Оорунун айынан вагондобуз! Гемофилиядан жабыркаган Аскат операцияга акча издөөдө

(жаңыланган 19:22 26.02.2020)
Sputnik Кыргызстан агенттиги эки буту тең кыймылдабай калган 31 жаштагы Аскат Букарбаевдин абалынан кабар алып келди.

Шаардын чет жагындагы райондордун биринде, каралбай калган имараттын алдында жапжашыл вагон турат. Дал ошол вагон Аскаттын үйү. Ал жерде Аскат Букарбаев ата-энеси жана карындашы менен турат. Вагон эки бөлмөлүү, ичи таза жана жылуу экен.

Биз барган маалда үйдөгүлөр жумушка кетиптир.

— Кире бериңиздер! — деди керебетте отурган Аскат.

Телевизордогу жаңылыктарга үңүлгөн жигит бала кезинен гемофилия дарты менен жабыркарын айтып отурду.

"Гемофилия менен төрөлгөндөн баштап эле ооруйм. Илдет тукум кууйт экен, анан эч качан айыкпайт. Өмүр бою дарыланууга мажбурмун. Буга чейин таяк менен басчумун. Жакында эле эки бутум тең кыймылдабай калды. Ветеринария багытында билим алып жаткам, сабакка да бара албай, көчөгө чыга албай үйдө отуруп калдым", — деди Аскат.

Дарыгерлер Букарбаевге бутуна операция жасоо керек экендигин буга чейин эле айтышкан. Бирок каражаттын жоктугунан ал чыгынбай жүргөнүн билдирди.

"Өзүңөр көргөндөй ушундай вагонду үй кылып алганбыз, турмуш-шарттын айынан. Кезинде Арча-Бешикте үйүбүз бар болчу. Бирок менин дартыман улам каражат керек болуп ал үйдү сатууга туура келди. Ата-энем жөнөкөй эле кызматтарда иштейт. Апам санитар, атам электрик. Айлыктары азык-түлүк, дары-дармектен ашпайт. Айласыздан операцияга акча керек болуп, элге кайрылууга туура келди", — деп үшкүрүндү Аскат.

Аскат журналистикага аябай кызыгарын кеп кылды. Айрыкча алып баруучу болуу анын бала кезинен берки кыялы экен. Учурунда атайын дикторлук курстарга барып, жергиликтүү каналдардын биринде алып баруучу болуп да иштептир. Операциясы ийгиликтүү аяктап, басып калса бул максатын кайрадан ишке ашырарын билдирди.

Баса, Аскат үйдө көп отуруп калгандыктан, ата-энеси жумуштан келгиче тамактын түрүн жасап коёт экен. Бешбармак эле эмес чыгыш ашканасынын тамактарын, кондитер азыктарынан бери жасай аларын да кошумчалады.

Белгилер:
жардам, тагдыр, оору, гемофилия
Тема боюнча
Көзү көрбөгөн сатуучуларды башкача алдашат. Азиз ишкер менен маек
Кафелерде акчамды төлөп коюуга ашыккандар көп... Гүлназдын баяны
Базардагы эл менен Ак үйдөгү аткаминерлерге кандай жардам керек? Видео

Кыргызстандык Эрназар Алматыдагы мелдеште мыкты ыкма жасаган спортчу болду. Видео

(жаңыланган 17:13 17.04.2021)
Бириккен күрөш дүйнөсү Кыргызстандын эркин күрөш боюнча балбаны Эрназар Акматалиевдин Алматыда өткөн лицензиялык турдагы таймаштарынын (чейрек финал, жарым финал жана финал) видеосун жарыялады.

Уюштуруучулар Акматалиевдин эркин күрөш боюнча спортчулардын арасынан ыкмаларды эң мыкты аткарганын айтышты.

65 килограмм салмакта күч сынашкан Акматалиев жарым финалда өзбекстандык тажрыйбалуу спортчу Ильяс Бекбулатов менен кармашты. Кыргыз балбаны 8:0 эсебинде утулуп жатканына карабай аракетин улантып, адегенде эки, анан төрт упайлык ыкма жасап, анын артынан эле атаандашынын далысын жерге тийгизип, таза жеңишке жеткен

Ал эми чейрек финалда түркмөн атлети Керим Ходжаковду 5:1 эсебинде жеңип алган.

Белгилер:
эркин күрөш, видео, мелдеш, Алматы, Эрназар Акматалиев
Тема боюнча
Аягына чейин кармашып. Эрназар Акматалиев Алматы мелдешинен алтын байге утту
Ири эсеп менен утулуп жатып жеңишке жеткен Акматалиевдин кубанган видеосу

АКШнын Россияга каршы санкциялык тизмесинде жоктор "кимге иштейт"?

(жаңыланган 16:28 17.04.2021)
АКШнын антироссиялык санкциялары "гегемон чаралары" деп аталды. Мындай аныктаманы Кытай жаңы чектөөлөргө комментарий берип жатып айткан.

Пекин бул жалгыз эле Кытайдын эмес, жалпы дүйнө коомчулугунун пикири экенин билдирди. Ошону менен катар Россия менен Американы бири-бирин чектөөлөр менен кыйнай бербей, сөзгө келүүгө чакырды. Россия ТИМи Вашингтонго кандай жооп берерин да билдирди. АКШнын санкциялык тизмесине кирбеш үчүн "кимге иштеш" керек? Байден Путинге жайында жолугуп эмне тууралуу сүйлөшмөкчү?

Белгилер:
аракет, жооп, санкциялар, Кытай, Россия, АКШ, Владимир Путин, Жо Байден
Тема боюнча
АКШ санкциялары менен дүйнөгө болгон үстөмдүгүн кыйратууда
Бизнесмендерге чыккан туумдар, салык санкциялары жоюла турган болду. Шарттары
Покупатели оплачивают покупки в супермаркете. Архивное фото

Соода кылгандан кийин чекти ыргытпагыла! Юристтин маанилүү кеңеши

Юрист чекте адамдын аты-жөнү жана банктык картасынын акыркы сандары калып каларын, аны менен шылуундар акча алууну көздөй турганын айтты.

БИШКЕК, 18-апр. — Sputnik. Соода кылгандан кийин чекти дароо ыргытып же кассага таштап салбаш керек. Аны алдамчылар пайдаланып кетиши мүмкүндүгүн РИА Новости юрист Егор Рединге шилтеме берип жазды.

Эксперттин айтымында, чек аркылуу адамдын аты-жөнүн, соода кылган картанын номеринин акыркы төрт санын билип алууга болот. Андан кийин шылуундар сиздин атыңыздан банкка кат жөнөтүп, акчаңызды уурдоого аракет кылышы мүмкүн.

"Ошондой эле алдамчы бул маалыматты колдонуу менен карта ээсин социалдык тармактардан таап, телефон номерин билип алат", — деп эскерткен Редин.

Алдамчылар дүкөндөн бонус топтойм деп чекти сурашат же акырын уурдап алышат. Андан кийин товарды коргоочу магнитинен ажыратып, көтөрүп кетишет. Кокус күзөтчү токтотуп калса башка эле бирөөнүн чегин көрсөтөт. Эгер товар карта менен төлөнсө шылуундар кайра сата алышат, ал эми акча менен төлөнсө кийимди чак келбей калды деп өткөрүп туруп акчасын алып алышат.

Белгилер:
алдамчылык, шылуун, соода, чек, юрист
Тема боюнча
Эксперт банктык карта ээлеринин эң көп кездешкен катачылыктарын атады