буза тургандыгына токтолду.

"Душмандар көпчүлүк учурда түнү кол салышчу. Учурунда өтө кооптуу тапшырмаларды аткардык. Анын баарын эстөө мага аябай эле оор. Көп эстебегенге аракет кылам", - дейт Абдулганиев.

Бир канча ирет ажалдан аман калган, ошол кезде 19 жашта болгон улан сол колунун башын жоготкон каргашалуу окуяны эстегиси келбейт.

Ок колу менен бетинин ортосундагы аралыкта жарылып, көзүнөн да, бетинен да айрылып кала жаздаганын эстеди. Октун чачырандылары көзүнө жарым миллиметрдей тийбей калган.

Дом в селе Дача на окраине города Ош, где живет пострадавший в баткенских событиях Руслан Абдулганиев
© Sputnik / Зульфия Тургунова
Майып Руслан Абдулганиевдин учурда жашап турган үйүнүн азыркы көрүнүшү

Жарадар болгон Абдулганиевди эки аскер Чоң Алайдын тоолорунан үч чакырымды жөө басып, Карамыктагы чек ара постуна көтөрүп келишкен.

"Постто хирург-дарыгер жок болгондуктан райондун борбору Дароот-Коргонго алып жөнөштү. Колумдан ажырап калгандыгым үчүн жашагым келбей, өзүмдү атып салгым келди. Себеби буттарым басуу үчүн керек болсо, колдорум мага иштөө үчүн керек эле. Аскерлердин менин жаман оюмду сезип, куралдарын жашырып койгонун сезип эле жаттым", - дейт Абдулганиев.

Зарина аттуу дарыгер айым анын күрөө тамырын таап, канды токтотуп, өлүмдөн сактап калган. Тогуз саатка созулган операция учурунда кан басымы төмөндөп, төрт ирет жүрөгүм токтоп, кайра согуп кеткенин кийин айтып беришти.

"Чоң Алай тоолорунда калган манжаларымды балдар ала келишиптир. Колуман ажырап калганыма жаман абалда жаткам, жансыз манжаларымды кароого дарманым келген жок", - деп эскерет ардагер жоокер.

Ал окуядан бери 20 жыл өтсө да Руслан Абдулганиев өзүнүн кесиби - байланыш тармагы боюнча жумуш издеп, бирок аны бардык жерде жумушка алуудан баш тартышкан. Кара жумушка иштейин десе, ден соолугунан мүмкүнчүлүгү чектелген.

Руслан энеси экөө пенсия жана пособиенин эсебинен күн кечирип келет. Алган акчасы дары-дармектен ашпайт. Энеси 63 жаштагы Екатерина Абдулганиеванын уулун үйлөп, небере жытын жыттасам деген аруу тилеги бар. Эне-бала чакан бакчада помидор, бадыраң, картошка жана башка жашылча-жемиштерди өстүрүп кышка азык-түлүк даярдайт.

Мать пострадавшего в баткенских событиях Руслана Абдулганиева Екатерина Абдулганиева
© Sputnik / Зульфия Тургунова
Учурда Абдулганиев энеси экөө пенсия жана пособиенин эсебинен күн кечирип келет

Баткен окуясынын ардагерлер кеңешинин Ош шаары боюнча төрагасы Дилшат Амиров ардагерлерге жетиштүү деңгээлде көңүл бурулбай жаткандыгын билдирди.

"Баткенде болгон кагылышууну "Баткен окуясы" деп атоо туура эмес. Кадимки согуш болгон. Башка согуштун арадагерлерине бир топ жеңилдиктер бар. А бизге жок. Жакында эле Баткен коогалаңынын 20 жылдыгы белгиленди. Иш-чарада жеке тараптар демөөрчүлүк кылышты. Ош шаардык мэриясына кайрылсак, 355 ардагерге болгону 50 миң сом гана бөлүп беришти. Алардын арасында 15-16 майып ардагер бар. Эмнеге Баткен коогалаңынын ардагерлерине ушундай көңүл кош мамиле жасашат. Ардагерлер президентке, Жогорку Кеңешке бир канча ирет кат түрүндө кайрылып, башка согуштун катышуучулары сыяктуу жеңилдиктерди берүүнү суранганбыз", - дейт Амиров.

Бирок ардагерлер ушул күнгө чейин эч кандай жооп ала элек.

