Кол чаап сүрөгөн аялдар... Атамбаевди сотко алып келип, кайра алып кеткен видео

1376
(жаңыланган 18:25 04.03.2020)
Биринчи май райондук сотунда Кой-Таш окуясы боюнча алгачкы соттук отурум башталды. Процесске башкы фигурант, мурдагы президент Алмазбек Атамбаевди алып келишти.

Алгачкы соттук жыйын бүгүн, 3-мартта, саат 16:30дар чамасында башталды. Ага прокуратуранын кызматкерлери 88 томдук кылмыш ишин алып келишти. Анткен менен процесс болгону бир саатка созулду. Натыйжада судья жыйынды 4-мартка жылдыруу чечимин чыгарды. Себеби залда прокурорлорго, адвокаттарга жана айыпталуучуларга тийиштүү шарт түзүлбөгөнү аныкталды.

Жактоочулардын айтымында, залда керек болсо кагаз коюп иштегенге отургучтар жетишсиз болгон. Айыпталуучулар айнек кабиналарда отургандыктан алардын сөзү сыртка, сырттагы үндөр аларга угулбай калган. Мындан сырткары, айыпталуучуларга сот процесси жабык өтүп, журналисттердин кирбей калганы жаккан жок.

"Адвокаттар документтерди карап иштеши үчүн отургучтар жетишсиз экен. Бийликтен сот процессин ачык өткөрүүнү талап кылабыз", — деди экс-президенттин кеңешчиси Жолдубаева.

Ал ошондой эле айыпталуучулар иш менен таанышып жатканда 84 том болгонун, бүгүнкү жыйында болсо судья 88 том деп айтканын белгиледи. Жолдубаева калган төрт том кайдан кошулуп калганын түшүнбөй жатканын кошумчалады.

Кой-Таш окуясы

Алмазбек Атамбаев 2019-жылы 7-8-августтагы Кой-Таш окуяларынан соң камакка алынган. Учурда Атамбаев сегиз эпизод менен шектелип, УКМКнын тергөө абагында. Бул окуядан бир киши каза таап, 175 адам дарыгерлерге кайрылганы белгилүү болгон.

 

1376
Белгилер:
Алмазбек Атамбаев, Кундуз Жолдубаева, Биринчи Май райондук соту, Кой-Таш, Бишкек
Тема:
Алмазбек Атамбаевдин кармалышы (89)
Тема боюнча
Кой-Таш окуясы боюнча сот отуруму башталды. Ага Алмазбек Атамбаев катышууда
Атамбаев баштаган топко 11 берене боюнча айып тагылды. Тизме

Акыйкаттык орнобосо, тынчтык болбойт! АКШда эл Флойд менен коштошкон видео

178
(жаңыланган 21:47 05.06.2020)
Американын Миннеаполис шаарында полиция кызматкерлеринин одоно аракетинен каза болгон афроамерикалык Жорж Флойд менен коштошуу зыйнаты болду.

Миннеаполистеги Түндүк Борбордук университетинин (North Central) имаратына жүздөгөн адам Флойдду эскерүү үчүн чогулду. Табытты жүктөгөн автоунаа көрүстөнгө бара жатканда эл "Акыйкаттык орнобосо, тынчтык болбойт!" деген сөздү кайталап жатты.

Жорж Флойд майдын аягында Миннеаполисте полиция кармап, күч колдонгондон кийин көз жумган. Анын өлүмү элдин жаалын кайнатып, АКШ эле эмес башка жерлерде да нааразылык толкундарын жаратты. Ал эми Американын бир топ шаарларында башаламандык жаралып, талап-тоноо күч алган.

178
Белгилер:
коштошуу, узатуу, полиция, Жорж Флойд, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
АКШнын алдан тайышы: балдар полициядан коркуп жана жек көрүүнү үйрөнүп жатышат

Швецияны АКШдагы нааразылыктын толкуну каптады

126
(жаңыланган 20:11 05.06.2020)
Афроамерикалык Жорж Флойддун өлүмүнөн кийинки жаалданган толкун Швецияга чейин жетти. Жүздөгөн кишилер Мальма шаарында демонстрацияга катышты.

Аларды коронавирустан улам коюлган чектөөлөр, тыюу салуулар токтото алган жок. Көптөрдүн колунда кара түстүүлөргө карата адилетсиз мамилени жана расага бөлүүнү айыптаган плакаттар болду.

Жергиликтүү полиция чогулгандарды кууп таратууга аргасыз болгону айтылат.

Жорж Флойд майдын аягында Миннеаполисте полиция кармап, күч колдонгондон кийин көз жумган. Анын өлүмү элдин жаалын кайнатып, АКШ эле эмес башка жерлерде да нааразылык толкундарын жаратты. Улуу Британиядан, Франциядан, Грециядан жана Испаниядан да тилектештик билдирип жатышты.

126
Белгилер:
башаламандык, Жорж Флойд, Швеция, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
Нью-Йоркто мародёрчулук күч алды. Жеринде тартылган видео
COVID-19 вируска каршы дары таблеткалары. Архив

Россияда коронавируска каршы вакцина кийинки жумада чыгып, акысыз берилет

0
(жаңыланган 23:52 05.06.2020)
Бул —  коронавируска каршы чыгарылган Россиядагы алгачкы, ал эми дүйнөдө экинчи болуп катталган дары экени айтылат.

БИШКЕК, 5-июн. — Sputnik. Коронавируска каршы "Авифавир" препараты Россияда Милдеттүү медициналык камсыздандыруунун алкагында бекер берилет. Бул тууралуу Россиянын түз инвестициялар фондунун башчысы Кирилл Дмитриев президент Владимир Путин менен жолукканда айтканын Кремлдин сайты маалымдады.

Дмитриев "Авифавир" коронавируска каршы чыгарылган Россиядагы алгачкы, ал эми дүйнөдө экинчи болуп катталган дары экенин билдирген.

"Ал 11-июндан тарта Россиянын клиникаларына келип түшөт. Ал россиялыктарга Милдеттүү медициналык камсыздандыруу программасы боюнча бекер берилет", — деп айткан Дмитриев.

Маалыматта мындай вакцинадан жылына 700 миң даана чыгаруу пландалганын, бирок суроо-талап көп болуп, башка 10 өлкөдөн да сурам келип жатканын белгилеген. Мындан улам санын эки миллионго чейин жеткирүү пландалган.

0
Белгилер:
Россия, дарылоо, вакцина, коронавирус
Тема:
Кытайдагы жаңы типтеги коронавирус
Тема боюнча
Россия: коронавируска каршы чыгарылган бир вакцина баарына жарай бербейт
Коронавируска каршы Япония чыгарган вакцина июлда сынактан өтөт