Тамак жасап, бала караганды үйрөндүк. Карантинде өзгөргөн бишкектиктердин видеосу

691
(жаңыланган 21:10 19.05.2020)
Sputnik Кыргызстан агенттигинин кабарчысы борбор калаадагы санитардык эрежелердин аткарылышына байкоо салуу үчүн көчө аралады. Тургундардын бир тарабы ачык жерде бет кап тагынуу керек десе, экинчи тарабы ага кошулбайт.

Кыргызстанда коронавирус катталып, чектөөлөр киргенине эки ай болду. Бул жарандарга кандай таасир берип, алардын жашоосунда эмнелер өзгөргөнүн билүүгө аракет кылдык. Кээ бир ата-энелер карантин убагында балдарына жакын болуп, алардын катылган таланттарын көрө алганын айтышты. Ал эми жаш кыздар тамак жасаганды үйрөнүп, жигиттер үйдөгү майда-барат жумуштарын бүтүргөнүн белгилешти. Арасында эки айдан бери көчөгө биринчи жолу чыгып, "шаар өзгөрүп кетиптир" деп таң калгандарды да кезиктирдик.

Шаарда автоунаа көп, бирок жөө жүргөндөр аз экени байкалат. Айрымдарына микрофон сунганда эл өзү санитардык эрежелерди аткарбай жатканын айтып нааразы болушту.

Белгилей кетсек, ушул маалда түкүргөндөргө айып салуу мыйзамы да актуалдуу болуп турат. Себеби шаарда түкүрүү оорунун жайылышына чоң коркунуч жаратат.

691
Белгилер:
видео, сурамжылоо, карантин, өзгөрүү, Бишкек, кырдаал, коронавирус
Тема:
Коронавируска байланыштуу Кыргызстандагы кырдаал (1494)
Тема боюнча
"Дордой" баштаган ири базарлар ишке кирет. 25-майдан тарта жанданчу тармактар

Тизелеп, тилектештикти билдирип… АКШ полициясынын видеосу

67
Американын Де-Мойн шаарындагы нааразычылык акциясы жүрүп жаткан маалда полиция эл алдында тизелеп турду.

Муну менен тартип коргоочулар акцияга чыккандарга тилектештигин билдирип, расизмге жана адилетсиздикке каршы экендигин билдиришкен.

Шаар администрациясынын айтымында, митинг коменданттык саат алдында болгон. Ага катышкандар өздөрү эле үйүнө кайтышкан.

46 жаштагы афроамерикалык Жордж Флойддун өлүмүнөн кийин АКШда өткөн жумадан тарта нааразычылык акциялары башталып, ал башаламандыкка айланып кетти. Бир нече шаарга коменданттык саат киргизилип, полиция кызматкерлери тартипке көз салганы менен чатактын мизи кайта элек. Нааразычылык акциясынын катышуучулары Флойдду өлүмгө дуушар кылган полиция кызматкерлерин катуу жазалоону талап кылышууда.

67
Белгилер:
видео, нааразычылык акциясы, полиция, АКШ
Тема боюнча
Америкалыктар бизнесин мародерлордон курал менен коргоп жатат. Видео
Өмүрүн тобокелге салып тартышкан. АКШдагы башаламандыкты баяндаган 12 сүрөт

Мен Жорж Флойдмун. АКШдагы акциялар дүйнөгө жайылды. Видео

105
Коронавирустан арыла электе дүйнө каршылык акцияларына тушукту. Митингге чыккандар расизмге жана полициянын зомбулугуна каршылыгын билдирип жатат.

Алгач полицияга кармалып, андан кийин каза болгон афроамерикалык Жорж Флойддун өлүмүнө байланыштуу акциялар окуя болгон Миннеаполис шаарында башталган. Тез арада АКШ аймагына, андан соң башка мамлекеттерге да жайылып кетти.

Колдоруна "Дем ала албай жатам", "Акыйкатсыздык жок, демек тынчтык жок" деген плакаттарды көтөргөн адамдар Нидерландда, Испанияда, Аргентинада, Улуу Британия менен Германияда акцияга кошулушту. Ал эми Грецияда митингчилер консулдуктун жанындагы АКШнын желегин өрттөп жебиришкен. Канада менен Францияда да башаламандык болуп, полиция көздөн жаш агызуучу газ колдонууга аргасыз болгон. Окуя болгон жерлерден тартылган видео назарыңыздарда.

105
Белгилер:
консулдук, желек, башаламандык, дүйнө, полиция, өлүм, акция, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
Өмүрүн тобокелге салып тартышкан. АКШдагы башаламандыкты баяндаган 12 сүрөт
Расизмби же анархиябы? АКШ оңой эмес тандоо алдында турат
Бала бакча. Архив

Бала бакча кызматкерлери COVID вирусуна анализ тапшырат

0
Бишкекте 87 муниципалдык, 13 ведомстволук жана 218 жеке менчик бала бакча бар. Алардын 5-июндан тарта иштей баштаары күтүлүүдө.

БИШКЕК, 4-июн. — Sputnik. Бишкектеги мамлекеттик жана менчик бала бакчалардын тарбиячылары толугу менен COVID-19 вирусуна анализ тапшырат. Бул тууралуу брифинг учурунда калаанын вице-мэри Татьяна Кузнецова билдирди.

Эске салсак, Кыргызстанда мектепке чейинки билим берүү мекемелери 5-июндан тарта иштей баштайт.

Анын айтымында, мэриянын сунушун Республикалык штаб колдоп, кызмактерлерди массалык түрдө скрининг кылууга макул болду.

Кузнецова билдиргендей, бала бакча жетекчилиги тез арада кызматкерлеринин тизмесин райондук акимчиликтерге бериши зарыл.

"Ар бир ата-эне балдарын коопсуз жакка жиберип жатканына ишениши керек. Ата-энелердин өзүнөн дагы үйдө тазалыкты сактап, балдарга маска алып беришин өтүнөбүз. Өзгөчө кырдаал учурунда гигиенаны сактап, бет кап кийип, аралыкты кармоо менен бири-бирибизге жардам берели", — деди вице-мэр.

Маалыматка караганда, эпидемияга каршы ыкчам комиссия төмөндөгү документтерди иштеп чыкты:

  • мектепке чейинки билим берүү жайларынын иштөөсү боюнча убактылуу регламент;
  • бала бакчага барган ата-энелердин анкетасы;
  • баланын ден соолугуна кам көрүү боюнча ата-энелерди милдеттендирме кагазы.

Убактылуу регламентте баланы эртең менен бакчага кабыл алуу, жеке гигиенасына кам көрүү үчүн шарттарды түзүп берүү, балдардын бир жерге топтолушуна жол бербөө, аралыкты сактатуу маселелери каралган. Ошондой эле бала бакча кызматкерлери маал-маалы менен бөлмөдөрдү тазалап, дезинфекциялап турууга милдеттүү.

Бишкекте 87 муниципалдык, 13 ведомстволук жана 218 жеке менчик бала бакча бар.

0
Белгилер:
коронавирус, эреже, гигиена, бала бакча, Бишкек
Тема:
Коронавируска байланыштуу Кыргызстандагы кырдаал (1494)
Тема боюнча
15-июндан тарта тышкы каттамдар жанданат. Кайсы компаниялар учууга макулдук берди
Жээнбеков: коронавирус инфекциясы аймактардагы көйгөйлөрдү ачыкка чыгарды
Бишкекте санитардык эреже бузгандар 1,2 миллион сомдук айыпка жыгылды