535
Белгилер:
маек, майып, ардагер, Баткен окуясы
Тема боюнча
Кыргызстандагы кандуу жолду көрүп үрөйүм учкан — немец окумуштуусунун Тянь-Шанга саякаты
Согушкерлердин кыргыз кыштагына салган кыргыны. Алааматтын күбөлөрү сүйлөйт

Бишкекте күйгөн үйдү өрткө каршы кызмат менен эл кошо өчүрүүдө. Видео

286
(жаңыланган 14:37 31.05.2020)
Интернетте Бишкектин Алтын-Ордо жаңы конушундагы үйдөн чыккан өрт өчүрүлүп жаткан учурдун видеосу тарады. Жеринде өрт өчүрүүчүлөр дагы деле иштеп жатат.

Кырсык тууралуу кабар Өрт өчүрүү кызматына саат 12ден кийин түшкөн. Конуш шаардын түштүк-чыгыш тарабында орун алган.

Күбө жеринде тартылган видеону жарыялады. Анын айтымында, бул үйдө бензин сатышчу. Бирок бул тууралуу расмий айтылган жок.

Кадрлардан көрүнүп тургандай, үйдүн экичи кабаты күйүп жатат. Ошондой эле өрт өчүрүүчүлөр жана Кайгуул милициясы келип калганын байкоого болот.

Башка видеодо жергиликтүү эл өрттү өчүрүүгө кол кабыш кылып жатканы көрүнөт.

Жеринде өрт өчүрүүчү эки бөлүм иштеп жатат.

286
Белгилер:
жаңы конуштар, Бишкек
Тема боюнча
Шаардын ар тарабынан көрүнгөн кара түтүн. Кампадан чыккан өрттүн видеосу
Президент Кыргызской Республики Сооронбай Жээнбеков сегодня, 1 июня, в Международный день защиты детей встретился с детьми — участниками телепроекта «Мээрим».

Президент менен жолуккан балдар "Ала-Арчада" сейилдешти. Сүрөттөр

0
(жаңыланган 18:54 01.06.2020)
Сооронбай Жээнбеков балдарга өзүнүн жумушу жөнүндө айтып берип, заманбап санарип технологияларды терең өздөштүрүүсүн каалап, ошол эле убакта китеп окууну да унутпоого чакырды.

БИШКЕК, 1-июн. — Sputnik. Президент Сооронбай Жээнбеков бүгүн, Балдарды коргоонун эл аралык күнүндө, ата-энесинен ажыраган балдардын таржымалын көрсөткөн "Мээрим" теледолбооруна катышкан балдар менен жолугушту. Бул тууралуу өлкө башчынын маалымат кызматынан билдиришти.

Жолугушууга Актан Жумабеков (12 жашта), Бүбүрахима Абсатар кызы (15 жашта), Диана Аманкожоева (11 жашта), Эрбол Мансуров (13 жашта) жана Ыйманбай Куштарбеков (12 жашта) катышты. Президент аларды бүгүнкү майрамы менен куттуктады.

