Путин чүмбөттөлүп алып коронавируска кабылган жарандарын көрүп чыкты. Видео

827
(жаңыланган 18:22 22.04.2020)
Мамлекет башчы медициналык борбордун кызматкерлерине ыраазычылык билдирип, алардын ишин сааттын механизми менен салыштырды.

Россиянын президенти Владимир Путин Москва облусунун Коммунарка айылындагы коронавируска кабылган жарандар жаткан медициналык борборго барды. Бул туурасында RT телеканалы маалымдады.

Кадрдан мамлекет башчысы коргонуучу костюм кийип айрым корпустарга кирип, бейтаптардын абалы менен таанышып чыкканын көрүүгө болот.

"Баары аскер постундагыдай иштеп жатканын көрдүм. Аскерий сөздөрдү колдонгум келбей турат, бирок сиздерде чынында баары сааттын жебесиндей тынымсыз иштеп жатат", — деди Путин.

Россия лидери бейтаптарды караган медицина кызматкерлерине опол тоодой эмгеги үчүн ыраазычылык билдирген.

827
Белгилер:
таанышуу, коронавирус, Владимир Путин
Тема:
Дүйнөгө жайылган коронавирус (961)
Тема боюнча
БУУ G20 уюмуна санкцияларды жоюп салууну сунуштады
Россия коронавирус менен күрөштө Италияга жардам берет

Эч ким көрө элек кадрлар. Кыргызстандын жапайы жаратылышы видеодо

320
(жаңыланган 13:22 11.08.2020)
Ысык-Көлдүн Жети-Өгүз жана Күрмөнтү өрөөнүнүн бийик аймактарына жыйырмадан ашык фотокапкан коюлган.

Германиянын жаратылышты коргоо союзунун (NABU) Кыргызстандагы филиалы 2013-жылдан бери жаратылыш койнуна орнотулган камералардын жардамы менен мониторинг жүргүзүп келет. Азыркы көрсөтүлүп жаткан кадрлар 2014-жылы тартылганы менен эч жерге жарыяланган эмес.

Ок жеп, көзү көрбөй калган илбирстин абалы айтылды. Сүрөт

Фотокапкан илбирстердин терисиндеги темгили аркылуу анын өзгөчөлүгүн аныктоого жардам берет. Бул адамдардын колунун изиндей болгон эле уникалдуулук экендигин аталган уюмдан айтышты.

320
Белгилер:
фотокапкан, илбирс, Күрмөнтү айылы, Жети-Өгүз району, Кыргызстан
Тема боюнча
Тоо текенин этин аймаган ак илбирс. Фотокапканга түшүп калган жырткыч

Кыргыз жерине апаат алып келген коркунучтуу 8 эпидемия. Видео

299
(жаңыланган 16:23 10.08.2020)
Көчмөндөр башка дүйнө эли сыяктуу эле коронавирустан да коркунучтуу ооруларды баштан кечирген. Деген менен биз бул тандоого коронавирусту да киргиздик.

Бүгүнкү заманбап медицинанын тушунда тарыхта ата-бабаларыбыз эпидемиялардан канчалык жапа чеккендигин көпчүлүк элестете албайт. Көчмөн урууларынын өзүнчө жашоосу, керек болсо, тоонун таза абасы да айрым учурда аларды коркунучтуу оорулардан сактай алган эмес.

Карантинден кийин кыргызстандыктар кандай өзгөрөт. Психологдордун пикири

Кара тумоо, чечек, пес оорусу, сифилис, күйдүргү, кургак учук көчмөн элин кыргынга учураткан оорулардын тизмесин толуктабаса да, дал ушул илдеттер адам өлүмүн арбыткан эпидемиялардан болгон.

Бул айтылгандар тууралуу кененирээк билгиңиз келсе, Sputnik Кыргызстандын видеосун көрүңүз.

299
Белгилер:
коронавирус, эпидемия, эл, көчмөн, Кыргызстан
Тема боюнча
Учурда өлкөдө канча адам ооруканада COVID менен күрөшүп жатат? Статистика
Билл Гейтс: бизди коронавирустан дагы чоң алаамат күтүп турат
Карантин аймагында турган кызматкер. Архив

Күйдүргү: Кара-Суунун Тогуз-Булак айылына карантин киргизилди

0
(жаңыланган 18:43 11.08.2020)
Саламаттыктык сактоо министрлиги бир бейтапта күйдүргү оорусу лабораториялык жактан тастыкталганын билдирди. Бейтартын абалы канатаандырарлык.

БИШКЕК, 11-авг. — Sputnik. Жергиликтүү тургундардын арасында күйдүргү чыккан Кара-Суу районунун Папан айыл өкмөтүнүн Тогуз-Булак айылына карантин киргизилди. Бул тууралуу Sputnik агенттигине айыл өкмөттүн башчысысы Курманбек Мияшев билдирди.

Анын айтымында, карантин 18-августка чейин уланат. Эреже боюнча Тогуз-Булак айылынын тургундары сыртка чыга албайт жана аймакка башкалардын кирүүсүнө тыюу салынат.

"Бөтөнчө ооруган уйду союп, этин алгандар үйдөн чыкпай, өзүн обочолоп отурушу керек. Ошондой эле сырттан мал жандыктарды алып кирүүгө жана чыгарууга болбойт", — деди айыл өкмөттүн башчысы.

Эске сала кетсек, бүгүн, 11-августта Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Облустук ветеринардык инспекция лабораториялык текшерүү жүргүзүлүп жатканын айткан.

Кыргыз жерине апаат алып келген коркунучтуу 8 эпидемия. Видео

Ал арада Саламаттыктык сактоо министрлиги бир бейтапта күйдүргү оорусу лабораториялык жактан тастыкталганын билдирди. Учурда бардык бейтардардын абалы канаттаандырарлык, керектүү дарылоону алып жатышат.

Райондо оорунун очогун чектеп, жок кылуу үчүн ыкчам штаб түзүлүп, тиешелүү кызматтар менен жыйын курушкан. Ошондой эле ооруну алдын алуу тууралуу түшүндүрүү иштери жүргүзүлүп жатат.

0
Белгилер:
карантин, оору, күйдүргү, Тогуз-Булак, Кара-Суу району, Ош
Тема боюнча
Тогузбаева: шарп, кутурма, күйдүргү — адам өмүрү үчүн да кооптуу
Оштун Кара-Суусунда сегиз киши күйдүргүгө шектелип ооруканага түштү