Кудукка кулаган кабыланды куткаруучулар алып чыкты. Видео

203
Кудукка түшүп кеткен кабыланды индиялыктар баарылап сактап калышты. Кызыгы, жырткыч анын өмүрүн аман алып калгандарды көргөнгө үлгүргөн жок.

Кудуктан чайпалган шатыны тартып чыгаргандар кабыландан качып кетишти. Бул тууралуу NDTV басылмасы кабарлады.

Ал эми окуянын видеосу YouTube каналына жарыяланды. 

Мадхья-Прадеш штатындагы Шивпури шаарындагы кудуктардын бирине кадимки эле кабылан түшүп калган.

16-мартта Индия токой чарбасынын кызматкери Парвин Касван аны алып чыккан видеону жарыялаган. 

Алар куткаруу операциясында жергиликтүүлөр хатия деп атаган чайпалган керебет-шатыны колдонгон. Шаты кыймылдап жатканда жырткыч чалкасынан коюлган керебетте кулап кетпештин амалын кылып бекем отурганын көрүүгө болот. Ал эми кудуктун оозун көздөй жаныбардын чыгып келе жатканын көргөн кишилер акырындап ошол жерден жок болгон.

Касван бул сапар жырткыч аны сактоодо адамдарга жардам бергендигин, тагыраагы, атырылып, түйүлө секирип каршылык көрсөтпөй, кыймылдаган керебетте тынч жатканын айткан. Адис мындай учурда кабыландар адатта агрессиясын көрсөтүп, куткаруучуларга тоскоолдук жаратарын кошумчалаган.

203
Белгилер:
куткаруу, кабылан, Индия
Тема боюнча
Башын чайнап салды. Кабылан менен питондун кармашкан видеосу
Үйдүн алдында уктап жаткан дөбөттү кекиртектеп сүйрөп кеткен кабылан. Видео

Акыйкаттык орнобосо, тынчтык болбойт! АКШда эл Флойд менен коштошкон видео

150
(жаңыланган 21:47 05.06.2020)
Американын Миннеаполис шаарында полиция кызматкерлеринин одоно аракетинен каза болгон афроамерикалык Жорж Флойд менен коштошуу зыйнаты болду.

Миннеаполистеги Түндүк Борбордук университетинин (North Central) имаратына жүздөгөн адам Флойдду эскерүү үчүн чогулду. Табытты жүктөгөн автоунаа көрүстөнгө бара жатканда эл "Акыйкаттык орнобосо, тынчтык болбойт!" деген сөздү кайталап жатты.

Жорж Флойд майдын аягында Миннеаполисте полиция кармап, күч колдонгондон кийин көз жумган. Анын өлүмү элдин жаалын кайнатып, АКШ эле эмес башка жерлерде да нааразылык толкундарын жаратты. Ал эми Американын бир топ шаарларында башаламандык жаралып, талап-тоноо күч алган.

150
Белгилер:
коштошуу, узатуу, полиция, Жорж Флойд, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
АКШнын алдан тайышы: балдар полициядан коркуп жана жек көрүүнү үйрөнүп жатышат

Швецияны АКШдагы нааразылыктын толкуну каптады

120
(жаңыланган 20:11 05.06.2020)
Афроамерикалык Жорж Флойддун өлүмүнөн кийинки жаалданган толкун Швецияга чейин жетти. Жүздөгөн кишилер Мальма шаарында демонстрацияга катышты.

Аларды коронавирустан улам коюлган чектөөлөр, тыюу салуулар токтото алган жок. Көптөрдүн колунда кара түстүүлөргө карата адилетсиз мамилени жана расага бөлүүнү айыптаган плакаттар болду.

Жергиликтүү полиция чогулгандарды кууп таратууга аргасыз болгону айтылат.

Жорж Флойд майдын аягында Миннеаполисте полиция кармап, күч колдонгондон кийин көз жумган. Анын өлүмү элдин жаалын кайнатып, АКШ эле эмес башка жерлерде да нааразылык толкундарын жаратты. Улуу Британиядан, Франциядан, Грециядан жана Испаниядан да тилектештик билдирип жатышты.

120
Белгилер:
башаламандык, Жорж Флойд, Швеция, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
Нью-Йоркто мародёрчулук күч алды. Жеринде тартылган видео
COVID-19 вируска каршы дары таблеткалары. Архив

Россияда коронавируска каршы вакцина кийинки жумада чыгып, акысыз берилет

0
(жаңыланган 23:52 05.06.2020)
Бул —  коронавируска каршы чыгарылган Россиядагы алгачкы, ал эми дүйнөдө экинчи болуп катталган дары экени айтылат.

БИШКЕК, 5-июн. — Sputnik. Коронавируска каршы "Авифавир" препараты Россияда Милдеттүү медициналык камсыздандыруунун алкагында бекер берилет. Бул тууралуу Россиянын түз инвестициялар фондунун башчысы Кирилл Дмитриев президент Владимир Путин менен жолукканда айтканын Кремлдин сайты маалымдады.

Дмитриев "Авифавир" коронавируска каршы чыгарылган Россиядагы алгачкы, ал эми дүйнөдө экинчи болуп катталган дары экенин билдирген.

"Ал 11-июндан тарта Россиянын клиникаларына келип түшөт. Ал россиялыктарга Милдеттүү медициналык камсыздандыруу программасы боюнча бекер берилет", — деп айткан Дмитриев.

Маалыматта мындай вакцинадан жылына 700 миң даана чыгаруу пландалганын, бирок суроо-талап көп болуп, башка 10 өлкөдөн да сурам келип жатканын белгилеген. Мындан улам санын эки миллионго чейин жеткирүү пландалган.

0
Белгилер:
Россия, дарылоо, вакцина, коронавирус
Тема:
Кытайдагы жаңы типтеги коронавирус
Тема боюнча
Россия: коронавируска каршы чыгарылган бир вакцина баарына жарай бербейт
Коронавируска каршы Япония чыгарган вакцина июлда сынактан өтөт