Булчуңдуу, келишимдүү бишкектик атлет үйдөн машыгууну көрсөттү. Видео

677
Карантин убагында үйдөн машыгууну ойлонуп, бирок аны кайсы көнүгүүлөрдөн баштоону билбей турсаңыздар Sputnik агенттиги тарткан видео сизге жардам берет.

Пауэрлифтинг боюнча спорт чебери, бодибилдингдин Mens Physique категориясы боюнча КРдин чемпиону жана марафончу Руслан Жарматов бардык курактагы адамдар жасай турчу көнүгүүлөрдү көрсөтүп берди.

Анын айтымында, машыгам деген киши ага убакыт табышы керек. Ал эми мотивация алуунун жолу жөнөкөй, муну ден соолугуң чың болушу жана денеңдин келишимдүүлүгү үчүн жасап жатканыңды түшүнүшүң керек экен.

"Түшүнөм, азыр карантин, иштер бар, дагы башка шылтоолор табыла берет. Бирок жасаш керек. Көп адамдан спорт менен машыгууга же сүйүктүү ишим менен алектенүүгө убактым жок деген сөздү угам. Бирок азыр ошонун бардыгын ишке ашыра турчу убак. Спорт силердин эркиңерди, мүнөзүңөрдү бекемдейт. Жаш муунга үлгү бололу", — деген Жарматов.

Ал спорттук резина, гантель жана штанганын жардамы менен көнүгүүлөрдү жасап берди. Эгер ал каражаттар жок болсо ошого окшош оорураак нерселерди пайдаланса болорун кошумчалады. Мындан сырткары, килемченин үстүндө да ден соолукту чыңдоонун жолдорун көрсөттү.

677
Белгилер:
видео, көнүгүү, пауэрлифтинг, машыгуу, Руслан Жарматов, Кыргызстан
Тема боюнча
Сулуулар артыңыздан чуркап калат! Чымыр денелүү машыктыруучудан мастер-класс
Бар эти булчуңга толгон Руслан: денеме эч кандай химиялык зат колдонгон эмесмин

Бел ашып, кар кечип жарык жандыргандар. Асманда иштеген энергетиктердин видеосу

0
3000 бийиктиктеги катмарлап каткан карды аралап, андан соң ашуунун дал чокусуна орнотулган электр линиясынын түркүгүнө чыгып, аны бир нече күндөп оңдоо жөнөкөй адамдардын колунан келе турчу иш эмес.

Албетте, ар бир кесиптин өзүнүн кыйынчылыгы бар, бирок төмөнкү видеодон кооптуулук менен коштолгон түйшүктүү иш процессин көрүүгө болот.

Бул — "Кыргызстан улуттук электр тармагы" ишканасынын Нарындагы энергетиктери Сары-Кыр ашуусуна чыгып барып, электр өткөрүүчү линияны оңдогон учуру.

Ал жерге адистер жолду кардан тазалап отуруп, эки күндө жеткен. Бул ишти аталган мекеменин Нарындагы филиалынын бригадасы жасады. Ошентип акырында энергетиктер Урумбаш-Жетиген деп аталган 110 кВт чыңалуудагы линияны оңдошту.

0
Белгилер:
кар, энергетика, Тогуз-Торо, Кыргызстан
Тема боюнча
Суу кечип, куюнда калып, Нарын суусунун үстүнөн зым тарткан энергетиктер. Видео

Москванын кезектеги "жазып-тайганы". АКШ Россияны башаламандыкка айыптоодо

261
(жаңыланган 12:42 02.06.2020)
Америка Кошмо Штаттарында афроамериалык Жорж Флойддун өлүмүнөн кийин башталган ири акциялар тынчый элек. Эркек киши Миннесота штатындагы Миннеаполис шаарында полиция колго түшүргөндөн кийин көз жумган.

