COVID-19 менен күрөшүү үчүн бардык кадамга барып. Индиядагы видео

726
Индияда дүйнөдөгү эң кичинекей бойлуу аял коронавирустан улам жергиликтүү элди үйдө отурууга чакырды. Микрофон анын боюнан бир нече сантиметр эле узун болгон.  Бул туурасында Newsflare сайты кабарлады.

26 жаштагы индиялык актриса Жоти Амджинин бою болгону 62,8 сантиметр. Актриса өзүнүн боюнан бир аз эле узун болгон микрофонду кармап алып автоунаанын капотуна чыгып сүйлөп жатат.

Жоти Амджи эл арасында бир топ эле таанымал болгондуктан, коронавируска каршы жасалган иш-чаранын бирин алып барган. Нагпур шаарынын жашоочуларын оорудан сактануу жана аны таратпаш үчүн үйдө отуруу зарылдыгын эскертип жатканын көрүүгө болот. Капоттогу актрисанын эки жагында полиция кызматкерлери турат.

Видеодон полиция кызматкерлери ага бир катар учурларды түшүндүрүп жатканын байкоого болот.

Коронавирус учурда Жер планетасынын дээрлик бардыгын каптады. Жонс Хопкинс атындагы университеттин Системалуу изилдөө жана инжиниринг борборунун соңку маалыматына таянсак, дүйнө жүзүндө коронавирус жугузуп алгандардын саны 2 181 508 адамга жетти.

726
Белгилер:
эл, полиция, актриса, Индия, коронавирус
Тема боюнча
АКШ COVID-19ду Сириядагы согушкерлерге жардам берүү үчүн пайдаланат
Коронакризис Кытай — АКШ — Россия үчтүгүн түптөйт. Жаңы дүйнөнүн жаралышы

Ту-154түн Россияда элди акыркы ирет ташыган видеосу. КРдеги №1 борт да ушундай

112
(жаңыланган 15:15 28.10.2020)
Россиядагы жарандык авиацияда жалгыз, бирден-бир пайданылып келе жаткан Ту-154 аба кемеси акыркы ирет жүргүнчүлөрдү ташып, андан соң сапарын карытты.

Бул туурасында РИА Новости жазды. 

Эске салсак, Кыргызстандын жетекчилиги да Ту-154М (№1 борт) менен учат. Ал 1993-жылы чыгарылган. 2018-жылдын башында РФ коргоо министри Сергей Шойгу Ту-154М учактарын авиакырсыктын алдын алуу максатында колдонуудан алуу туурасында айткан.

Жергиликтүү медиакомпаниялардын бири YouTube каналына Ту-154М туурасындагы видеоматериалды жайгаштырган.

"Алроса" компаниясынын борту Якутскинин Мирный шаарынан 140 жүргүнчүнү Новосибирскиге алып келген.

2002-жылы лайнер Мирныйдагы авиаишканага таандык болсо, 2013-жылы аны "Алроса" компаниясы алган.

"18 жыл ичинде Ту-154М аба кемеси 27,5 миң саат учкан. "Алроса" алган кийинки жылдары эле лайнер 737 каттам жасаган. Ага 160 миңден ашуун жүргүнчү түшкөн", — деп айтышты аталган компаниядан.

Бул жылдардын ичинде учак 1 224 тонна жүк, 52 тонна почта аманаттарын ташыган.

Компаниянын башкы директору Андрей Гуловдун айтымында, лайнерди колдонуу мөөнөтү аяктап бара жатат. Эксплуатациядан чыккандан кийин учак Новосибирскидеги Толмачев аэропортунда калат, андан кийинки тагдыры азырынча белгисиз.

Россиянын МиГ-31 истребителинин стратосферадагы керемет учуусу. Видео

Ту-154 аба кемеси Туполевдун конструктордук бюросунда иштелип чыккан. Биринчи ирет абага мындан 52 жыл мурда көтөрүлсө, 1972-жылы 9-февралда элди ташып баштаган. Бул советтик эң көп чыгарылган, жүргүнчүлөрдү ташый турган реактивдүү орто магистралдуу учак.

112
Белгилер:
жүргүнчү, Ту-154, Новосибирск, Якутск, Россия
Тема боюнча
6 миң метр бийиктик! Катуу шамалда аралыктан май куйган учактардын видеосу

Өкмөт мүчөлөрү ант берүү үчүн парламентке келди. Видео

160
(жаңыланган 14:00 28.10.2020)
Жогорку Кеңештин депутаттары "Ала-Арча" мамлекеттик резиденциясына жыйынга чогулду. Бүгүн премьер-министр Садыр Жапаров жана жаңы өкмөт мүчөлөрү ант берет.

Мыйзамдын нормаларына ылайык, жаңы өкмөт куралгандан кийин парламентке келип элдин алдында ант бериши шарт.

160
Белгилер:
Садыр Жапаров, өкмөт, ант, Жогорку Кеңеш
Тема боюнча
Бүгүн ЖК депутаттарынын мыйзамда белгиленген мөөнөтү аяктады
Киши ант берип жаткан учурда. Архив

Антымды бузсам жоопкерчилик тартууга даярмын! Өкмөт мүчөлөрү ант берди

0
(жаңыланган 17:06 28.10.2020)
Өкмөттүн 22 мүчөсү бар: премьер-министр, үч вице-премьер, 12 министр, төрт мамлекеттик комитеттин башчысы жана министр рангындагы өкмөттүн аппарат жетекчиси.

БИШКЕК, 28-окт. — Sputnik. Премьер-министр Садыр Жапаров жана жаңыдан дайындалган өкмөт мүчөлөрү кызматына киришип жатып ант беришти.

Жогорку Кеңештин жыйыны "Ала-Арча" мамлекеттик резиденциясында өтүп жатат.

"Кызматка киришип жатып, өз элимдин, Кыргыз Республикасынын Жогорку Кеңешинин жана президентинин алдында КР Конституциясын жана анын мыйзамдарын ыйык сактоого, өз милдеттеримди ак ниет менен берилип аткарууга, Кыргызстан элинин алдында кызмат кылууга ант беремин! Берген антымды бузган учурда КР мыйзамдарына ылайык жоопкерчилик тартууга даярмын", — дешти өкмөт мүчөлөрү.

Садыр Жапаров депутаттардын алдында ант берди. Видео

Соңунда Жапаров аларга кайрылып,болгон билим, тажрыйбасын өлкөнү өнүктүрүүгө, абалды турукташтырууга жумшоого чакырды. Ошондой эле Конституциялык реформаларды бир адамдын эмес, жалпы элдин кызыкчылыгы үчүн жүргүзүүгө жардам берерине ишеним артты.

КР өкмөтүнүн 22 мүчөсү бар: премьер-министр, үч вице-премьер, 12 министр, төрт мамлекеттик комитеттин башчысы жана министр рангындагы өкмөттүн аппарат жетекчиси.

0
Белгилер:
ант берүү, өкмөт, Садыр Жапаров
Тема боюнча
Депутаттар Исмаилованы социалдык өнүктүрүү министри кызматына колдогон жок. Видео
Жапаров кимдерди бийликке алып келди. Өкмөттүн жаңы курамын таанып алыңыз