Кош бойлуу аялга сойлоп келген жыланды кошунасы кармап алган видео

678
(жаңыланган 18:26 04.03.2020)
24 жаштагы Нонг Танвапанич үйүнүн короосунан жыланды көрүп калып, чаңырып, кошуналарын жардамга чакырган.

БИШКЕК, 4-мар. — Sputnik. Таиланд шаарында кош бойлуу аялды жанына сойлоп келген төрт метрлик кобрадан кошунасы сактап калган. Бул тууралуу Newsflare жазган.

24 жаштагы Нонг Танвапанич үйүнүн короосунан жыланды көрүп калып, чаңырып, кошуналарын жардамга чакырган.

Жыланды кармап жана баштыкка салган учурду YouTube каналына жүктөшкөн.

Видеодон аны кармоо оңойго турбагандыгын, кишилерди бир топ убарага салгандыгын көрүүгө болот.

Кошунасы куткаруучуларга чалып, бирок алар келгенче өзү кармаганга аракет кыла баштаган.

"Кобраны көргөндө коркуп кеттим. Абдан чоң экен, тобокел кылып өзүм кармоого бел байладым", — деп айтып берген ал.

Адистер келгенде кишилер жыланды кармап, каучук даракка байлап коюшкан.

Сейрек кездешкен жаныбарды көрүш үчүн аймактын жашоочулары келген.

"Бала кезимде жыландардын төрөсү кош бойлуу аялдарга жакын болот деп уккам. Демек, ал ымыркайды коргош үчүн келген деп ойлойм", — деген кошуналардын бири.

Кобра адамдан коркпогон учурлар да кездешет. Буга чейин Вьетнамда үч кулач болгон кобра жолго жатып алып, тыгын жараткан видео тараган.

 

678
Белгилер:
Таиланд, кош бойлуу, аял, кобра
Тема боюнча
Желим бөтөлкө жутуп алып айласы куруган жылан. Индияда тартылган видео
Индонезияда полиция шектүүнү жылан менен коркутуп, күнөөсүн моюндаткан. Видео

Бишкекте россиялыктар Мамдуманын депутаттарын шайлоодо. Видео

100
Ушул тапта Кыргызстандын төрт шаарында шайлоо тилкеси иштеп, өлкө аймагындагы россиялыктар РФтин Мамлекеттик Думасына кезектеги депутаттарды шайлоого добуш берип жатышат.

Шайлоо 17-сентябрдан 19-сентябрга чейин белгиленген. Аны менен биргеликте аймактык жана муниципалдык шайлоо да кошо өтүп жатат. Добуш берүүнүн негизги күнү катары 19-сентябрь эсептелет.

Россиянын Кыргызстандагы элчиси Николай Удовиченко шайлоо тилкелери 8:00дөн 20:00гө чейин иштей турганын айтты.

"Төрт шайлоо тилкеси ачылды: Бишкекте элчиликтин базасында, Оштогу башкы консулдуктун базасында, Кант менен Караколдо. Добуш берүүгө Кыргызстанда жүргөн Россия Федерациясынын бардык жарандары жана онлайн режиминде мамлекеттик кызмат көрсөтүү системасы аркылуу добуш бербегендер катыша алат", — деген элчи.

Мамлекеттик Думага 450 депутат тандалат: жарымы партиялык тизме менен болсо, жарымы бир мандаттуу округдар аркылуу. Жарышка ат салышууга 14 саясий партия катталган. Шайлоочулардын саны 110 миллиондон ашат.

100
Белгилер:
Кыргызстан, Россия, Мамлекеттик Дума, шайлоо, жер тилкеси, добуш берүү
Тема боюнча
Ош шаарында РФ жарандары Мамдума шайлоосуна добуш берип жатат. Сүрөт

Кыргызстандык ырчы Нур-Султандагы "Голос" долбооруна өттү. Видео

1268
Долбоордун насаатчылары кыргызстандык ырчы Нуржигит Субанкуловдун үнү менен тембри өзгөчө экенин белгилешкен.

Субанкулов Казакстандын "Голос" теледолбоорунун кийинки этабына ийгиликтүү өттү. Адатта насаатчылар чыгарма ырдалып бүткүчө артты карап угушат. Ырчы америкалык белгилүү "Stand by me" ("Мени менен кал") ырын аткарды.

Сахнага чыкканга чейин Нурсултан коңшу өлкөдөгү сынакка Бишкектен келгенин айтты. Ал ырдап жатканда эки насаатчы бурулуп, үнү менен тембрине баа берди. Кыргызстандык ырчы насаатчы катары өзүнө ырчы Батырхан Маликовду (Alem) тандап алды. Белгилей кетсек, насаатчылардын бири программанын жүрүшүндө сөзү Чыңгыз Айтматовго таандык болгон ырды аткарды.

Нуржигит Субанкулов 34 жашта, кесиби боюнча экономист, музыка жана автоунаа тюнинги менен алектенет. Буга чейин Нуржигит Россиянын "Голос" долбооруна да ийгиликтүү катышкан.

1268
Белгилер:
Казакстан, 'Голос' долбоору, Нуржигит Субанкулов, ырчы, долбоор
Тема боюнча
Кыргызстандык жигит "Голос" долбоорунун жарым финалына өттү. Видео
"Голос" шоусунда кыргызстандык аткаруучуну Меладзе "куткарып" калды. Видео
Мотоциклчен киши. Архивдик сүрөт

Мотоциклчен киши аэропортко кеткен трассадан жөө адамды коюп, жол жабылды

0
(жаңыланган 23:34 19.09.2021)
Жолго 50дөй киши топтолуп ызы-чууга түштү. Кырсыктын кесепетинен болжол менен 50 жаш курагындагы киши каза болду.

БИШКЕК, 19-сен. — Sputnik. "Манас" аэропортуна кеткен жолдо мотоциклчен киши жөө адамды коюп кетти. Бул тууралуу Чүй облустук милиция билдирди.

Окуя бүгүн саат 20:00дө болгон. Маалыматка караганда, кырсыктын кесепетинен жөө киши набыт болгон. Болжол менен ал 50 жашта. Активист Болот Ибрагимов авариядан кийин тартылган видеону соцтармакка жарыялады.

Посмотреть эту публикацию в Instagram

Публикация от Болот Ибрагимов SFR (@bolotibragimov)

Кадрдан жол убактылуу жабылып калганын көрүүгө болот. Топтолгон 50дөй киши ызы-чууга түшкөн. Милициянын божомолу боюнча, алар жергиликтүү тургундар менен мотоциклчен кишинин достору болушу мүмкүн.

Чүй ОИИББдин маалымат кызматы саат 21:00дөр чамасында Манас айылынын жашоочулары Бишкек — аэропорт жолун тосуп, жол кырсыктарына нааразычылыктарын билдиришкенин кабарлады.

"Учурда милиционерлер жергиликтүү тургундарга түшүндүрүү иштерин жүргүзүп жатат", — деди ОИИББден.

Түнкү саат 11лер чамасында эл тарай элек болчу.

0
Белгилер:
Бишкек, милиция, жол кырсык, мотоцикл
Тема:
2021-жылдын башынан бери Кыргызстанда болгон жол кырсыктар
Тема боюнча
Бишкекте жүк ташыган поездге урунуп 21 жаштагы жигит каза тапты