Путин Россия менен Кыргызстандын эң ири долбоору тууралуу айтты. Видео

459
(жаңыланган 17:50 28.02.2020)
Владимир Путин менен Сооронбай Жээнбеков Россия менен Кыргызстандын эриш-аркак жылын расмий ачышты.

Россия лидери Мамлекеттик Кремль сарайында өтүп жаткан салтанаттын маанилүүлүгүн белгиледи.

"Россия менен Кыргызстанды улам өнүгүп келе жаткан стратегиялык өнөктөштүк жана тилектештик байланыштырып турат. Мамлекеттерибиз саясий тыгыз байланышта, байма-бай диалогдор жүрүүдө", — деди Путин.

Ал Россия менен Кыргызстан аймактык туруктуулукту камсыздоо үчүн биргеликте иш алып барып, Жамааттык коопсуздук келишими уюмунун алкагындагы аскердик багытта кызматташып жатканын белгиледи.

"Эл аралык уюмдарда биздин позициябыз бирдей. Евразиялык экономикалык биримдикте да көз караштарыбыз бири-бирибиздикине дал келет. Тоо-кен, транспорт жана жаңы технологиялар тармагындагы биргелешкен долбоорлор ишке ашырылып жатат. Россия Кыргызстанга энергоресурстардын негизги жеткирүүчүсү. Ошондой эле биздин ЖОЖдордо кыргыз экономикасына салым кошчу студенттер даярдалып жатат", — деди Путин.

Анын айтымында, Россия Кыргызстан менен мамилесин мындан ары дагы ар тармакта бекемдөөнү көздөйт.

"Коюлган максаттарды ишке ашырууга эриш-аркак жылы жакшы шарт түзөт деп ойлойм. Биздин өлкөлөр алгачкы жолу мындай ири долбоорду ишке ашырып жатат", — деди президент.

Белгилей кетсек, эриш-аркак жылында Кыргызстан менен Россияда саясат, экономика, маданият жана аскер тармактарында 200дөй иш-чара өтмөкчү.

459
Белгилер:
кремль, Россия, Владимир Путин
Тема:
Кыргызстан менен Россиянын эриш-аркак жылы (37)
Тема боюнча
Россиянын опера ырчысы кыргызча созгондо... Эриш-аркак жылынын ачылышынан репортаж
Путин: Россия Кыргызстан менен байланышын күчөтүүгө кызыкдар

93 жашында шуулдап операция жасаган Мамакеев. Дарыгердин иш учурунан видеобаян

362
Хирург Мамбет Мамакеевди кыргыз эли эле эмес, бүт дүйнө тааный баштады. Себеби ал 68 жылдык карьерасынан улам Гиннестин рекорддор китебине кирди. Жакшы жаңылыгы менен алтын колдуу дарыгерди Sputnik Кыргызстан агенттиги да куттуктап, ал-абалын сурап келди.

93 жаштагы Мамбет Мамакеев башка курбалдаштарына салыштырмалуу тың, күүлүү-күчтүү. Учурда Бишкектеги хирургия борборунда иштеп, күнүнө 3-4 операция жасайт. Биз барган учурда кезектеги операциясына даярданып жатыптыр.

"Азыр бейтаптын өтүн алабыз. Кааласаңар операцияга кирип чыккыла" деп шуулдап халатын кийип, операция залына жөнөдү. Операция көз ачып-жумганча бүттү. 93 жаштагы хирург 10 мүнөттүн ичинде кайра иш бөлмөсүнө келип калды.

"Операциядан тажабайм, чарчабайм дагы. Анткени ал жакта сүйлөбөйсүң. Хирургдун мээси, анан колу жакшы иштеш керек. Көп сүйлөгөндөн чарчап кетем. Ушул жашка келгичекти бир да күн жумушума кечигип же келбей калган күнүм болгон эмес. Ишиңди жакшы көрсөң, андан тажабайсың", — деди дарыгер.

Мамакеевдин хирургия тармагында иштей баштаганына 68 жылдан ашыптыр. Бул аралыкта ал 30 миңден ашык адамдын өмүрүн сактап калган. 1000ге чукул шакирттерди тарбиялап, 200дөй илимий эмгектин автору болгон. Дарыгер адамга таланттан биринчи эмгек керек экенин айтып, тырышчаактыгынын, эмгекчилдигинин арты менен атактуу хирург болгонун айтып берди.

"Медициналык институтта билим алып жүргөндө мугалимдер мени тартипсиз, орой, орусча сүйлөй албайт деп жаман көрчү. Аспирантурага тапшырарда да "бул кантип аспирант болот" деп араң өткөрүшкөн. Бирок мен тырышчаактыгым, эмгекчилдигим менен аспирант болмок тургай, ушул даражага жеттим. Айрымдары "Мамакеев дагы эле тирүүбү" деп сурайт экен (күлүп). Мен бул жумушума көнгөм. Аны таштоо оңой эмес. Ишиңе берилүү менен мамиле кылыш үчүн ишти, ооруну, бейтапты да сүйгүнүң. Кесипкөй адис болом десең билимге умтул. Мунун баары болгондо гана ишке көңүл тартат", — деди хирург.

Кызыгы, хирург өмүрүндө чылым чегип, арак ичип көргөн эмес. Дени сак жашоого бала кезинен көнүп, чыйралганын айтып отурду. Мамакеев дүйнөдөгү аксакал дарыгерлердин бири. Кемпири менен эки уулду тарбиялап чоңойтушкан.

