Австралиялык учкуч коронавирустан айласы кетип турган мекендештеринин көңүлүн көтөрүү үчүн асманга "wash hands" (колуңду жуу — ред.) деп жазды. Окуянын видеосу The Independent басылмасынын Facebook баракчасына жүктөлдү.
Өзүнүн айтымында, ал мындай жол менен Дүйнөлүк саламаттыкты сактоо уюмунун вирустан коргонуу боюнча кеңешин элдин эсине салып коюуну чечкен.
14-марттагы маалыматка караганда, Австралияда COVID-19 вирусун жуктуруп алгандардын саны 200гө жетти. Алардын ичинен үч киши каза таап, 23ү сакайып кетти.
