Цирктеги сүлөөсүн дрессировщиктин тилин албай, ага кол салды. Видео

304
(жаңыланган 09:44 25.02.2020)
Түштүк Осетиянын Цхинвал шаарындагы циркте сүлөөсүн дрессировщиктин тилин албай жулунуп, жибин үзүп кетүүгө аракет жасаган. Бирок киши кое бербей койгондо аны көздөй атырылган.

Окуяны залда отурган көрүүчүлөр видеого тартып алышкан. Аны Sputnik Осетия жарыялады.

Кадрдан көрүнүп тургандай, дрессировщик сүлөөсүн байланып турган жипти өзүн көздөй тарткылаган. Бирок жаныбар ага каршылык көрсөтүп жатып, бийик секичеден кулап түшкөн. Кийин эки бутуна тура калып кишиге асылган.

Алышып жатып акыры дрессировщик сүлөөсүндү көшөгө артына алып кеткен.

Посмотреть эту публикацию в Instagram

Публикация от Sputnik_Ossetia (@sputnik_ossetia)

Соцтармактын колдонуучулары сахна менен көрүүчүлөрдүн ортосунда тосмо жоктугун айтып ызаланышты.

"Акча тапса болду экен да. Элдин коопсуздугун ойлогон эч ким жок", — дешти комментарий жазгандар.

Интернет колдонуучулар коопсуздукка маани берилбеген иш-чаралар көрүүчүлөргө коркунуч жаратарын белгилешти.

304
Белгилер:
сүлөөсүн, цирк, сахна, жапайы жаныбарлар
Тема боюнча
Акылдуу пил. Жаныбардын амалы видеого түшүп калды
Питон цирктеги артистти муунтуп эсин оодарган видео
Трюк көрсөтүп жаткан цирктин артисти мотоцикли менен кулап түштү. Видео