Батыш Россияны статистиканы бурмалап жатат деп айып тагууда. Видео

212
(жаңыланган 13:21 15.05.2020)
Батыштын New York Times жана Financial Times басылмалары өз материалдарында Россия коронавирустан өлгөндөрдүн санын атайылап азайтып көрсөтүүдө деп жазып чыгышты.

Өз кезегинде Россия бийлиги мындай билдирүүлөр акылга сыйбай турганын айтып, төгүндөөсүн талап кылды. РФ ТИМинин расмий өкүлү Мария Захарова басылмалардын жазганын өлкөгө пландаштырып жасалган маалыматтык чабуул деп атады.

Бирок мындай жосунсуз аракеттерге батыш басылмалары эле эмес, көп учурда АКШнын расмий адамдары да далилсиз айыптарды жаадырып, инфекцияга туруштук бере албай калганын актоо үчүн жалган маалыматтарды жайылтып келет.

Эскерте кетсек, АКШда коронавирус жуктургундардын саны 1,4 миллионго жетип, анын 85 миңи каза болгон.

212
Белгилер:
фейк, өлүм, статистика, Россия, АКШ, Батыш, коронавирус
Тема боюнча
"Киссинжер үчтүгүн" кыйраткылары барбы? АКШнын одоно аракети

Бишкек: коомдук транспорттун карантинден кийин иштеген биринчи күнү. Видео

112
(жаңыланган 17:14 25.05.2020)
25-майда Бишкекте автобус, троллейбус жана маршруткалар кайрадан каттай баштады. Коомдук транспорттун карантинден кийинки биринчи иш күнүн Sputnik Кыргызстандын видеосунан көрүңүз.

Коомдук транспорт адаттагыдай эле иштеп жатат, бирок санитардык коопсуздук талаптар сакталганын байкоого болот. Кире берген жерге санитайзерлер орнотулган, ал эми айдоочулар менен жүргүнчүлөр бет капчан, кол капчан жүрүшөт.

Айдоочулар менен жүргүнчүлөргө коюлган талаптар:

— жүргүнчүлөрдү ташуу бет кап же респираторчон жасалышы керек. Антисептик каражаты, кол кап менен бет кап сөзсүз болушу шарт;

— кире бериште санитайзер коюлушу керек;

— автоунаанын ичинде киши 60-70 пайыздан ашпасын;

— туткалар, отургучтар, кармагычтар бир каттап келгенден кийин дезинфекциялансын;

— кезек жаралбашына жана элдин аралыкты сакташына шарт түзүү зарыл.

Кыргызстандагы COVID-19

Открытие парка имени героя Советского Союза Чолпонбая Тулебердиева в городе Бишкек. 7 мая 2020 года
© Пресс-служба президента КР / Султан Досалиев
Кыргызстанда коронавирус жуктургандардын жалпы саны 1433 болуп, 992 бейтап айыкты. Тилекке каршы, COVID-19 он алты кишинин өмүрүн алган.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Өлкөдөгү абал тууралуу Sputnik Кыргызстан тексттик баяндама жүргүзүүдө.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

112
Белгилер:
санитайзер, бет кап, коопсуздук, эреже, санитардык талаптар, коомдук транспорт, Бишкек
Тема:
Коронавируска байланыштуу Кыргызстандагы кырдаал
Тема боюнча
Бишкекте коомдук транспорт иштей баштады. Видео
Аймактарга каттаган коомдук транспорт азырынча жүрбөйт. Штабдын билдирүүсү

Жетим козуларды эмизген пони. Англиядагы окуянын видеосу

132
Англиянын Сомерсет графтыгындагы жайытта жетим калган үч козуга пони мээримин төгүп, кайтарып, ал тургай эмизип баштаган.

Маалымат National Geographic Россия сайтына чыкты.

Бул туурасында алардын кожоюну Бэки Попэм да айтып берип, социалдык тармактагы баракчасына жазган. 

Үч козу бир ай болгондон кийин энесинен ажыраган. Кожоюну аларды жакын жайгашкан Хайди деп аталган понинин короосуна киргизген. Жылкы аларды жерибей, тескерисинче, мээримине алып, карап, кайтарып, кам көрө баштаган. Ал эми кийин анын сүт чыкпаган эмчегин козулардын ээмп жатканын байкап, ээси таң калгандыгын жашыра алган эмес. Субай бээнин желинине козулар эмгенден кийин сүт чуркаган.

Бэки Попэм бул окуядан кийин ветеринарга кайрылганда, адис мында таң кала турган эч нерсе жоктугун, болгону анда энелик инстинкт ойгонгондугун түшүндүргөн.

"Себеби Хайда буга чейин бешти тууган. Жаныбар болсо деле энелик сезим ойгонсо башканы карап, бага берет экен", — деген жылкынын ээси.

Учурда козулардын пони энеси менен кошо жатып, кошо туруп, аркасынан калбай ээрчип аларын кошумчалаган.

132
Белгилер:
энелик, инстинкт, пони, жетим, эмизүү, козу, Англия
Тема боюнча
Көңүл көтөрөт! Эне пил баласын ойготуп жаткан видео
Россия президентинин маалымат катчысы Дмитрий Песков. Архивдик сүрөт

Путиндин маалымат катчысы коронавирустан айыгып, үйүнө чыкты

0
(жаңыланган 23:18 25.05.2020)
Дмитрий Песков өзү журналисттерге ооруканадан чыкканын жана азырынча үйдө иштей турганын тастыктады.

БИШКЕК, 25-май — Sputnik. Россия президентинин маалымат катчысы Дмитрий Песков коронавирустан сакайып, ооруканадан чыкты. Бул тууралуу РИА Новости жазды. 

Эске салсак, ал 12-май күнү коронавирус жуктуруп алганын билдирген. Ошондой эле анын жубайы, муз бийчиси Татьяна Навкадан дагы вирус аныкталган.

Песков өзү журналисттерге ооруканадан чыкканын жана азырынча үйдө иштей турганын билдирди.

0
Белгилер:
оорукана, коронавирус, Дмитрий Песков, Россия
Тема:
Кытайдагы жаңы типтеги коронавирус
Тема боюнча
Песковдун жубайы Навкадан да COVID-19 табылып, абалы кандай экени айтылды