Жүрөктү эзип... Бишкекте өткөн "Өлбөс полк — онлайн" акциясынан видео
(жаңыланган 02:17 10.05.2020)
Кыргызстандын борбор калаасы атагы кыйырга кеткен акцияны карантиндик чектөөлөргө карабай колдоду. Шаар тургундары обочолонуу тартиби менен жашап жатканына карабастан, Улуу Жеңиштин 75 жылдыгын татыктуу белгиледи.
©
Sputnik / Инна Гришук
Саат 12.00дө каалоочулардын баары "Жеңиш күнү" ырын ырдап, майрамды башташты.
Аскер оркестринин коштоосунда жоокерлердин тобу согуштун баатырларын куттуктап, 75 жыл мурун көрсөткөн эрдиктери үчүн ыраазычылык айтышты.
Көкүрөгү орден-медалга толгон ардагерлер жаштарга көздөрүнө жаш ала алкаса, коңшулары менен жакындары кол чаап, рахмат айтып, урмат көрсөтүштү.
Баласын коргоп арстанды айланта, кабыланды каардана кууган буйволдун видеосу
Буйвол эненин жаңы туулган музоосун коргоп, тирүү алып калууга болгон аракети сырттан карап тургандар үчүн бир топ таасирдүү болгон. Бул тууралуу "National Geographic Россия" сайтындагы макалада айтылган.
Видеону Түштүк Африкадагы Крюгер жаратылыш паркынан Мэтью Стейн аттуу турист тартып алган.
Кадрдан эне буйволдун жакшы телчиге элек баласы менен келе жаткандыгын, ал эми бадалдын арасынан кабыландын аларды аңдып бугуп жаткандыгын көрүүгө болот.
©
YouTube / Kruger Sightings
Жакындап келе жаткан жырткычтардан баласын коргогон эне буйвол эки жакты карабай мүйүзү менен каршылык көрсөтүп, арстанды чаңызгыта кууган. Ал экинчи кооптуулукка — кабыланга улам тап берип, баласын жолдун ары жагындагы бадалга алып кирип кеткенге үлгүргөн.
Артынан барып, музоону бөктөрүп кетүүгө аракет кылган арстанды каарданып кайрадан кууганы видеонун акыркы ирмемдерине түшүп калган.
Баасы 2 млн. сомду чапчыйт. Депутаттардын колундагы кымбат сааттардын видеосу
(жаңыланган 20:42 26.02.2021)
Жогорку Кеңештин депутаттары кандай саат тагынарына кызыгып жаткан болсоңуз, ушул видеодон тааныша аласыз. Sputnik Кыргызстан эл өкүлдөрүн сүрөткө тартып, алардыкына окшош сааттардын баасын билип көрдү.Биздин кадрга түшкөн 10 депутаттын ичинен эң эле кымбат саат Марлен Маматалиевдики деп атоого болот. Андай сааттардын баасы интернет дүкөнүндө 2,2 миллион сом деп жазылган. Андан кийинки сапта Аккулу Бердиев менен жакында эле депутаттык мандатын тапшырып кеткен Искендер Гайпкулов турат. Ал эми эң арзаны Асел Кодурановага таандык. Аныкына окшогон сааттарды 10 300 сомго сатып алса болот.
Жапаровдун сапары талкууланат. Өзбекстандын тышкы иштер министри Бишкекке келди
(жаңыланган 13:04 27.02.2021)
Учурда өлкөнүн тышкы саясий ведомствосунун башчысы Руслан Казакбаев коңшу өлкөдөн келген кесиптеши менен жолугушууда.БИШКЕК, 27-фев. — Sputnik. Өзбекстандын тышкы иштер министри Абдулазиз Камилов Бишкекке жумушчу сапары менен келди. Бул тууралуу ТИМдин маалымат кызматы билдирди.
©
Пресс-служба президента КР / Султан Досалиев
Күн тартибиндеги эң негизги маселе КР президенти Садыр Жапаровдун Ташкентте жакынкы арада боло турган иш сапарын уюштуруу болмокчу.
Ошондой эле тараптар кыргыз-өзбек көп кырдуу стратегиялык өнөктөштүктүн учурдагы абалын жана келечегин талкуулашат. Аны менен катар регионалдык жана эл аралык уюмдардын алкагында мындан ары өз ара аракеттенүү боюнча пикир алмашышат.
Белгилер: