Берешен, кичи пейил жан эле! Жээнбековдун апасына арналган видеоролик чыкты

1097
(жаңыланган 10:40 18.05.2020)
Интернетте президент Сооронбай Жээнбековдун энесине арналган жагымдуу видеоролик пайда болду. Видео мамлекет башчынын Youtube каналына жарыяланган.

Жыл сайын май айынын үчүнчү жекшембисинде Кыргызстанда Энелер күнү белгиленип келет. Быйыл бул дата 17-майга туш келди. Апаларды өлкө башчы Сооронбай Жээнбеков да куттуктап, баатыр энелерге сыйлыктарын тапшырган.

Энелер күнүнө карата президенттин Youtube каналында өзүнүн апасына арналган жагымдуу видеоролик жарыяланды.

Видеодон көп баланын ортосунда отурган жоолукчан, маңдайы жарык энени көрүүгө болот. Ал Сооронбай Жээнбековдун апасы.

Видеодон Ыдырыс Молдалиев аттуу киши Жээнбековдун апасы тууралуу жакшы пикирлерин айтып кеткен.

"Эженин колунан чай ичип калдым. Үйүнө кандай адам барбасын "балам, нан ооз тий, чай ич" деген кичи пейил, берешен, акылдуу байбиче болчу", — деген Молдалиев.

Видеоролик Сооронбай Жээнбековдун баатыр энелерди куттуктап жаткандагы цитаталары менен толукталган. Өлкө башчы мекенге болгон атуулдук сезим энеге болгон сүйүүдөн башталарын айтып, бардык энелерге ден соолук каалап кеткен.

Атайын Энелер күнүнүн урматына Sputnik агенттиги ушу тапта коронавирус менен бел чечпей күрөшүп жаткан министр, комендант, облус жетекчилеринин да энелери тууралуу сүрөт түрмөк даярдаган.

1097
Белгилер:
эне, видео, Сооронбай Жээнбеков, Кыргызстан
Тема боюнча
Вирус менен күрөшкөн министр, комендант, облус башчылары апалары менен. Сүрөт

Тизелеп, тилектештикти билдирип… АКШ полициясынын видеосу

40
Американын Де-Мойн шаарындагы нааразычылык акциясы жүрүп жаткан маалда полиция эл алдында тизелеп турду.

Муну менен тартип коргоочулар акцияга чыккандарга тилектештигин билдирип, расизмге жана адилетсиздикке каршы экендигин билдиришкен.

Шаар администрациясынын айтымында, митинг коменданттык саат алдында болгон. Ага катышкандар өздөрү эле үйүнө кайтышкан.

46 жаштагы афроамерикалык Жордж Флойддун өлүмүнөн кийин АКШда өткөн жумадан тарта нааразычылык акциялары башталып, ал башаламандыкка айланып кетти. Бир нече шаарга коменданттык саат киргизилип, полиция кызматкерлери тартипке көз салганы менен чатактын мизи кайта элек. Нааразычылык акциясынын катышуучулары Флойдду өлүмгө дуушар кылган полиция кызматкерлерин катуу жазалоону талап кылышууда.

40
Белгилер:
видео, нааразычылык акциясы, полиция, АКШ
Тема боюнча
Америкалыктар бизнесин мародерлордон курал менен коргоп жатат. Видео
Өмүрүн тобокелге салып тартышкан. АКШдагы башаламандыкты баяндаган 12 сүрөт

Мен Жорж Флойдмун. АКШдагы акциялар дүйнөгө жайылды. Видео

83
Коронавирустан арыла электе дүйнө каршылык акцияларына тушукту. Митингге чыккандар расизмге жана полициянын зомбулугуна каршылыгын билдирип жатат.

Алгач полицияга кармалып, андан кийин каза болгон афроамерикалык Жорж Флойддун өлүмүнө байланыштуу акциялар окуя болгон Миннеаполис шаарында башталган. Тез арада АКШ аймагына, андан соң башка мамлекеттерге да жайылып кетти.

