Шевченко токмоктогон Кечоейра ыкчам нокауту менен рекорд койду. Видео

1156
(жаңыланган 10:17 24.02.2020)
Жеңилирээк салмактагы (57 кг ) UFC уюмунун мушкер кыздары Жаңы Зеландиядагы турнирде күч сынашты. Анда бразилиялык спортчу Присцила Кечоейра Американын намысын коргогон Шана Добсон менен беттешти.

Кечоейра биринчи раунддун 40-секундасында атаандашын утуп, UFC уюмунда ыкчам нокаутка кетирүү боюнча рекорд койду.

Беттештин видеосу дүйнөлүк мушкерлер уюмунун расмий Facebook баракчасына жүктөлдү.

Бразилиялык мушкер Присцила Кечоейра америкалык Шана Добсон менен беттешкен. Беттеш узаган жекшембиде Жаңы Зеландиядагы UFC Fight Night 168 турниринин алкагында өттү.

Видеодон Кечоейра Добсонду оң колу менен астынан соккондо (апперкот), анын сулап түшкөнүн көрүүгө болот. Сокку артынан сокку узатылгандыктан рефери беттешти токтотууга аргасыз болгон. Жеңишине кубанган бразилиялык мушкер бүк түшүп жата калып, ыйлап жиберген.

MMA Mania спорттук порталы билдиргендей, бул нокаут промоутерлик компаниянын жеңилирээк салмактагы дивизионунда эң ыкчам сокку болгон.

Белгилей кетсек, Кечоейра 2018-жылы уюмдагы биринчи беттешинде кыргызстандык Валентина Шевченко менен күч сынашкан. Шевченко аны беттеш токтогуча канжалата уруп, экинчи раундда муунтуу ыкмасы менен жеңишке жеткен. UFC уюмунун президенти Дана Уайт мушкер кыздарды октагондо тейлеген реферини "беттешти эрте токтоткон жок" деп сындаган.

Муну менен бразилиялык мушкер тогузунчу жеңишин камсыздады. Жалпысынан үч ирет утулган. Ал эми америкалык мушкер үч ирет утуп, төрт жолу жеңилүү ызасын тарткан.

1156
Белгилер:
видео, нокаут, беттешүү, Присцила Кечоейра, Валентина Шевченко, UFC
Тема боюнча
UFC президенти Шевченко менен Кечоейранын беттешин тейлеген калысты сындады

Каракчылыкка шектүүнү Бишкекте спецназ кармады. Видео

186
(жаңыланган 23:09 02.12.2020)
Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, ири суммадагы акчаны алып кетишкен.

Бишкекте Криминалдык милициянын кызматкерлери спецназ жоокерлери менен биргеликте мыкаачылык менен кол салууга шектелген жаранды кармашты.

Кармоо учурундагы видеону Бишкек ШИИБинин маалымат кызматы жарыялады.

Маалыматка караганда, 8-октябрь күнү "Жер ынтымагы" конушундагы үйлөрдүн бири каракталган. Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, 5 500 доллар, 150 миң сом жана 60 миң сомдук алтын буюмдарды уурдап кетишкен.

Жазык кодексинин 202-беренесине (“Каракчылык”) ылайык сотко чейинки өндүрүш башталган.

Жыйынтыгында 32 жаштагы шектүү кармалып, убактылуу кармоо жайына киргизилди.

186
Белгилер:
шектүү, каракчылык, милиция, Бишкек
Тема боюнча
Уюшкан кылмыштуу топтун эки мүчөсүн кармаган видео жарыяланды

Конституциялык палата ЖКнын мөөнөтүн 7 айга узартууга кантип макул болду? Видео

102
(жаңыланган 21:00 02.12.2020)
Жогорку соттун Конституциялык палатасы (КП) парламенттин мөөнөтүнүн узартылышын мыйзамдуу деп тапты. Бул чечим акыркы болуп саналат жана даттанууга жатпайт деп билдирди.

КПнын отуруму бүгүн, 2-декабрда, болуп, акыркы чечим кабыл алынды. Жыйынга Карыбек Дүйшеев төрагалык кылып, палатанын калган жети мүчөсү да катышты.

Конституциялык палата даттануучулар "Реформа" партиясынын төрайымы Клара Сооронкулованын жана жарандар Нурбек Касымбековдун, Таалайбек Усубалиевдин жана Жогорку Кеңеш өкүлдөрүнүн жүйөсүн укту. Ошондой эле президенттик аппарат менен Борбордук шайлоо комиссиясынын өкүлдөрү дагы позициясын айтышты.

Андан соң судьялар кеңешүү бөлмөсүнө чыгып кетип, беш сааттан кийин келди.

Белгилей кетсек, 21-октябрда Борбордук шайлоо комиссиясы парламенттик шайлоону кайрадан өткөрүүнү 20-декабрга дайындаган. Бирок анын эртеси Жогорку Кеңеш шайлоонун мөөнөтүн жылдыруу, башкача айтканда, БШК таянып иш алып барып жаткан беренени токтото туруу мыйзамын кабыл алды. Ага ылайык, шайлоо күнү конституциялык реформадан кийин, 2021-жылдын 1-июнуна чейинки мөөнөткө белгиленген. Аталган мыйзамга ошол убактагы президенттин милдетин аткаруучу Садыр Жапаров кол койгон. Азыркы парламенттин беш жылдык мөөнөтү 28-октябрда аяктаган.

Ал эми БШК өз мөөнөтүндө өткөрүү талабы менен Жогорку сотко чейин даттанып утулуп калган.

Буга чейин Конституциялык палата Венеция комиссиясына дал ушул жагдай боюнча кайрылып, жооп алган.

Комиссиянын корутундусунда азыркы парламент өзгөчө чараларды, анын ичинде конституциялык реформаны жүргүзө албай турганы белгиленген. Ошондой эле конституциялык мыйзам токтоп, шайлоонун мөөнөтү жылдырылганына жана демократиялык оюндун эрежелери бузулганына кабатырланган.

Жыйында тараптар кандай жүйө келтиргенин кийинки материалдан окуңуз.

102
Белгилер:
мөөнөт, парламент, чечим, Конституциялык палата
Тема:
Жогорку Кеңешке боло турган кайра шайлоо
Тема боюнча
Садыр Жапаров ЖК кабыл алган шайлоо тууралуу конституциялык мыйзамга кол койду
КП ЖК мөөнөтүнүн узартылышын мыйзамдуу деп тапты. Жыйында тараптар эмне деди