Окуя элдин нааразычылыгын шарттап, массалык митингдер бир нече күндөн бери уланууда. Полициянын аракетин сындап чыккандар Миннеаполис, Нью-Йорк, Вашингтон сыяктуу ири шаарларда арбып, башаламандык жаралып, полиция менен кагылышуулар болуп жатат. Митингчилер дүкөндөрдү кыйратып, талап-тоноп, таштанды челектерди өрттөшүүдө.

Каршылык акцияларынын жүрүшүндө РИА Новости агенттигинин кабарчысы Михаил Тургиев да жабыркап, мындан улам РФ элчилиги Мамлекеттик департаментке нота жөнөттү.

Ал арада полицияга жардам иретинде АКШнын Улуттук гвардиясы да тартылды, бирок желим ок да, көздөн жаш чыгаруучу газ дагы элдин толкунун баса алчудай эмес. Ушундай окуялар болуп жаткан маалда Барак Обаманын экс-кеңешчиси Сьюзан Райс Россияны айыптап чыкты. Бул жолу Москва кайсы жерден "жазып-тайып" калганын биздин видеодон көрсөңүздөр болот.

261
Белгилер:
талап-тоноо, нааразы, митинг, башаламандык, айып, Россия, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
Оңдолгус ката! АКШдагы митингге тиешеси бар деп айыпталган Россия жооп берди
Россия сегодня эл аралык агенттигинин башкы редактору Маргарита Симоньян

Сотко беришибиз мүмкүн! Симоньян АКШда жабыркаган журналисттер тууралуу

18
(жаңыланган 01:05 03.06.2020)
Америкадагы нааразычылык акцияларын чагылдырып жүргөн РИА Новости жана Sputnik агенттигинин кабарчылары полиция тарабынан одоно аракеттерге туш болушкан.

БИШКЕК, 3-июн. — Sputnik. "Россия сегодня" эл аралык агенттигинин башкы редактору Маргарита Симоньян редакциянын кабарчыларына кол салган америкалык полиция кызматкерлерине каршы доо арыз берилиши мүмкүн экендигин билдирди. Бул тууралуу РИА Новости жазды.

"Акыркы үч күндүн ичинде Американын полициясы РИА Новостинин Миннеаполистеги кабарчысы менен Вашингтондогу Sputnik агенттигинин продюсерине кол салды. Экөө тең пресс-карталарын көрсөтүп, кабарчы экендигин айтып кыйкырышкан. Аны полиция көрүп да, угуп да койгон эмес. Учурда АКШ өзүнүн медиасына да ушундай мамиле кылып жатат. Мыйзам бар мамлекетте, албетте, биз сотко кайрылмакпыз. Бирок бүгүнкү Америкада мыйзам полициядан да жакшы иштейт деп айтууга негиз жок. Биз муну ойлонуп көрөбүз", — деген Симоньян.

Өткөн жекшембиде полиция Миннеаполистеги башаламандыкты чагылдырып жаткан РИА Новостинин кабарчысы Михаил Тургиевге көздөн жаш агызуучу газ чачып жиберген. Буга байланыштуу Россиянын элчилиги мамлекеттик департаментке нааразычылык нотасын жөнөткөн.

Ал эми шейшемби күнү Вашингтон полициясы нааразычылык акциясын видеого тартып жүргөн Sputnik агенттигинин продюсери Николь Русселдин журналист экендигин билип туруп желим ок менен аткылаган.

Полиция Тургиев менен Руссел журналист экендигин тастыктаганына карабастан, атайылап орой мамиле жасаган.

Афроамерикалык жарандын өлүмүнөн кийин АКШда өткөн жумадан тарта нааразычылык акциялары башталып, ал башаламандыкка айланып кетти. Бир нече шаарга коменданттык саат киргизилип, полиция кызматкерлери тартипке көз салганы менен башаламандыктын аягы сууй элек. Ири шаарларда дүкөндөр талкаланып, мародёрлук күч алганын ЖМКлар жазып жатышат.

Ал эми АКШ президенти Дональд Трамп башаламандыкты террорчулук деп сыпаттаган.

18