Коронавирустан улам Лондондо талап-тоноочулук башталды. Видео

1381
(жаңыланган 10:53 20.03.2020)
19-мартта алты адам Лондондогу дүкөндөрдүн биринен ичимдик уурдоого аракет кылышкан. Бирок аларды байкап калышкан. Кылмышка шектүүлөр дүкөндүн айнегин сындырып качып кетишкен. Бирок полиция аларды тез эле колго түшүргөнү маалым болду.

Укук коргоо органдары талап-тоноо көбөйө баштаганын айтып, бул акыркы бир нече күндөн берки төртүнчү талап-тоноо экенин билдиришкен. Бул тууралуу Daily Mail басылмасы кабарлады.

Басылманын маалыматына ылайык, Лондондогу дүкөн, супермаркеттерде коронавирустан улам эл болуп көрбөгөндөй дүрбөлөңгө түшүп, товарларды калтырбай алып кетүүдө. Жашоочулар узак убакытка созулчу карантинге даярданып керектүү азык-түлүктүн баарын алып жатышат. Ал тургай мушташканга чейин барышууда.

Улуу Британиянын бийлиги азык-түлүктүн камы жетиштүү экенин айтты. Анткен менен дүкөндөрдө кезекке турган адамдардын саны уламдан-улам өсүп жатканы маалым болду.

1381
Белгилер:
талап-тоноо, карантин, Лондон, коронавирус
Тема:
Кытайдагы жаңы типтеги коронавирус (437)
Тема боюнча
Бир киши 5 килограммдан көп азык албайт. Нур-Султандагы чектөөлөр