"Кемпирим 91 жаштын чайын ичип отурат. Бирок алдан тайып, араң басып, сүйлөбөй калды. Экөөбүз баштан далай кыйынчылыкты өткөрдүк. Эки уулум менин жолумду жолдоп медицина тармагын тандап алышкан. Биринчи уулум ооруканада диагностикалык борборду иштетсе, экинчиси ушул оорукананын жетекчиси. Небере-чөбөрөлөрүм бар", — деди Мамакеев.

Хирург биз менен маегинде экинчи даражадагы "Манас" орденинен башка мамлекеттик сыйлыктын баарын алганын айтып отурду. "Кудай күч-кубат берсе иштей берем, азырынча көзүм курч, мээм алжый элек", — деди ал.

Айтылуу хирург 1927-жылы Ысык-Көл облусунун Кереге-Таш айылында төрөлгөн.

Бишкек шаарында анын ысымы ири хирургия борборуна ыйгарылган.

362
Белгилер:
эмгек жолу, операция, дарыгер, хирург, видео, таржымал, Мамбет Мамакеев
Тема боюнча
Айыгарын билбей өлмөкчү болуп... Өзгөчө операция жасаган нейрохирургдун маеги
Шоопур болуп кете жаздаган. Миңдеген мээни ачкан Миталип Мамытов 80 жашка чыкты

Акыйкаттык орнобосо, тынчтык болбойт! АКШда эл Флойд менен коштошкон видео

443
(жаңыланган 21:47 05.06.2020)
Американын Миннеаполис шаарында полиция кызматкерлеринин одоно аракетинен каза болгон афроамерикалык Жорж Флойд менен коштошуу зыйнаты болду.

Миннеаполистеги Түндүк Борбордук университетинин (North Central) имаратына жүздөгөн адам Флойдду эскерүү үчүн чогулду. Табытты жүктөгөн автоунаа көрүстөнгө бара жатканда эл "Акыйкаттык орнобосо, тынчтык болбойт!" деген сөздү кайталап жатты.

Жорж Флойд майдын аягында Миннеаполисте полиция кармап, күч колдонгондон кийин көз жумган. Анын өлүмү элдин жаалын кайнатып, АКШ эле эмес башка жерлерде да нааразылык толкундарын жаратты. Ал эми Американын бир топ шаарларында башаламандык жаралып, талап-тоноо күч алган.

443
Белгилер:
коштошуу, узатуу, полиция, Жорж Флойд, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
АКШнын алдан тайышы: балдар полициядан коркуп жана жек көрүүнү үйрөнүп жатышат
Москвадан Бишкек шаарына кыргызстандык жарандар кайтарылды

Москвадан 460 кыргызстандык кайтты. Анын 68и эки жашка чейинки балдар. Сүрөт

0
(жаңыланган 16:19 07.06.2020)
Кайтып келүүнү каалагандар көп болгондуктан рейстегилердин тизмесин элчилик, диаспора жана клиника өкүлдөрүнөн турган атайын комиссия түзгөн.

БИШКЕК, 7-июн. — Sputnik. Бүгүн, 7-июнда, Москвадан Бишкек шаарына 460 кыргызстандык жаран кайтарылды. Анын 68и эки жашка чейинки балдар экендигин Тышкы иштер министрлигинин маалымат кызматы билдирди.

  • Сегодня, 7 июня, в Кыргызстан прибыл борт авиакомпании «Аэрофлот – Российские авиалинии» по маршруту «Москва – Бишкек», которым из России возвращены 460 граждан Кыргызской Республики, том числе 68 детей до 2 лет.
    Бүгүн, 7-июнда, Москвадан Бишкек шаарына 460 кыргызстандык жаран кайтарылды
    © Фото / Пресс-служба МИД КР
  • Сегодня, 7 июня, в Кыргызстан прибыл борт авиакомпании «Аэрофлот – Российские авиалинии» по маршруту «Москва – Бишкек», которым из России возвращены 460 граждан Кыргызской Республики, том числе 68 детей до 2 лет.
    Анын 68и эки жашка чейинки балдар экендигин Тышкы иштер министрлигинин маалымат кызматы билдирди
    © Фото / Пресс-служба МИД КР
1 / 2
© Фото / Пресс-служба МИД КР
Бүгүн, 7-июнда, Москвадан Бишкек шаарына 460 кыргызстандык жаран кайтарылды

Ага ылайык, жарандар "Аэрофлот — Российские авиалинии" компаниясынын "Москва — Бишкек" каттамы боюнча алып келинди.

Мекенине кайтып келүүнү каалагандар көп болгондуктан, рейстегилердин тизмесин атайын комиссия түзгөн. Анын курамында Кыргызстандын Россиядагы элчилигинин, кыргыз диаспорасынын өкүлдөрү жана Москвагы кыргыздардын медициналык клиникаларынын дарыгерлери болгон.

"Комиссия ден соолугунда олуттуу көйгөйү барларды, турмуштук оор кырдаалга кабылгандарды, төрөйүн деп калган жана жаш баласы бар аялдарды, улгайган адамдарды тандады. Булардын арасында мурда билет алып коюп уча албай калгандар дагы бар", — деп айтылат маалыматта.

Москвадан кайткан жарандардын бардыгы тишелүү медициналык процедуралардан өтүү үчүн обсервацияга жайгаштырылат.

Чет жактагы мекендештерди өлкөгө кайтаруу иштери жүргүзүлүп жатканы белгиленди.

0
Белгилер:
мекендештер, элчилик, Москва, Бишкек
Тема боюнча
Россия мигранттарга патент мөөнөтүн автоматтык түрдө узартып берет