  • Президент Кыргызской Республики Сооронбай Жээнбеков сегодня, 1 июня, в Международный день защиты детей встретился с детьми — участниками телепроекта «Мээрим».
    Президент Сооронбай Жээнбеков бүгүн, Балдарды коргоонун эл аралык күнүндө, ата-энесинен ажыраган балдардын таржымалын көрсөткөн "Мээрим" теледолбооруна катышкан балдар менен жолугушту.
    © Пресс-служба президента КР / Султан Досалиев
  • Президент Кыргызской Республики Сооронбай Жээнбеков сегодня, 1 июня, в Международный день защиты детей встретился с детьми — участниками телепроекта «Мээрим».
    Жолугушууга Актан Жумабеков (12 жашта), Бүбүрахима Абсатар кызы (15 жашта), Диана Аманкожоева (11 жашта), Эрбол Мансуров (13 жашта) жана Ыйманбай Куштарбеков (12 жашта) катышты.
    © Пресс-служба президента КР / Султан Досалиев
  • Президент Кыргызской Республики Сооронбай Жээнбеков сегодня, 1 июня, в Международный день защиты детей встретился с детьми — участниками телепроекта «Мээрим».
    Президент аларды бүгүнкү майрамы менен куттуктады.
    © Пресс-служба президента КР / Султан Досалиев
  • Президент Кыргызской Республики Сооронбай Жээнбеков сегодня, 1 июня, в Международный день защиты детей встретился с детьми — участниками телепроекта «Мээрим».
    Жээнбеков балдарга өзүнүн жумушу жөнүндө айтып берип, заманбап санарип технологияларды терең өздөштүрүүсүн каалап, ошол эле убакта китеп окууну да унутпоого чакырды.
    © Пресс-служба президента КР / Султан Досалиев
  • Президент Кыргызской Республики Сооронбай Жээнбеков сегодня, 1 июня, в Международный день защиты детей встретился с детьми — участниками телепроекта «Мээрим».
    Мамлекет башчысы балдарга бекем ден соолук, бактылуу жашоо, бакубат турмуш жана окууларына ийгиликтерди каалады.
    © Пресс-служба президента КР / Султан Досалиев
  • Президент Кыргызской Республики Сооронбай Жээнбеков сегодня, 1 июня, в Международный день защиты детей встретился с детьми — участниками телепроекта «Мээрим».
    Жолугушуунун катышуучулары президенттин колунан белек катары ноутбук алышты.
    © Пресс-служба президента КР / Султан Досалиев
  • Президент Кыргызской Республики Сооронбай Жээнбеков сегодня, 1 июня, в Международный день защиты детей встретился с детьми — участниками телепроекта «Мээрим».
    Балдардын арасынан Актан Жумабеков карапачылык искусство менен алектенерин айтып, Жээнбековго өз колу менен жасаган илбирс түрүндөгү акча салып коюучу кутуну белек кылды.
    © Пресс-служба президента КР / Султан Досалиев
  • Президент Кыргызской Республики Сооронбай Жээнбеков сегодня, 1 июня, в Международный день защиты детей встретился с детьми — участниками телепроекта «Мээрим».
    Маалымат кызматтан билдиришкендей, президенттин 2019-жылдын декабрь айындагы жыйынтыктоочу пресс-конференциясында КТРКнын "Мээрим" долбоорунун авторунан президентке катышкан балдар менен жолугушуу сунушу түшкөн.
    © Пресс-служба президента КР / Султан Досалиев
1 / 8
© Пресс-служба президента КР / Султан Досалиев
Президент Сооронбай Жээнбеков бүгүн, Балдарды коргоонун эл аралык күнүндө, ата-энесинен ажыраган балдардын таржымалын көрсөткөн "Мээрим" теледолбооруна катышкан балдар менен жолугушту.
"Балдар Жээнбековдун кичине кездеги кыялдары менен каалоолору жөнүндө кызыктырган суроолорун берип, өз пландары, кызыккан кесиптери тууралуу айтып беришти. Президенттен балдар үйлөрүндө, интернаттарда тарбияланып жаткан балдардын тагдыры боюнча пикирине кызыгышты. Ошондой эле президенттин күнүмдүк ишинде туш болгон көйгөйлөр менен алдыга коюлган пландарын сурашты", — деп айтылат билдирүүдө.

Жээнбеков балдарга өзүнүн жумушу жөнүндө айтып берип, заманбап санарип технологияларды терең өздөштүрүүсүн каалап, ошол эле убакта китеп окууну да унутпоого чакырды.

Мамлекет башчысы балдарга бекем ден соолук, бактылуу жашоо, бакубат турмуш жана окууларына ийгиликтерди каалады.

Жолугушуунун катышуучулары президенттин колунан белек катары ноутбук алышты. Балдардын арасынан Актан Жумабеков карапачылык искусство менен алектенерин айтып, Жээнбековго өз колу менен жасаган илбирс түрүндөгү акча салып коюучу кутуну белек кылды.

"Андан соң балдар президент менен "Ала-Арча" мамлекеттик резиденциясынын аймагында сейилдеп, өлкө башчы аларга мамлекеттик деңгээлдеги иш-чаралар жана расмий жолугушуулар өтчү жерлер тууралуу айтып берди", — деп жазылган кабарда.

Маалымат кызматтан билдиришкендей, президенттин 2019-жылдын декабрь айындагы жыйынтыктоочу пресс-конференциясында КТРКнын "Мээрим" долбоорунун авторунан президентке катышкан балдар менен жолугушуу сунушу түшкөн. Ал эми бүгүнкү кездешүүгө президент менен жолугушууну каалаган катышуучулар чакырылган.

0
Белгилер:
куттуктоо, майрам, жолугушуу, балдар, Сооронбай Жээнбеков
Тема боюнча
Кыздардан эркек балдар көп. Бөбөктөр боюнча кызыктуу статистика
Президент балдар уюмдарына жардам иретинде 1 миллион сом бөлдү. Тизме