Колдоруна "Дем ала албай жатам", "Акыйкатсыздык жок, демек тынчтык жок" деген плакаттарды көтөргөн адамдар Нидерландда, Испанияда, Аргентинада, Улуу Британия менен Германияда акцияга кошулушту. Ал эми Грецияда митингчилер консулдуктун жанындагы АКШнын желегин өрттөп жебиришкен. Канада менен Францияда да башаламандык болуп, полиция көздөн жаш агызуучу газ колдонууга аргасыз болгон. Окуя болгон жерлерден тартылган видео назарыңыздарда.

83
Белгилер:
консулдук, желек, башаламандык, дүйнө, полиция, өлүм, акция, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
Өмүрүн тобокелге салып тартышкан. АКШдагы башаламандыкты баяндаган 12 сүрөт
Расизмби же анархиябы? АКШ оңой эмес тандоо алдында турат
Табло курса доллара, евро, рубля и тенге на обменном бюро в Бишкеке

Ката кеткен. Акча алмаштыруу жайларын жабуу мыйзам долбоору ЖКга киргизилди

19
(жаңыланган 13:17 04.06.2020)
Мыйзам долбоору үстүбүздөгү жылдын апрель айында коомдук талкууга коюлуп, бир топ сын-пикирлерди жараткан.

БИШКЕК, 4-июн. — Sputnik. Кыргызстандагы акча алмаштыруу жайларын жабуу боюнча мыйзам долбоору Жогорку Кеңештин кароосуна киргизилди. Бул тууралуу парламенттин сайтында жарыяланды.

Аталган документ үстүбүздөгү жылдын апрель айында коомдук талкууга коюлган. Мыйзамды демилгелеген депутаттар менчик бюролор операциялар тууралуу маалыматты жашырып, валюта курсун негизсиз жогорулатып, мындай аракети менен сомдун кунун кетирет деген жүйө келтирген.

Долбоордун негиздемесинде 2015-жылы Улуттук банк акча алмаштыруу жайларын жабууга аракет кылып, бирок коомдук талкуу учурунда колдоо таппай калганы жазылган.

"Акча алмаштыруу операцияларын банктар, кредиттик союздар, чакан финансылык жана кредиттик компаниялар гана жүргүзүшү сунушталууда. Бул улуттук валюта рыногунун коопсуздугун, валюта операцияларынын ачык-айкындуулугун камсыздоого жана көбүрөөк салык түшүшүнө шарт түзөт", — деп жазылган мыйзам долбоорунда.

Документтеги ката

Деген менен мыйзам долбоорунун расмий тилде жазылган негиздемесинде ката кетип калган. Мүмкүн болуучу терс кесепеттердин болжолу бөлүмүндө "Мыйзам долбоорду кабыл алуу "Медицина кызматкерлеринин макамы жөнүндө" КР мыйзамдарына өзгөрүтүүлөрдү киргизүү" терс кесепеттерди алып келбейт" деп жазылып турат. Чынында бул мыйзам валюта рыногуна эмес, медицина тармагына тиешелүү.

Ал эми жөндөө таасирин талдоо жөнүндө маалыматында "Мыйзам долбоору жөндөө таасирине талдоо жүргүзүүнү талап кылбайт, себеби ал ишкердик ишти жөнгө салууга багытталган эмес" деп жазылган.

Законопроект о закрытии обменных пунктов в Кыргызстане
скриншот с сайта Жогорку Кенеша
Акча алмаштыруу жайларын жабуу боюнча мыйзам

Мыйзам долбоорун депутаттар Гүлшат Асылбаева, Алиярбек Абжалиев, Салайдин Айдаров, Искендер Гайпкулов, Пархат Тулендыбаев, Айнура Осмонова, Экмат Байбакпаев сунуштаган. Негизги демилгечиси Гүлшат Асылбаева.

19
Белгилер:
Жогорку Кеңеш, депутат, мыйзам, акча алмаштыруу жайы
Тема боюнча
Акча алмаштыруу жайларын жабуу мыйзамы боюнча Улуттук банк комментарий берди
Жалаа жаппасын! Акча алмаштыруу жайлары мыйзам жазган депутаттарга жооп берди